३१. ततो सम्भूत+मागतं

पञ्चम्यन्ता सम्भूत+मागतन्ति एतेस्व+त्थेसु णिको होति. मातितो सम्भूत+मागतंवा+ति एत्थ ‘‘मातितो च भगिनियंच्छो’’ति ‘‘मातितो’’ति भागेन उस्स इम्हि वाक्यं, रस्सद्वित्तेसु मत्तिकं, पेत्तिकं. ण्य+रियण+र्यपच्चयापि दिस्सन्ति. सुरभितो सम्भूतं सोरभ्यं. यम्हि थञ्ञं. उभयत्थ ‘‘लोपो+वण्णि+वण्णानं’’ति लोपो. रियण-पितुतो सम्भूतो पेत्तियो, मातियो, ‘‘रानुबन्धे+न्तसरादिस्सा’’ति उलोपो, मत्तियो. र्यम्हि-उलोपो, चवग्गपुब्बरूपानि, मच्चो वा.