21. бхаджатива̄ро

318. вива̄да̄дхикаран̣ам̣ чатуннам̣ адхикаран̣а̄нам̣ катамам̣ адхикаран̣ам̣ бхаджати? катамам̣ адхикаран̣ам̣ упанисситам̣? катамам̣ адхикаран̣ам̣ парийа̄паннам̣? катамена адхикаран̣ена сан̇гахитам̣?

анува̄да̄дхикаран̣ам̣ чатуннам̣ адхикаран̣а̄нам̣ катамам̣ адхикаран̣ам̣ бхаджати? катамам̣ адхикаран̣ам̣ упанисситам̣? катамам̣ адхикаран̣ам̣ парийа̄паннам̣? катамена адхикаран̣ена сан̇гахитам̣?

а̄патта̄дхикаран̣ам̣ чатуннам̣ адхикаран̣а̄нам̣ катамам̣ адхикаран̣ам̣ бхаджати? катамам̣ адхикаран̣ам̣ упанисситам̣? катамам̣ адхикаран̣ам̣ парийа̄паннам̣? катамена адхикаран̣ена сан̇гахитам̣?

кичча̄дхикаран̣ам̣ чатуннам̣ адхикаран̣а̄нам̣ катамам̣ адхикаран̣ам̣ бхаджати? катамам̣ адхикаран̣ам̣ упанисситам̣? катамам̣ адхикаран̣ам̣ парийа̄паннам̣? катамена адхикаран̣ена сан̇гахитам̣?

вива̄да̄дхикаран̣ам̣ чатуннам̣ адхикаран̣а̄нам̣ вива̄да̄дхикаран̣ам̣ бхаджати, вива̄да̄дхикаран̣ам̣ упанисситам̣, вива̄да̄дхикаран̣ам̣ парийа̄паннам̣, вива̄да̄дхикаран̣ена сан̇гахитам̣.

анува̄да̄дхикаран̣ам̣ чатуннам̣ адхикаран̣а̄нам̣ анува̄да̄дхикаран̣ам̣ бхаджати, анува̄да̄дхикаран̣ам̣ упанисситам̣, анува̄да̄дхикаран̣ам̣ парийа̄паннам̣, анува̄да̄дхикаран̣ена сан̇гахитам̣.

а̄патта̄дхикаран̣ам̣ чатуннам̣ адхикаран̣а̄нам̣ а̄патта̄дхикаран̣ам̣ бхаджати, а̄патта̄дхикаран̣ам̣ упанисситам̣, а̄патта̄дхикаран̣ам̣ парийа̄паннам̣, а̄патта̄дхикаран̣ена сан̇гахитам̣.

кичча̄дхикаран̣ам̣ чатуннам̣ адхикаран̣а̄нам̣ кичча̄дхикаран̣ам̣ бхаджати, кичча̄дхикаран̣ам̣ упанисситам̣, кичча̄дхикаран̣ам̣ парийа̄паннам̣, кичча̄дхикаран̣ена сан̇гахитам̣.

319. вива̄да̄дхикаран̣ам̣ саттаннам̣ саматха̄нам̣ кати саматхе бхаджати, кати саматхе упанисситам̣, кати саматхе парийа̄паннам̣, катихи саматхехи сан̇гахитам̣, катихи саматхехи саммати?

анува̄да̄дхикаран̣ам̣ саттаннам̣ саматха̄нам̣ кати саматхе бхаджати, кати саматхе упанисситам̣, кати саматхе парийа̄паннам̣, катихи саматхехи сан̇гахитам̣, катихи саматхехи саммати?

а̄патта̄дхикаран̣ам̣ саттаннам̣ саматха̄нам̣ кати саматхе бхаджати, кати саматхе упанисситам̣, кати саматхе парийа̄паннам̣, катихи саматхехи сан̇гахитам̣, катихи саматхехи саммати?

кичча̄дхикаран̣ам̣ саттаннам̣ саматха̄нам̣ кати саматхе бхаджати, кати саматхе упанисситам̣, кати саматхе парийа̄паннам̣, катихи саматхехи сан̇гахитам̣, катихи саматхехи саммати?

вива̄да̄дхикаран̣ам̣ саттаннам̣ саматха̄нам̣ две саматхе бхаджати, две саматхе упанисситам̣, две саматхе парийа̄паннам̣, двӣхи саматхехи сан̇гахитам̣, двӣхи саматхехи саммати – саммукха̄винайена ча йебхуййасика̄йа ча.

анува̄да̄дхикаран̣ам̣ саттаннам̣ саматха̄нам̣ чатта̄ро саматхе бхаджати, чатта̄ро саматхе упанисситам̣, чатта̄ро саматхе парийа̄паннам̣, чатӯхи саматхехи сан̇гахитам̣, чатӯхи саматхехи саммати – саммукха̄винайена ча сативинайена ча амӯл̣хавинайена ча тассапа̄пийасика̄йа ча.

а̄патта̄дхикаран̣ам̣ саттаннам̣ саматха̄нам̣ тайо саматхе бхаджати, тайо саматхе упанисситам̣, тайо саматхе парийа̄паннам̣, тӣхи саматхехи сан̇гахитам̣ тӣхи саматхехи саммати – саммукха̄винайена ча пат̣ин̃н̃а̄такаран̣ена тин̣аваттха̄ракена ча.

кичча̄дхикаран̣ам̣ саттаннам̣ саматха̄нам̣ екам̣ саматхам̣ бхаджати, екам̣ саматхам̣ упанисситам̣, екам̣ саматхам̣ парийа̄паннам̣, екена саматхена сан̇гахитам̣, екена саматхена саммати – саммукха̄винайена̄ти.

бхаджатива̄ро нит̣т̣хито екавӣсатимо.

саматхабхедо нит̣т̣хито.

тассудда̄нам̣ –

адхикаран̣ам̣ парийа̄йам̣, са̄дха̄ран̣а̄ ча бха̄гийа̄;

саматха̄ са̄дха̄ран̣ика̄, саматхасса таббха̄гийа̄.

саматха̄ саммукха̄ чева, винайена кусалена ча;

йаттха саматхасам̣сат̣т̣ха̄, самманти на самманти ча.

саматха̄дхикаран̣ан̃чева, самут̣т̣ха̄нам̣ бхаджанти ча̄ти.