१०. उद्धच्चसुत्तं

११६. ‘‘तयोमे, भिक्खवे, धम्मा. कतमे तयो? उद्धच्चं, असंवरो, पमादो. इमे खो, भिक्खवे, तयो धम्मा. इमेसं खो, भिक्खवे, तिण्णं धम्मानं पहानाय तयो धम्मा भावेतब्बा. कतमे तयो? उद्धच्चस्स पहानाय समथो भावेतब्बो, असंवरस्स पहानाय संवरो भावेतब्बो, पमादस्स पहानाय अप्पमादो भावेतब्बो. इमेसं खो, भिक्खवे, तिण्णं धम्मानं पहानाय इमे तयो धम्मा भावेतब्बा’’ति. दसमं.

तिकवग्गो एकादसमो. [पठमो (स्या.)]