३०. यवा सरे

सरे परे इवण्णुवण्णानं यकार+वकारा होन्ति वा यथाक्कमं. पटिसन्थारवुत्यस्स, सब्बवित्यनुभूयते, ब्यञ्जनं, ब्याकतो ‘‘ब्यञ्जने दीघरस्सा’’ति दीघे दास्याहं, अहापुरे, अन्वद्धमासं, अन्वेति, स्वागतं, स्वाकारो, द्वाकारो, चक्ख्वापाथं, बह्वाबाधो, पात्वाकासि, न त्वेव, भ्वापनलानिलं. वात्वेव, विआकतो, सागतं.

अधिगतो खो मे अयं धम्मो, पुत्तो ते अहं, ते अस्स पहीना पञ्च, ते अहं, ये अस्स, ते अज्ज, यावतको अस्स कायो, तावतको अस्स ब्यामो, को अत्थो, अथ खो अस्स, अहं खो अज्ज, सो अहं, सो अज्ज, सो एव, यतो अधिकरणं, सो अहं इती+ध ‘‘यवा सरे’’ ‘‘वे’’ति च वत्तते,