३. कत्तिकाविधवादीहि णेय्यणेरा

कत्तिकादीहि विधवादीहि च णेय्यणेरप्पच्चया होन्ति वा यथाक्कमं. कत्तिकाय अपच्चं कत्तिकेय्यो, गरुळो विनताय=सुपण्णमातुया अपच्चं वेनतेय्यो. रोहिणिया अपच्चं रोहिणेय्यो, गङ्गाय अपच्चं गङ्गेय्यो. एवं भागिनेय्यो, नादेय्यो, अन्तेय्यो, आहेय्यो, कापेय्यो, सुचिया अपच्चं सोचेय्यो, बालेय्यो. णेरे-विधवाय अपच्चं वेधवेरो. बन्धकिया=अभिसारिकाय अपच्चं बन्ध-केरो. समणस्स उपज्झायस्सा+पच्चं सामणेरो, नाळिकेरो इच्चादि.