३. संखित्तबलसुत्तं

३. एवं मे सुतं – एकं समयं भगवा सावत्थियं विहरति जेतवने अनाथपिण्डिकस्स आरामे…पे… सत्तिमानि, भिक्खवे, बलानि. कतमानि सत्त? सद्धाबलं, वीरियबलं, हिरीबलं, ओत्तप्पबलं, सतिबलं, समाधिबलं, पञ्ञाबलं. इमानि खो, भिक्खवे, सत्त बलानीति.

‘‘सद्धाबलं वीरियञ्च, हिरी [हिरि (सी. पी. क.)] ओत्तप्पियं बलं;

सतिबलं समाधि च, पञ्ञा वे सत्तमं बलं;

एतेहि बलवा भिक्खु, सुखं जीवति पण्डितो;

‘‘योनिसो विचिने धम्मं, पञ्ञायत्थं विपस्सति;

पज्जोतस्सेव निब्बानं, विमोक्खो होति चेतसो’’ति. ततियं;