(१) पठमो कण्डो (सञ्ञादि)

१. अआदयो तितालीस वण्णा.

२. दसा-दो सरा.

३. द्वेद्वे सवण्णा.

४. पुब्बो रस्सो.

५. परो दीघो.

६. कादयो ब्यञ्जना.

७. पञ्च पञ्चका वग्गा.

८. बिन्दु निग्गहीतं.

९. इयुवण्णा झला नामस्सन्ते.

१०. पित्थियं.

११. घा.

१२. गो स्यालपने.

(सञ्ञा)

१३. विधिब्बिसेसनन्तस्स.

१४. सत्तमियं पुब्बस्स.

१५. पञ्चमियं परस्स.

१६. आदिस्स.

१७. छट्ठियन्तस्स.

१८. वानुबन्धो.

१९. टानुबन्धा-नेकवण्णा सब्बस्स.

२०. ञकानुबन्धाद्यन्ता.

२१. मानुबन्धो सरानमन्ता परो.

२२. विप्पटिसेधे.

२३. सङ्केतो-नवयवो-नुबन्धो.

२४. वण्णपरेन सवण्णो-पि.

२५. न्तु वन्तुमन्त्वावन्तुतवन्तुसम्बन्धी.

परिभासा

२६. सरो लोपो सरे.

२७. परो क्वचि.

२८. न द्वे वा.

२९. युवण्णानमेओ लुत्ता.

३०. यवा सरे.

३१. एओनं.

३२. गोस्सावङ.

३३. ब्यञ्जने दीघरस्सा.

३४. सरम्हा द्वे.

३५. चतुत्थदुतियेस्वेसं ततियपठमा.

३६. वी-तिस्से-वे वो.

३७. एओनम वण्णे.

३८. निग्गहीतं.

३९. लोपो.

४०. परसरस्स.

४१. वग्गे वग्गन्तो.

४२. येवहिसु ञो.

४३. ये संस्स.

४४. मयदा सरे.

४५. वनतरगा चा-गमा.

४६. छा ळो.

४७. तदमिनादीनि.

४८. तवग्गवरणानं ये चवग्गबयञा.

४९. वग्गलसेहि ते.

५०. हस्स विपल्लासो.

५१. वे वा.

५२. तथनरानं टठणला.

५३. संयोगादिलोपो.

५४. विच्छाभिक्खञ्ञेसु द्वे.

५५. स्यादिलोपो पुब्बस्से-कस्स.

५६. सब्बादीनं वीतिहारे.

५७. यावबोधं सम्भमे.

५८. बहुलं.

इति मोग्गल्लाने ब्याकरणे सञ्ञादिकण्डो पठमो.