१०. दुतियपुग्गलसुत्तं

६०. ‘‘अट्ठिमे, भिक्खवे, पुग्गला आहुनेय्या…पे… अनुत्तरं पुञ्ञक्खेत्तं लोकस्स. कतमे अट्ठ? सोतापन्नो, सोतापत्तिफलसच्छिकिरियाय पटिपन्नो…पे… अरहा, अरहत्ताय पटिपन्नो. इमे खो, भिक्खवे, अट्ठ पुग्गला आहुनेय्या…पे… अनुत्तरं पुञ्ञक्खेत्तं लोकस्सा’’ति.

‘‘चत्तारो च पटिपन्ना, चत्तारो च फले ठिता;

एस सङ्घो समुक्कट्ठो, सत्तानं अट्ठ पुग्गला.

‘‘यजमानानं मनुस्सानं, पुञ्ञपेक्खान पाणिनं;

करोतं ओपधिकं पुञ्ञं, एत्थ दिन्नं महप्फल’’न्ति. दसमं;

गोतमीवग्गो पठमो.