19. саматха̄дхикаран̣ава̄ро

309. саматха̄ саматхехи самманти? саматха̄ адхикаран̣ехи самманти? адхикаран̣а̄ саматхехи самманти? адхикаран̣а̄ адхикаран̣ехи самманти?

сийа̄ саматха̄ саматхехи самманти, сийа̄ саматха̄ саматхехи на самманти. сийа̄ саматха̄ адхикаран̣ехи самманти, сийа̄ саматха̄ адхикаран̣ехи на самманти. сийа̄ адхикаран̣а̄ саматхехи самманти, сийа̄ адхикаран̣а̄ саматхехи на самманти. сийа̄ адхикаран̣а̄ адхикаран̣ехи самманти, сийа̄ адхикаран̣а̄ адхикаран̣ехи на самманти.

310. катхам̣ сийа̄ саматха̄ саматхехи самманти, катхам̣ сийа̄ саматха̄ саматхехи на самманти? йебхуййасика̄ саммукха̄винайена саммати; сативинайена на саммати, амӯл̣хавинайена на саммати, пат̣ин̃н̃а̄такаран̣ена на саммати, тассапа̄пийасика̄йа на саммати, тин̣аваттха̄ракена на саммати.

сативинайо саммукха̄винайена саммати; амӯл̣хавинайена на саммати, пат̣ин̃н̃а̄такаран̣ена на самма̄ти, тассапа̄пийасика̄йа на саммати, тин̣аваттха̄ракена на саммати, йебхуййасика̄йа на саммати.

амӯл̣хавинайо саммукха̄винайена саммати; пат̣ин̃н̃а̄такаран̣ена на саммати, тассапа̄пийасика̄йа на саммати, тин̣аваттха̄ракена на саммати, йебхуййасика̄йа на саммати, сативинайена на саммати.

пат̣ин̃н̃а̄такаран̣ам̣ саммукха̄винайена саммати; тассапа̄пийасика̄йа на саммати, тин̣аваттха̄ракена на саммати, йебхуййасика̄йа на саммати, сативинайена на саммати, амӯл̣хавинайена на саммати.

тассапа̄пийасика̄ саммукха̄винайена саммати; тин̣аваттха̄ракена на саммати, йебхуййасика̄йа на саммати, сативинайена на саммати, амӯл̣хавинайена на саммати, пат̣ин̃н̃а̄такаран̣ена на саммати.

тин̣аваттха̄рако саммукха̄винайена саммати; йебхуййасика̄йа на саммати, сативинайена на саммати, амӯл̣хавинайена на саммати, пат̣ин̃н̃а̄такаран̣ена на саммати, тассапа̄пийасика̄йа на саммати. евам̣ сийа̄ саматха̄ саматхехи самманти. евам̣ сийа̄ саматха̄ саматхехи на самманти.

311. катхам̣ сийа̄ саматха̄ адхикаран̣ехи самманти, катхам̣ сийа̄ саматха̄ адхикаран̣ехи на самманти? саммукха̄винайо вива̄да̄дхикаран̣ена на саммати, анува̄да̄дхикаран̣ена на саммати, а̄патта̄дхикаран̣ена на саммати; кичча̄дхикаран̣ена саммати.

йебхуййасика̄ вива̄да̄дхикаран̣ена на саммати, анува̄да̄дхикаран̣ена на саммати, а̄патта̄дхикаран̣ена на саммати; кичча̄дхикаран̣ена саммати.

сативинайо вива̄да̄дхикаран̣ена на саммати, анува̄да̄дхикаран̣ена на саммати, а̄патта̄дхикаран̣ена на саммати; кичча̄дхикаран̣ена саммати.

амӯл̣хавинайо вива̄да̄дхикаран̣ена на саммати, анува̄да̄дхикаран̣ена на саммати, а̄патта̄дхикаран̣ена на саммати; кичча̄дхикаран̣ена саммати.

пат̣ин̃н̃а̄такаран̣ам̣ вива̄да̄дхикаран̣ена на саммати, анува̄да̄дхикаран̣ена на саммати, а̄патта̄дхикаран̣ена на саммати; кичча̄дхикаран̣ена саммати.

тассапа̄пийасика̄ вива̄да̄дхикаран̣ена на саммати, анува̄да̄дхикаран̣ена на саммати, а̄патта̄дхикаран̣ена на саммати; кичча̄дхикаран̣ена саммати.

тин̣аваттха̄рако вива̄да̄дхикаран̣ена на саммати, анува̄да̄дхикаран̣ена на саммати, а̄патта̄дхикаран̣ена на саммати; кичча̄дхикаран̣ена саммати. евам̣ сийа̄ саматха̄ адхикаран̣ехи самманти. евам̣ сийа̄ саматха̄ адхикаран̣ехи на самманти.

312. катхам̣ сийа̄ адхикаран̣а̄ саматхехи самманти, катхам̣ сийа̄ адхикаран̣а̄ саматхехи на самманти? вива̄да̄дхикаран̣ам̣ саммукха̄винайена ча йебхуййасика̄йа ча саммати; сативинайена ча амӯл̣хавинайена ча пат̣ин̃н̃а̄такаран̣ена ча тассапа̄пийасика̄йа ча тин̣аваттха̄ракена ча на саммати.

анува̄да̄дхикаран̣ам̣ саммукха̄винайена ча сативинайена ча амӯл̣хавинайена ча тассапа̄пийасика̄йа ча саммати; йебхуййасика̄йа ча пат̣ин̃н̃а̄такаран̣ена ча тин̣аваттха̄ракена ча на саммати.

а̄патта̄дхикаран̣ам̣ саммукха̄винайена ча пат̣ин̃н̃а̄такаран̣ена ча тин̣аваттха̄ракена ча саммати; йебхуййасика̄йа ча сативинайена ча амӯл̣хавинайена ча тассапа̄пийасика̄йа ча на саммати.

кичча̄дхикаран̣ам̣ саммукха̄винайена саммати; йебхуййасика̄йа ча сативинайена ча амӯл̣хавинайена ча пат̣ин̃н̃а̄такаран̣ена ча тассапа̄пийасика̄йа тин̣аваттха̄ракена ча на саммати. евам̣ сийа̄ адхикаран̣а̄ саматхехи самманти. евам̣ сийа̄ адхикаран̣а̄ саматхехи на самманти.

313. катхам̣ сийа̄ адхикаран̣а̄ адхикаран̣ехи самманти? катхам̣ сийа̄ адхикаран̣а̄ адхикаран̣ехи на самманти? вива̄да̄дхикаран̣ам̣ вива̄да̄дхикаран̣ена на саммати, анува̄да̄дхикаран̣ена на саммати, а̄патта̄дхикаран̣ена на саммати; кичча̄дхикаран̣ена саммати.

анува̄да̄дхикаран̣ам̣ вива̄да̄дхикаран̣ена на саммати, анува̄да̄дхикаран̣ена на саммати, а̄патта̄дхикаран̣ена на саммати; кичча̄дхикаран̣ена саммати.

а̄патта̄дхикаран̣ам̣ вива̄да̄дхикаран̣ена на саммати, анува̄да̄дхикаран̣ена на саммати, а̄патта̄дхикаран̣ена на саммати; кичча̄дхикаран̣ена саммати.

кичча̄дхикаран̣ам̣ вива̄да̄дхикаран̣ена на саммати, анува̄да̄дхикаран̣ена на саммати, а̄патта̄дхикаран̣ена на саммати; кичча̄дхикаран̣ена саммати. евам̣ сийа̄ адхикаран̣а̄ адхикаран̣ехи самманти. евам̣ сийа̄ адхикаран̣а̄ адхикаран̣ехи на самманти.

чха̄пи саматха̄ чатта̄ропи адхикаран̣а̄ саммукха̄винайена самманти; саммукха̄винайо на кеначи саммати.

саматха̄дхикаран̣ава̄ро нит̣т̣хито екӯнавӣсатимо.