११. अभब्बसुत्तं

६२. ‘‘नव, भिक्खवे, धम्मे अप्पहाय अभब्बो अरहत्तं सच्छिकातुं. कतमे नव? रागं, दोसं, मोहं, कोधं, उपनाहं, मक्खं, पळासं, इस्सं, मच्छरियं – इमे खो, भिक्खवे, नव धम्मे अप्पहाय अभब्बो अरहत्तं सच्छिकातुं.

‘‘नव, भिक्खवे, धम्मे पहाय भब्बो अरहत्तं सच्छिकातुं. कतमे नव? रागं, दोसं, मोहं, कोधं, उपनाहं, मक्खं, पळासं, इस्सं, मच्छरियं – इमे खो, भिक्खवे, नव धम्मे पहाय भब्बो अरहत्तं सच्छिकातु’’न्ति. एकादसमं.

खेमवग्गो पठमो.