१०. अधिकरणसमथसुत्तं

८४. ‘‘सत्तिमे, भिक्खवे, अधिकरणसमथा धम्मा उप्पन्नुप्पन्नानं अधिकरणानं समथाय वूपसमाय. कतमे सत्त? सम्मुखाविनयो दातब्बो, सतिविनयो दातब्बो, अमूळ्हविनयो दातब्बो [पटिञ्ञातकरणं, येभुय्यस्सिका, तस्सपापिय्यस्सिका, तिणवत्थारको (स्या.) दी. नि. ३.३३२ सङ्गीतिसुत्तेन च पाचि. ६५५ विनयेन च संसन्देतब्बं], पटिञ्ञातकरणं दातब्बं, येभुय्यसिका दातब्बा, तस्सपापियसिका दातब्बा, तिणवत्थारको दातब्बो [पटिञ्ञातकरणं, येभुय्यस्सिका, तस्सपापिय्यस्सिका, तिणवत्थारको (स्या.) दी. नि. ३.३३२ सङ्गीतिसुत्तेन च पाचि. ६५५ विनयेन च संसन्देतब्बं]. इमे खो, भिक्खवे, सत्त अधिकरणसमथा धम्मा उप्पन्नुप्पन्नानं अधिकरणानं समथाय वूपसमाया’’ति. दसमं.

विनयवग्गो अट्ठमो.