३९. लोपो

निग्गहीतस्स लोपो होति वा क्वचि. दीघे सारम्भो संरम्भो, सारत्तो संरत्तो, सारागो संरागो, पुब्बस्सरलोपे तासाहं सन्तिके, एवायं, द्वित्ते पुल्लिङ्गं पुंलिङ्गं, क्याहं, तस्स अदासहं. पटिसल्लानो, सल्लेखो, पातुकामो, गन्तुमनो, अरियसच्चान दस्सनं, एतं बुद्धान सासनं, अविसाहारो, चिरप्पवासिन्तिआदीसु निच्चं. क्वचीति किं, एव+मयं, कि+महं, एतं मङ्गल+मुत्तमं.

कतं इति, अभिनन्दुं इति, उत्तत्तं इव, चक्कं इव, कलिंइव, हलं इदानि, किं इदानि, त्वं असि, इदं अपि, उत्तरिं अपि, दातुं अपि, सदिसं एव इती+ध –