16. сам̣сат̣т̣хава̄ро

306. адхикаран̣анти ва̄ саматха̄ти ва̄ име дхамма̄ сам̣сат̣т̣ха̄ уда̄ху висам̣сат̣т̣ха̄? лаббха̄ ча панимесам̣ дхамма̄нам̣ виниббхуджитва̄ виниббхуджитва̄ [виниббхуджджитва̄ виниббхуджджитва̄ (ка.), т̣ӣка̄йам̣ екападамева диссати] на̄на̄каран̣ам̣ пан̃н̃а̄петунти?

адхикаран̣анти ва̄ саматха̄ти ва̄ име дхамма̄ висам̣сат̣т̣ха̄, но сам̣сат̣т̣ха̄. лаббха̄ ча панимесам̣ дхамма̄нам̣ виниббхуджитва̄ виниббхуджитва̄ на̄на̄каран̣ам̣ пан̃н̃а̄петунти. со – ‘‘ма̄ хева’’нтисса вачанӣйо. адхикаран̣анти ва̄ саматха̄ти ва̄ име дхамма̄ сам̣сат̣т̣ха̄, но висам̣сат̣т̣ха̄. но ча лаббха̄ [на ча лаббха̄ (ка.)] имесам̣ дхамма̄нам̣ виниббхуджитва̄ виниббхуджитва̄ на̄на̄каран̣ам̣ пан̃н̃а̄петум̣. там̣ кисса хету? нану вуттам̣ бхагавата̄ – ‘‘чатта̄рима̄ни, бхиккхаве, адхикаран̣а̄ни, сатта саматха̄. адхикаран̣а̄ саматхехи самманти, саматха̄ адхикаран̣ехи самманти. евам̣, име дхамма̄ сам̣сат̣т̣ха̄ но висам̣сат̣т̣ха̄; но ча лаббха̄ имесам̣ дхамма̄нам̣ виниббхуджитва̄ виниббхуджитва̄ на̄на̄каран̣ам̣ пан̃н̃а̄пету’’нти.

сам̣сат̣т̣хава̄ро нит̣т̣хито сол̣асамо.