७-१३. दुतियझानसुत्तादिसत्तकं

२५७-२६३. ‘‘पञ्चिमे, भिक्खवे, धम्मे अप्पहाय अभब्बो दुतियं झानं…पे… अभब्बो ततियं झानं… अभब्बो चतुत्थं झानं… अभब्बो सोतापत्तिफलं… अभब्बो सकदागामिफलं… अभब्बो अनागामिफलं… अभब्बो अरहत्तं [अरहत्तफलं (सी.)] सच्छिकातुं. कतमे पञ्च? आवासमच्छरियं, कुलमच्छरियं, लाभमच्छरियं, वण्णमच्छरियं, धम्ममच्छरियं – इमे खो, भिक्खवे, पञ्च धम्मे अप्पहाय अभब्बो अरहत्तं सच्छिकातुं.

‘‘पञ्चिमे, भिक्खवे, धम्मे पहाय भब्बो दुतियं झानं…पे… भब्बो ततियं झानं… भब्बो चतुत्थं झानं… भब्बो सोतापत्तिफलं… भब्बो सकदागामिफलं… भब्बो अनागामिफलं… भब्बो अरहत्तं सच्छिकातुं. कतमे पञ्च? आवासमच्छरियं, कुलमच्छरियं, लाभमच्छरियं, वण्णमच्छरियं, धम्ममच्छरियं – इमे खो, भिक्खवे, पञ्च धम्मे पहाय भब्बो अरहत्तं सच्छिकातु’’न्ति. तेरसमं.