४. गतिबोधाहारसद्दत्थाकम्मकभज्जादीनं पयोज्जे

गत्यत्थानं बोधत्थानं आहारत्थानं सद्दत्थान+मकम्मकानं भज्जादीनञ्च पयोज्जे कत्तरि दुतिया होति. दत्तो गमयति माणवकं गामं, यापयति वा. गुरु बोधयति माणवकं धम्मं, वेदयति वा. माता भोजयति पुत्त+मोदनं, आसयति वा. गुरु अज्झापयति सिस्सं वेदं, पाठयति वा. पयोज्जतो+ञ्ञत्र कम्मे दुतिया. पोसो आसयति दत्तं, साययति वा. पोसो अञ्ञं भज्जापेति, अञ्ञं कोट्टापेति, अञ्ञं सन्थरापेति.