नमो तस्स भगवतो अरहतो सम्मासम्बुद्धस्स

बुद्धगुणगाथावली

यथेव पुप्फरासिम्हा, गन्थेय्य माला सोभना;

एवं बुद्धगुणगाथा, विरचिं सहस्साधिका.

सोपि भगवा अरहं, सम्मासम्बुद्धो सयम्भू;

विज्जाचरणसम्पन्नो, बुद्धं तं पणमाम्यहं.१.

पुरिसदम्मसारथी, लोकविदू अनुत्तरो;

सत्थादेवमनुस्सानं, बुद्धं तं पणमाम्यहं.२.

सुगतो सुगदो सामी, सुखदो सन्तिपदायको;

सब्बलोकानुकम्पको, बुद्धं तं पणमाम्यहं.३.

वरो वरञ्ञू वरदो, वरुत्तमो वराहरो;

वरधम्मं अदेसयि, बुद्धं तं पणमाम्यहं.४.

महामङ्गलमङ्गल्यो, मङ्गलो मङ्गलालयो;

मङ्गलायतनो नाथो, बुद्धं तं पणमाम्यहं.५.

मङ्गलिन्दो मङ्गलिको, महामङ्गलनायको;

मङ्गलधम्मं देसेसि, बुद्धं तं पणमाम्यहं.६.

मङ्गलग्गो मङ्गलञ्ञू, मङ्गलत्थपदायको;

मङ्गलपन्थदस्सावी, बुद्धं तं पणमाम्यहं.७.

मङ्गलिच्छो मङ्गलिद्धो, मङ्गलमभिवद्धनो;

मङ्गलेहि परिपुण्णो, बुद्धं तं पणमाम्यहं.८.

मङ्गलाभा उज्जोतेसि, मङ्गलत्थपभाकरो;

मङ्गलालोकमण्डितो, बुद्धं तं पणमाम्यहं.९.

मङ्गलत्थमनुप्पत्तो, मङ्गलत्थपरायणो;

सब्बदा मङ्गलकरो, बुद्धं तं पणमाम्यहं.१०.

मङ्गलमग्गमन्वेसि, पत्तो मङ्गलमुत्तमं;

मङ्गलायनं दस्सेता, बुद्धं तं पणमाम्यहं.११.

मङ्गलमहिमाधारी, मङ्गलकारी नायको;

सब्बधि मङ्गलदाता, बुद्धं तं पणमाम्यहं.१२.

मङ्गलस्स कोविदो च, अमङ्गलस्स कोविदो;

परमं मङ्गलं लद्धो, बुद्धं तं पणमाम्यहं.१३.

सब्बमङ्गलसम्पन्नो, मङ्गलघोसघोसको;

मङ्गलुत्तमं देसेसि, बुद्धं तं पणमाम्यहं.१४.

महामङ्गलत्थं मग्गी, लद्धो धम्मसुमङ्गलो;

मङ्गल’द्धानं ञापेसि, बुद्धं तं पणमाम्यहं.१५.

अगारिकत्थं ञापेसि, महामङ्गलमुत्तमं;

गिही सहायको सामी, बुद्धं तं पणमाम्यहं.१६.

महामङ्गल’लङ्कितो, महामङ्गलभूसनो;

महामङ्गलसेखरो, बुद्धं तं पणमाम्यहं.१७.

महामङ्गलंसुमाली, मङ्गलाभो समुज्जलो;

मङ्गलंसुं उज्जोतेसि, बुद्धं तं पणमाम्यहं.१८.

महग्घ मङ्गलोदधि, महन्तमङ्गलण्णवो;

महामङ्गलसागरो, बुद्धं तं पणमाम्यहं.१९.

अमङ्गलनिसाहन्ता, मङ्गलभानुभस्सरो;

मङ्गलालोकविकिण्णो, बुद्धं तं पणमाम्यहं.२०.

बाहुसच्चो बुज्झनको, धम्मचक्खुउप्पादको;

तिभवमङ्गलङ्कारी, बुद्धं तं पणमाम्यहं.२१.

महावत्ता पवत्ता च, अत्थस्स निन्नेता पभू;

अमतस्स दाता विञ्ञू, बुद्धं तं पणमाम्यहं.२२.

दिवा तपति आदिच्चो, रत्तिं दिप्पति चन्दिमा;

रत्तिंदिवं तपि नाथो, बुद्धं तं पणमाम्यहं.२३.

सन्नद्धो खत्तियो तपति, झायी तपति ब्राह्मणो;

निरन्तरं तपि नाथो, बुद्धं तं पणमाम्यहं.२४.

दुक्खदोमनस्सनासी, सोकपरिदेवक्खयो;

जातिमच्चुजरातिगो, बुद्धं तं पणमाम्यहं.२५.

यथावादी तथाकारी, तथवादी तथागतो;

यथाकारी तथावादी, बुद्धं तं पणमाम्यहं.२६.

भग्गरागो भग्गदोसो, भग्गमोहो सो भगवा;

भग्गमानो भग्गमायो, बुद्धं तं पणमाम्यहं.२७.

भग्गकामो भग्गकोधो, भग्गकोपो भग्गकुहो;

भग्गकसावो भग्गिन्धो, बुद्धं तं पणमाम्यहं.२८.

भग्गजाति भग्गमच्चू, भग्गलोको भग्गभवो;

भग्गसंसारो भग्गोघो, बुद्धं तं पणमाम्यहं.२९.

भोगभग्गो सोकभग्गो, रोगभग्गो भग्गरजो;

सूलभग्गो सल्लभग्गो, बुद्धं तं पणमाम्यहं.३०.

आसाभग्गो इस्साभग्गो, एजाभग्गो भग्गजटा;

छन्दभग्गो बन्धभग्गो, बुद्धं तं पणमाम्यहं.३१.

वीतरागो वीतदोसो, वीतमोहो वीतासवो;

वीतकामो वीतकोधो, बुद्धं तं पणमाम्यहं.३२.

वीतपापो वीतपुञ्ञो, वीतभारो वीतमलो;

वीतविकारो वीतिन्धो, बुद्धं तं पणमाम्यहं.३३.

वन्तरागो वन्तदोसो, वन्तमोहो वन्तमलो;

वन्तकसावो वन्तीघो, बुद्धं तं पणमाम्यहं.३४.

वन्तरागो वन्तदोसो, वन्तमोहो वन्तमलो;

वन्तकसावो वन्तीघो, बुद्धं तं पणमाम्यहं.३५.

सग्गुरु तिलोकगुरु, सब्बसत्तानमग्गगुरू;

नेतारेसु महानेता, बुद्धं तं पणमाम्यहं.३६.

महागुरु नरगुरु, देवगुरु गुरुत्तमो!

जेट्ठगुरु सेट्ठगुरु, बुद्धं तं पणमाम्यहं.३७.

विस्सगुरु लोकगुरु, धम्मगुरु गुरूत्तमो;

नत्थि एतादिसो गुरु, बुद्धं तं पणमाम्यहं.३८.

महासत्था महासोत्थि, महामित्तो महासखा;

महाकल्याणमित्तो यो, बुद्धं तं पणमाम्यहं.३९.

महापञ्ञो महाविञ्ञू, महाविद्वा महाविदू;

महामेधावी सुमेधो, बुद्धं तं पणमाम्यहं.४०.

महासुद्धो महाभद्दो, महादयो महासयो;

महादिब्बो महाभब्बो, बुद्धं तं पणमाम्यहं.४१.

महावीरो महाधीरो, महासूरो महब्बलो;

महामारचमू मद्दि, बुद्धं तं पणमाम्यहं.४२.

महाजेट्ठो महासेट्ठो, महग्गो महानायको;

महाछेको महादक्खो, बुद्धं तं पणमाम्यहं.४३.

महाब्यत्तो महाञातो, महाख्यातो महायसी;

महिद्धो महाविख्यातो, बुद्धं तं पणमाम्यहं.४४.

महातुट्ठो महाहट्ठो, महाजवो महाजयो;

महासन्तुट्ठो विसिट्ठो, बुद्धं तं पणमाम्यहं.४५.

महानाथो महासामी, महापभू महाविभू;

महिस्सरो बोधिस्सरो, बुद्धं तं पणमाम्यहं.४६.

महावण्णो महाकन्तो, मनोपियो मनापिको;

महासोभनो मनुञ्ञो, बुद्धं तं पणमाम्यहं.४७.

महाझायी महाञाणी, महाधीमा महासुधी;

महाविभावी मेधावी, बुद्धं तं पणमाम्यहं.४८.

महाखन्ती च तितिक्खो, महानिक्कङ्खो धम्मगू;

महासंयतो संवुतो, बुद्धं तं पणमाम्यहं.४९.

महाथोमितो पूजितो, महामानितो वन्दितो;

महाभिवादितो भिय्यो, बुद्धं तं पणमाम्यहं.५०.

महतत्थो महत्थिको, महन्तत्थो महत्तरो;

महन्तो महत्तप्पत्तो, बुद्धं तं पणमाम्यहं.५१.

महालाभी महाकारी, महादायी महाधनी;

महाविज्जो महापुज्जो, बुद्धं तं पणमाम्यहं.५२.

महाबुद्धि महाबुधा, महापबोधिपुङ्गवो;

महाभवण्णवं तिण्णो, बुद्धं तं पणमाम्यहं.५३.

महानागो महाभागो, महाबाहो महिद्धिको;

महायोधो महग्गतो, बुद्धं तं पणमाम्यहं.५४.

महादन्तो महासन्तो, महागणी महागुणी;

महासन्तिपदायको, बुद्धं तं पणमाम्यहं.५५.

महासीलो महाचित्तो, महाबुधो महेसिनो;

महामोहोदधिं तिण्णो, बुद्धं तं पणमाम्यहं.५६.

महातपस्सी धम्मेसी, महायसस्सी नायको;

महापतापी तेजस्सी, बुद्धं तं पणमाम्यहं.५७.

महाआभो महापभो, मोहन्धकारभिन्दको;

ञाणपदीपं दीपेसि, बुद्धं तं पणमाम्यहं.५८.

महापस्सद्धिदायको, मुनिराजा मुनिस्सरो;

सन्तिददो सुखददो, बुद्धं तं पणमाम्यहं.५९.

महानीवरणा’तीतो, महामोहसमूहतो;

महोघतिण्णो मोक्खको, बुद्धं तं पणमाम्यहं.६०.

महाभवोपधिचत्तो, लोभदोसविनासको;

महारिपुं निमद्देसि, बुद्धं तं पणमाम्यहं.६१.

महा’भिञ्ञाबलप्पत्तो, महामञ्ञितनासको;

महासद्धमं निद्दिसि, बुद्धं तं पणमाम्यहं.६२.

अहोरत्तिं सदासुद्धो, महालोकग्गनायको;

समत्तविस्सविस्सुतो, बुद्धं तं पणमाम्यहं.६३.

महाअविज्जाउच्छिन्नो, महाआसत्तिरिञ्चको;

महाजटा विजटेसि, बुद्धं तं पणमाम्यहं.६४.

महासूलविवत्तको, महासल्लविनोदनो;

महासवं ब्यन्तिकरो, बुद्धं तं पणमाम्यहं.६५.

महापरक्कमी सूरो, सब्बथा अपराजयो;

अच्चन्तअभयो वीरो, बुद्धं तं पणमाम्यहं.६६.

महातण्हावीतिवत्तो, महासोकपनूदनो;

महादुक्खमतिक्कन्तो, बुद्धं तं पणमाम्यहं.६७.

महामानमतिक्कमो, मारसेननिम्मद्दनो;

कम्मक्लेसं निज्जरेसि, बुद्धं तं पणमाम्यहं.६८.

महाभवोदधित्तिण्णो, पापण्णवपारङ्गतो;

महासंसरणातिगो, बुद्धं तं पणमाम्यहं.६९.

महासंयोजनातीतो, महावट्टविनासको;

महासंसारोघतिण्णो, बुद्धं तं पणमाम्यहं.७०.

महारागविरञ्जको, महादोसनिम्मद्दको;

महासोतं विसोसेसि, बुद्धं तं पणमाम्यहं.७१.

महामेत्ताविहारी यो, महापुञ्ञो महारहो;

महाकरुणासागरो, बुद्धं तं पणमाम्यहं.७२.

महाभवसिन्धुलङ्घी, भवमुत्तो भवन्तगू;

सोकसूलसमुच्छिन्नो, बुद्धं तं पणमाम्यहं.७३.