७८. त+मेत्थ+स्स+त्थीति मन्तु

पठमन्ता एत्थ अस्स अत्थीति एतेस्व+त्थेसु मन्तु होति. गावो एत्थ देसे अस्स वा पुरिसस्स सन्तीति गोमा, गोमन्तो इच्चादि गुणवन्तुसमं.

अत्थीति वत्तमानकालोपादानतो भूताहि भविस्सन्तीहि वा गोहि न गोमा. कथं गोमा आसि, गोमा भविस्सतीति. तदापि वत्तमानाहियेव गोहि गोमा, आसि भविस्सतीति पदन्तरा कालन्तरं. इतिसद्दतो विसयनियमो. वुत्तञ्हि –

पहूते च पसंसायं, निन्दायञ्चा+तिसायने;

निच्चयोगे च संसग्गे, होन्ति+मे मन्तुआदयोति.