пан̃чавагго

1. каммавагго

482. чатта̄ри камма̄ни. апалоканакаммам̣, н̃аттикаммам̣, н̃аттидутийакаммам̣, н̃аттичатуттхакаммам̣ – има̄ни чатта̄ри камма̄ни. катиха̄ка̄рехи випаджджанти? има̄ни чатта̄ри камма̄ни пан̃чаха̄ка̄рехи випаджджанти – ваттхуто ва̄ н̃аттито ва̄ анусса̄ванато ва̄ сӣмато ва̄ парисато ва̄.

483. катхам̣ ваттхуто камма̄ни випаджджанти? саммукха̄каран̣ӣйам̣ каммам̣ асаммукха̄ кароти, ваттхувипаннам̣ адхаммакаммам̣; пат̣ипуччха̄каран̣ӣйам̣ каммам̣ апат̣ипуччха̄ кароти, ваттхувипаннам̣ адхаммакаммам̣; пат̣ин̃н̃а̄йа каран̣ӣйам̣ каммам̣ апат̣ин̃н̃а̄йа кароти, ваттхувипаннам̣ адхаммакаммам̣; сативинайа̄рахасса амӯл̣хавинайам̣ дети, ваттхувипаннам̣ адхаммакаммам̣; амӯл̣хавинайа̄рахасса тассапа̄пийасика̄каммам̣ кароти, ваттхувипаннам̣ адхаммакаммам̣; тассапа̄пийасика̄камма̄рахасса таджджанӣйакаммам̣ кароти, ваттхувипаннам̣ адхаммакаммам̣; таджджанӣйакамма̄рахасса нийассакаммам̣ кароти, ваттхувипаннам̣ адхаммакаммам̣; нийассакамма̄рахасса пабба̄джанӣйакаммам̣ кароти, ваттхувипаннам̣ адхаммакаммам̣; пабба̄джанӣйакамма̄рахасса пат̣иса̄ран̣ӣйакаммам̣ кароти, ваттхувипаннам̣ адхаммакаммам̣; пат̣иса̄ран̣ӣйакамма̄рахасса уккхепанӣйакаммам̣ кароти, ваттхувипаннам̣ адхаммакаммам̣; уккхепанӣйакамма̄рахасса парива̄сам̣ дети, ваттхувипаннам̣ адхаммакаммам̣; парива̄са̄рахам̣ мӯла̄йа пат̣икассати, ваттхувипаннам̣ адхаммакаммам̣; мӯла̄йапат̣икассана̄рахасса ма̄наттам̣ дети, ваттхувипаннам̣ адхаммакаммам̣; ма̄натта̄рахам̣ аббхети, ваттхувипаннам̣ адхаммакаммам̣; аббха̄на̄рахам̣ упасампа̄дети, ваттхувипаннам̣ адхаммакаммам̣; анупосатхе упосатхам̣ кароти, ваттхувипаннам̣ адхаммакаммам̣; апава̄ран̣а̄йа пава̄рети, ваттхувипаннам̣ адхаммакаммам̣. евам̣ ваттхуто камма̄ни випаджджанти.

484. катхам̣ н̃аттито камма̄ни випаджджанти? пан̃чаха̄ка̄рехи н̃аттито камма̄ни випаджджанти – ваттхум̣ на пара̄масати, сан̇гхам̣ на пара̄масати, пуггалам̣ на пара̄масати, н̃аттим̣ на пара̄масати, паччха̄ ва̄ н̃аттим̣ т̣хапети – имехи пан̃чаха̄ка̄рехи н̃аттито камма̄ни випаджджанти.

485. катхам̣ анусса̄ванато камма̄ни випаджджанти? пан̃чаха̄ка̄рехи анусса̄ванато камма̄ни випаджджанти – ваттхум̣ на пара̄масати, сан̇гхам̣ на пара̄масати, пуггалам̣ на пара̄масати, са̄ванам̣ ха̄пети, ака̄ле ва̄ са̄вети – имехи пан̃чаха̄ка̄рехи анусса̄ванато камма̄ни випаджджанти.

486. катхам̣ сӣмато камма̄ни випаджджанти? ека̄дасахи а̄ка̄рехи сӣмато камма̄ни випаджджанти – атикхуддакам̣ сӣмам̣ самманнати, атимахатим̣ сӣмам̣ самманнати, кхан̣д̣анимиттам̣ сӣмам̣ самманнати, чха̄йа̄нимиттам̣ сӣмам̣ самманнати, анимиттам̣ сӣмам̣ самманнати, бахисӣме т̣хито сӣмам̣ самманнати, надийа̄ сӣмам̣ самманнати, самудде сӣмам̣ самманнати, джа̄тассаре сӣмам̣ самманнати, сӣма̄йа сӣмам̣ самбхиндати, сӣма̄йа сӣмам̣ аджджхоттхарати – имехи ека̄дасахи а̄ка̄рехи сӣмато камма̄ни випаджджанти.

487. катхам̣ парисато камма̄ни випаджджанти? два̄дасахи а̄ка̄рехи парисато камма̄ни випаджджанти – чатуваггакаран̣е камме йа̄ватика̄ бхиккхӯ каммапатта̄ те ана̄гата̄ хонти, чханда̄раха̄нам̣ чхандо ана̄хат̣о хоти, саммукхӣбхӯта̄ пат̣иккосанти, чатуваггакаран̣е камме йа̄ватика̄ бхиккхӯ каммапатта̄ те а̄гата̄ хонти, чханда̄раха̄нам̣ чхандо ана̄хат̣о хоти, саммукхӣбхӯта̄ пат̣иккосанти, чатуваггакаран̣е камме йа̄ватика̄ бхиккхӯ каммапатта̄ те а̄гата̄ хонти, чханда̄раха̄нам̣ чхандо а̄хат̣о хоти, саммукхӣбхӯта̄ пат̣иккосанти. пан̃чаваггакаран̣е камме…пе… дасаваггакаран̣е камме…пе… вӣсативаггакаран̣е камме йа̄ватика̄ бхиккхӯ каммапатта̄ те ана̄гата̄ хонти, чханда̄раха̄нам̣ чхандо ана̄хат̣о хоти, саммукхӣбхӯта̄ пат̣иккосанти, вӣсативаггакаран̣е камме йа̄ватика̄ бхиккхӯ каммапатта̄, те а̄гата̄ хонти, чханда̄раха̄нам̣ чхандо ана̄хат̣о хоти, саммукхӣбхӯта̄ пат̣иккосанти, вӣсативаггакаран̣е камме йа̄ватика̄ бхиккхӯ каммапатта̄, те а̄гата̄ хонти, чханда̄раха̄нам̣ чхандо а̄хат̣о хоти саммукхӣбхӯта̄ пат̣иккосанти – имехи два̄дасахи а̄ка̄рехи парисато камма̄ни випаджджанти.

488. чатуваггакаран̣е камме чатта̄ро бхиккхӯ пакататта̄ каммапатта̄, авасеса̄ пакататта̄ чханда̄раха̄. йасса сан̇гхо каммам̣ кароти со нева каммапатто на̄пи чханда̄рахо, апи ча камма̄рахо. пан̃чаваггакаран̣е камме пан̃ча бхиккхӯ пакататта̄ каммапатта̄, авасеса̄ пакататта̄ чханда̄раха̄. йасса сан̇гхо каммам̣ кароти со нева каммапатто на̄пи чханда̄рахо, апи ча камма̄рахо. дасаваггакаран̣е камме даса бхиккхӯ пакататта̄ каммапатта̄, авасеса̄ пакататта̄ чханда̄раха̄. йасса сан̇гхо каммам̣ кароти со нева каммапатто на̄пи чханда̄рахо, апи ча камма̄рахо. вӣсативаггакаран̣е камме вӣсати бхиккхӯ пакататта̄ каммапатта̄, авасеса̄ пакататта̄ чханда̄раха̄. йасса сан̇гхо каммам̣ кароти со нева каммапатто на̄пи чханда̄рахо, апи ча камма̄рахо.

489. чатта̄ри камма̄ни – апалоканакаммам̣, н̃аттикаммам̣, н̃аттидутийакаммам̣, н̃аттичатуттхакаммам̣. има̄ни чатта̄ри камма̄ни катиха̄ка̄рехи випаджджанти? има̄ни чатта̄ри камма̄ни пан̃чаха̄ка̄рехи випаджджанти – ваттхуто ва̄ н̃аттито ва̄ анусса̄ванато ва̄ сӣмато ва̄ парисато ва̄.

490. катхам̣ ваттхуто камма̄ни випаджджанти? пан̣д̣акам̣ упасампа̄дети, ваттхувипаннам̣ адхаммакаммам̣. тхеййасам̣ва̄сакам̣ упасампа̄дети, ваттхувипаннам̣ адхаммакаммам̣. титтхийапаккантакам̣ упасампа̄дети, ваттхувипаннам̣ адхаммакаммам̣. тираччха̄нагатам̣ упасампа̄дети, ваттхувипаннам̣ адхаммакаммам̣. ма̄тугха̄такам̣ упасампа̄дети, ваттхувипаннам̣ адхаммакаммам̣. питугха̄такам̣ упасампа̄дети, ваттхувипаннам̣ адхаммакаммам̣. арахантагха̄такам̣ упасампа̄дети, ваттхувипаннам̣ адхаммакаммам̣. бхиккхунидӯсакам̣ упасампа̄дети, ваттхувипаннам̣ адхаммакаммам̣. сан̇гхабхедакам̣ упасампа̄дети, ваттхувипаннам̣ адхаммакаммам̣. лохитуппа̄дакам̣ упасампа̄дети, ваттхувипаннам̣ адхаммакаммам̣. убхатобйан̃джанам̣ упасампа̄дети, ваттхувипаннам̣ адхаммакаммам̣. ӯнавӣсативассам̣ пуггалам̣ упасампа̄дети, ваттхувипаннам̣ адхаммакаммам̣. евам̣ ваттхуто камма̄ни випаджджанти.

491. катхам̣ н̃аттито камма̄ни випаджджанти? пан̃чаха̄ка̄рехи н̃аттито камма̄ни випаджджанти. ваттхум̣ на пара̄масати, сан̇гхам̣ на пара̄масати, пуггалам̣ на пара̄масати, н̃аттим̣ на пара̄масати, паччха̄ ва̄ н̃аттим̣ т̣хапети – имехи пан̃чаха̄ка̄рехи н̃аттито камма̄ни випаджджанти.

492. катхам̣ анусса̄ванато камма̄ни випаджджанти? пан̃чаха̄ка̄рехи анусса̄ванато камма̄ни випаджджанти – ваттхум̣ на пара̄масати, сан̇гхам̣ на пара̄масати, пуггалам̣ на пара̄масати, са̄ванам̣ ха̄пети, ака̄ле ва̄ са̄вети – имехи пан̃чаха̄ка̄рехи анусса̄ванато камма̄ни випаджджанти.

493. катхам̣ сӣмато камма̄ни випаджджанти? ека̄дасахи а̄ка̄рехи сӣмато камма̄ни випаджджанти. атикхуддакам̣ сӣмам̣ самманнати, атимахатим̣ сӣмам̣ самманнати, кхан̣д̣анимиттам̣ сӣмам̣ самманнати, чха̄йа̄нимиттам̣ сӣмам̣ самманнати, анимиттам̣ сӣмам̣ самманнати, бахисӣме т̣хито сӣмам̣ самманнати, надийа̄ сӣмам̣ самманнати, самудде сӣмам̣ самманнати, джа̄тассаре сӣмам̣ самманнати, сӣма̄йа сӣмам̣ самбхиндати, сӣма̄йа сӣмам̣ аджджхоттхарати – имехи ека̄дасахи а̄ка̄рехи сӣмато камма̄ни випаджджанти.

494. катхам̣ парисато камма̄ни випаджджанти? два̄дасахи а̄ка̄рехи парисато камма̄ни випаджджанти – чатуваггакаран̣е камме йа̄ватика̄ бхиккхӯ каммапатта̄ те ана̄гата̄ хонти, чханда̄раха̄нам̣ чхандо ана̄хат̣о хоти, саммукхӣбхӯта̄ пат̣иккосанти, чатуваггакаран̣е камме йа̄ватика̄ бхиккхӯ каммапатта̄ те а̄гата̄ хонти, чханда̄раха̄нам̣ чхандо ана̄хат̣о хоти, саммукхӣбхӯта̄ пат̣иккосанти. чатуваггакаран̣е камме йа̄ватика̄ бхиккхӯ каммапатта̄ те а̄гата̄ хонти, чханда̄раха̄нам̣ чхандо а̄хат̣о хоти саммукхӣбхӯта̄ пат̣иккосанти. пан̃чаваггакаран̣е камме…пе… дасаваггакаран̣е камме…пе… вӣсативаггакаран̣е камме йа̄ватика̄ бхиккхӯ каммапатта̄ те ана̄гата̄ хонти, чханда̄раха̄нам̣ чхандо ана̄хат̣о хоти, саммукхӣбхӯта̄ пат̣иккосанти. вӣсативаггакаран̣е камме йа̄ватика̄ бхиккхӯ каммапатта̄ те а̄гата̄ хонти, чханда̄раха̄нам̣ чхандо ана̄хат̣о хоти, саммукхӣбхӯта̄ пат̣иккосанти. вӣсативаггакаран̣е камме йа̄ватика̄ бхиккхӯ каммапатта̄ те а̄гата̄ хонти, чханда̄раха̄нам̣ чхандо а̄хат̣о хоти, саммукхӣбхӯта̄ пат̣иккосанти – имехи два̄дасахи а̄ка̄рехи парисато камма̄ни випаджджанти.

495. апалоканакаммам̣ кати т̣ха̄на̄ни гаччхати? н̃аттикаммам̣ кати т̣ха̄на̄ни гаччхати? н̃аттидутийакаммам̣ кати т̣ха̄на̄ни гаччхати? н̃аттичатуттхакаммам̣ кати т̣ха̄на̄ни гаччхати? апалоканакаммам̣ пан̃ча т̣ха̄на̄ни гаччхати. н̃аттикаммам̣ нава т̣ха̄на̄ни гаччхати. н̃аттидутийакаммам̣ сатта т̣ха̄на̄ни гаччхати. н̃аттичатуттхакаммам̣ сатта т̣ха̄на̄ни гаччхати.

496. апалоканакаммам̣ катама̄ни пан̃ча т̣ха̄на̄ни гаччхати? оса̄ран̣ам̣, нисса̄ран̣ам̣, бхан̣д̣укаммам̣, брахмадан̣д̣ам̣, каммалаккхан̣ан̃н̃ева пан̃чамам̣ – апалоканакаммам̣ има̄ни пан̃ча т̣ха̄на̄ни гаччхати. н̃аттикаммам̣ катама̄ни нава т̣ха̄на̄ни гаччхати? оса̄ран̣ам̣, нисса̄ран̣ам̣, упосатхам̣, пава̄ран̣ам̣, саммутим̣, да̄нам̣, пат̣иггахам̣, паччуккад̣д̣ханам̣, каммалаккхан̣ан̃н̃ева навамам̣ – н̃аттикаммам̣ има̄ни нава т̣ха̄на̄ни гаччхати. н̃аттидутийакаммам̣ катама̄ни сатта т̣ха̄на̄ни гаччхати? оса̄ран̣ам̣, нисса̄ран̣ам̣, саммутим̣, да̄нам̣, уддхаран̣ам̣, десанам̣, каммалаккхан̣ан̃н̃ева саттамам̣ – н̃аттидутийакаммам̣ има̄ни сатта т̣ха̄на̄ни гаччхати. н̃аттичатуттхакаммам̣ катама̄ни сатта т̣ха̄на̄ни гаччхати? оса̄ран̣ам̣, нисса̄ран̣ам̣, саммутим̣, да̄нам̣, ниггахам̣, саманубха̄санам̣, каммалаккхан̣ан̃н̃ева саттамам̣ – н̃аттичатуттхакаммам̣ има̄ни сатта т̣ха̄на̄ни гаччхати.

497. чатуваггакаран̣е камме чатта̄ро бхиккхӯ пакататта̄ каммапатта̄, авасеса̄ пакататта̄ чханда̄раха̄. йасса сан̇гхо каммам̣ кароти со нева каммапатто на̄пи чханда̄рахо, апи ча камма̄рахо. пан̃чаваггакаран̣е камме пан̃ча бхиккхӯ пакататта̄ каммапатта̄, авасеса̄ пакататта̄ чханда̄раха̄. йасса сан̇гхо каммам̣ кароти со нева каммапатто на̄пи чханда̄рахо, апи ча камма̄рахо. дасаваггакаран̣е камме даса бхиккхӯ пакататта̄ каммапатта̄, авасеса̄ пакататта̄ чханда̄раха̄. йасса сан̇гхо каммам̣ кароти со нева каммапатто на̄пи чханда̄рахо, апи ча камма̄рахо. вӣсативаггакаран̣е камме вӣсати бхиккхӯ пакататта̄ каммапатта̄, авасеса̄ пакататта̄ чханда̄раха̄. йасса сан̇гхо каммам̣ кароти со нева каммапатто на̄пи чханда̄рахо, апи ча камма̄рахо.

каммавагго нит̣т̣хито пат̣хамо.

2. аттхавасавагго

498. [а. ни. 2.201-230] две аттхавасе пат̣ичча татха̄гатена са̄вака̄нам̣ сиккха̄падам̣ пан̃н̃аттам̣. сан̇гхасут̣т̣хута̄йа, сан̇гхапха̄сута̄йа – име две аттхавасе пат̣ичча татха̄гатена са̄вака̄нам̣ сиккха̄падам̣ пан̃н̃аттам̣. две аттхавасе пат̣ичча татха̄гатена са̄вака̄нам̣ сиккха̄падам̣ пан̃н̃аттам̣. думман̇кӯнам̣ пуггала̄нам̣ ниггаха̄йа, песала̄нам̣ бхиккхӯнам̣ пха̄сувиха̄ра̄йа – име две аттхавасе пат̣ичча татха̄гате са̄вака̄нам̣ сиккха̄падам̣ пан̃н̃аттам̣. две аттхавасе пат̣ичча татха̄гатена са̄вака̄нам̣ сиккха̄падам̣ пан̃н̃аттам̣. дит̣т̣хадхаммика̄нам̣ а̄сава̄нам̣ сам̣вара̄йа, сампара̄йика̄нам̣ а̄сава̄нам̣ пат̣игха̄та̄йа – име две аттхавасе пат̣ичча татха̄гатена са̄вака̄нам̣ сиккха̄падам̣ пан̃н̃аттам̣. две аттхавасе пат̣ичча татха̄гатена са̄вака̄нам̣ сиккха̄падам̣ пан̃н̃аттам̣. дит̣т̣хадхаммика̄нам̣ вера̄нам̣ сам̣вара̄йа, сампара̄йика̄нам̣ вера̄нам̣ пат̣игха̄та̄йа – име две аттхавасе пат̣ичча татха̄гатена са̄вака̄нам̣ сиккха̄падам̣ пан̃н̃аттам̣. две аттхавасе пат̣ичча татха̄гатена са̄вака̄нам̣ сиккха̄падам̣ пан̃н̃аттам̣. дит̣т̣хадхаммика̄нам̣ ваджджа̄нам̣ сам̣вара̄йа, сампара̄йика̄нам̣ ваджджа̄нам̣ пат̣игха̄та̄йа – име две аттхавасе пат̣ичча татха̄гатена са̄вака̄нам̣ сиккха̄падам̣ пан̃н̃аттам̣. две аттхавасе пат̣ичча татха̄гатена са̄вака̄нам̣ сиккха̄падам̣ пан̃н̃аттам̣. дит̣т̣хадхаммика̄нам̣ бхайа̄нам̣ сам̣вара̄йа, сампара̄йика̄нам̣ бхайа̄нам̣ пат̣игха̄та̄йа – име две аттхавасе пат̣ичча татха̄гатена са̄вака̄нам̣ сиккха̄падам̣ пан̃н̃аттам̣. две аттхавасе пат̣ичча татха̄гатена са̄вака̄нам̣ сиккха̄падам̣ пан̃н̃аттам̣. дит̣т̣хадхаммика̄нам̣ акусала̄нам̣ дхамма̄нам̣ сам̣вара̄йа, сампара̄йика̄нам̣ акусала̄нам̣ дхамма̄нам̣ пат̣игха̄та̄йа – име две аттхавасе пат̣ичча татха̄гатена са̄вака̄нам̣ сиккха̄падам̣ пан̃н̃аттам̣. две аттхавасе пат̣ичча татха̄гатена са̄вака̄нам̣ сиккха̄падам̣ пан̃н̃аттам̣. гихӣнам̣ анукампа̄йа, па̄пиччха̄нам̣ паккхупаччхеда̄йа – име две аттхавасе пат̣ичча татха̄гатена са̄вака̄нам̣ сиккха̄падам̣ пан̃н̃аттам̣. две аттхавасе пат̣ичча татха̄гатена са̄вака̄нам̣ сиккха̄падам̣ пан̃н̃аттам̣. аппасанна̄нам̣ паса̄да̄йа, пасанна̄нам̣ бхиййобха̄ва̄йа – име две аттхавасе пат̣ичча татха̄гатена са̄вака̄нам̣ сиккха̄падам̣ пан̃н̃аттам̣. две аттхавасе пат̣ичча татха̄гатена са̄вака̄нам̣ сиккха̄падам̣ пан̃н̃аттам̣. саддхаммат̣т̣хитийа̄, винайа̄нуггаха̄йа – име две аттхавасе пат̣ичча татха̄гатена са̄вака̄нам̣ сиккха̄падам̣ пан̃н̃аттам̣.

аттхавасавагго нит̣т̣хито дутийо.

3. пан̃н̃аттавагго

499. две аттхавасе пат̣ичча татха̄гатена са̄вака̄нам̣ па̄тимоккхам̣ пан̃н̃аттам̣…пе… па̄тимоккхуддесо пан̃н̃атто… па̄тимоккхат̣т̣хапанам̣ пан̃н̃аттам̣… пава̄ран̣а̄ пан̃н̃атта̄… пава̄ран̣а̄т̣хапанам̣ пан̃н̃аттам̣… таджджанӣйакаммам̣ пан̃н̃аттам̣… нийассакаммам̣ пан̃н̃аттам̣… пабба̄джанӣйакаммам̣ пан̃н̃аттам̣… пат̣иса̄ран̣ӣйакаммам̣ пан̃н̃аттам̣… уккхепанӣйакаммам̣ пан̃н̃аттам̣… парива̄сада̄нам̣ пан̃н̃аттам̣… мӯла̄йапат̣икассана̄ пан̃н̃атта̄… ма̄наттада̄нам̣ пан̃н̃аттам̣… аббха̄нам̣ пан̃н̃аттам̣… оса̄ран̣ӣйам̣ пан̃н̃аттам̣… нисса̄ран̣ӣйам̣ пан̃н̃аттам̣… упасампадам̣ пан̃н̃аттам̣… апалоканакаммам̣ пан̃н̃аттам̣… н̃аттикаммам̣ пан̃н̃аттам̣… н̃аттидутийакаммам̣ пан̃н̃аттам̣… н̃аттичатуттхакаммам̣ пан̃н̃аттам̣…пе….

пан̃н̃аттавагго нит̣т̣хито татийо.

4. апан̃н̃атте пан̃н̃аттавагго

500. …пе… апан̃н̃атте пан̃н̃аттам̣, пан̃н̃атте анупан̃н̃аттам̣…пе… саммукха̄винайо пан̃н̃атто…пе… сативинайо пан̃н̃атто…пе… амӯл̣хавинайо пан̃н̃атто…пе… пат̣ин̃н̃а̄такаран̣ам̣ пан̃н̃аттам̣…пе… йебхуййасика̄ пан̃н̃атта̄…пе… тассапа̄пийасика̄ пан̃н̃атта̄…пе… тин̣аваттха̄рако пан̃н̃атто сан̇гхасут̣т̣хута̄йа, сан̇гхапха̄сута̄йа – име две аттхавасе пат̣ичча татха̄гатена са̄вака̄нам̣ тин̣аваттха̄рако пан̃н̃атто. две аттхавасе пат̣ичча татха̄гатена са̄вака̄нам̣ тин̣аваттха̄рако пан̃н̃атто. думман̇кӯнам̣ пуггала̄нам̣ ниггаха̄йа, песала̄нам̣ бхиккхӯнам̣ пха̄сувиха̄ра̄йа – име две аттхавасе пат̣ичча татха̄гатена са̄вака̄нам̣ тин̣аваттха̄рако пан̃н̃атто. две аттхавасе пат̣ичча татха̄гатена са̄вака̄нам̣ тин̣аваттха̄рако пан̃н̃атто. дит̣т̣хадхаммика̄нам̣ а̄сава̄нам̣ сам̣вара̄йа, сампара̄йика̄нам̣ а̄сава̄нам̣ пат̣игха̄та̄йа – име две аттхавасе пат̣ичча татха̄гатена са̄вака̄нам̣ тин̣аваттха̄рако пан̃н̃атто. две аттхавасе пат̣ичча татха̄гатена са̄вака̄нам̣ тин̣аваттха̄рако пан̃н̃атто. дит̣т̣хадхаммика̄нам̣ вера̄нам̣ сам̣вара̄йа, сампара̄йика̄нам̣ вера̄нам̣ пат̣игха̄та̄йа – име две аттхавасе пат̣ичча татха̄гатена са̄вака̄нам̣ тин̣аваттха̄рако пан̃н̃атто. две аттхавасе пат̣ичча татха̄гатена са̄вака̄нам̣ тин̣аваттха̄рако пан̃н̃атто. дит̣т̣хадхаммика̄нам̣ ваджджа̄нам̣ сам̣вара̄йа, сампара̄йика̄нам̣ ваджджа̄нам̣ пат̣игха̄та̄йа – име две аттхавасе пат̣ичча татха̄гатена са̄вака̄нам̣ тин̣аваттха̄рако пан̃н̃атто. две аттхавасе пат̣ичча татха̄гатена са̄вака̄нам̣ тин̣аваттха̄рако пан̃н̃атто. дит̣т̣хадхаммика̄нам̣ бхайа̄нам̣ сам̣вара̄йа, сампара̄йика̄нам̣ бхайа̄нам̣ пат̣игха̄та̄йа – име две аттхавасе пат̣ичча татха̄гатена са̄вака̄нам̣ тин̣аваттха̄рако пан̃н̃атто. две аттхавасе пат̣ичча татха̄гатена са̄вака̄нам̣ тин̣аваттха̄рако пан̃н̃атто. дит̣т̣хадхаммика̄нам̣ акусала̄нам̣ дхамма̄нам̣ сам̣вара̄йа, сампара̄йика̄нам̣ акусала̄нам̣ дхамма̄нам̣ пат̣игха̄та̄йа – име две аттхавасе пат̣ичча татха̄гатена са̄вака̄нам̣ тин̣аваттха̄рако пан̃н̃атто. две аттхавасе пат̣ичча татха̄гатена са̄вака̄нам̣ тин̣аваттха̄рако пан̃н̃атто. гихӣнам̣ анукампа̄йа, па̄пиччха̄нам̣ паккхупаччхеда̄йа – име две аттхавасе пат̣ичча татха̄гатена са̄вака̄нам̣ тин̣аваттха̄рако пан̃н̃атто. две аттхавасе пат̣ичча татха̄гатена са̄вака̄нам̣ тин̣аваттха̄рако пан̃н̃атто. аппасанна̄нам̣ паса̄да̄йа, пасанна̄нам̣ бхиййобха̄ва̄йа – име две аттхавасе пат̣ичча татха̄гатена са̄вака̄нам̣ тин̣аваттха̄рако пан̃н̃атто. две аттхавасе пат̣ичча татха̄гатена са̄вака̄нам̣ тин̣аваттха̄рако пан̃н̃атто. саддхаммат̣т̣хитийа̄, винайа̄нуггаха̄йа – име две аттхавасе пат̣ичча татха̄гатена са̄вака̄нам̣ тин̣аваттха̄рако пан̃н̃атто.

апан̃н̃атте пан̃н̃аттавагго нит̣т̣хито чатуттхо.

5. навасан̇гахавагго

501. навасан̇гаха̄ – ваттхусан̇гахо, випаттисан̇гахо а̄паттисан̇гахо, нида̄насан̇гахо, пуггаласан̇гахо, кхандхасан̇гахо, самут̣т̣ха̄насан̇гахо, адхикаран̣асан̇гахо, саматхасан̇гахоти.

адхикаран̣е самуппанне саче убхо аттхапаччаттхика̄ а̄гаччханти убхиннампи ваттху а̄роча̄петаббам̣. убхиннампи ваттху а̄роча̄петва̄ убхиннампи пат̣ин̃н̃а̄ сотабба̄. убхиннампи пат̣ин̃н̃ам̣ сутва̄ убхопи ваттабба̄ – ‘‘амха̄кам̣ имасмим̣ адхикаран̣е вӯпасамите [вӯпасамепи (ка.)] убхопи тут̣т̣ха̄ бхависсатха̄’’ти. саче а̄хам̣су – ‘‘убхопи тут̣т̣ха̄ бхависса̄ма̄’’ти, сан̇гхена там̣ адхикаран̣ам̣ сампат̣иччхитаббам̣. саче аладжджуссанна̄ хоти, париса̄ убба̄хика̄йа вӯпасаметаббам̣. саче ба̄луссанна̄ хоти, париса̄ винайадхаро парийеситаббо йена дхаммена йена винайена йена саттхуса̄санена там̣ адхикаран̣ам̣ вӯпасаммати. татха̄ там̣ адхикаран̣ам̣ вӯпасаметаббам̣.

ваттху джа̄нитаббам̣, готтам̣ джа̄нитаббам̣, на̄мам̣ джа̄нитаббам̣, а̄патти джа̄нитабба̄.

метхунадхаммоти ваттху чева готтан̃ча – па̄ра̄джиканти на̄ман̃чева а̄патти ча.

адинна̄да̄нанти ваттху чева готтан̃ча – па̄ра̄джиканти на̄ман̃чева а̄патти ча.

мануссавиггахоти ваттху чева готтан̃ча – па̄ра̄джиканти на̄ман̃чева а̄патти ча.

уттаримануссадхаммоти ваттху чева готтан̃ча – па̄ра̄джиканти на̄ман̃чева а̄патти ча.

суккависсат̣т̣хӣти ваттху чева готтан̃ча – сан̇гха̄дисесоти на̄ман̃чева а̄патти ча.

ка̄йасам̣сагготи ваттху чева готтан̃ча – сан̇гха̄дисесоти на̄ман̃чева а̄патти ча.

дут̣т̣хуллава̄ча̄ти ваттху чева готтан̃ча – сан̇гха̄дисесоти на̄ман̃чева а̄патти ча.

аттака̄манти ваттху чева готтан̃ча – сан̇гха̄дисесоти на̄ман̃чева а̄патти ча.

сан̃чариттанти ваттху чева готтан̃ча – сан̇гха̄дисесоти на̄ман̃чева а̄патти ча.

сан̃н̃а̄чика̄йа кут̣им̣ ка̄ра̄пананти ваттху чева готтан̃ча – сан̇гха̄дисесоти на̄ман̃чева а̄патти ча.

махаллакам̣ виха̄рам̣ ка̄ра̄пананти ваттху чева готтан̃ча – сан̇гха̄дисесоти на̄ман̃чева а̄патти ча.

бхиккхум̣ амӯлакена па̄ра̄джикена дхаммена ануддхам̣сананти ваттху чева готтан̃ча – сан̇гха̄дисесоти на̄ман̃чева а̄патти ча.

бхиккхум̣ ан̃н̃абха̄гийасса адхикаран̣асса кин̃чи десам̣ лесаматтам̣ упа̄да̄йа па̄ра̄джикена дхаммена ануддхам̣сананти ваттху чева готтан̃ча – сан̇гха̄дисесоти на̄ман̃чева а̄патти ча.

сан̇гхабхедакасса бхиккхуно йа̄вататийам̣ саманубха̄сана̄йа на пат̣иниссаджджананти ваттху чева готтан̃ча – сан̇гха̄дисесоти на̄ман̃чева а̄патти ча.

бхедака̄нуваттака̄нам̣ бхиккхӯнам̣ йа̄вататийам̣ саманубха̄сана̄йа на пат̣иниссаджджананти ваттху чева готтан̃ча – сан̇гха̄дисесоти на̄ман̃чева а̄патти ча.

дуббачасса бхиккхуно йа̄вататийам̣ саманубха̄сана̄йа на пат̣иниссаджджананти ваттху чева готтан̃ча – сан̇гха̄дисесоти на̄ман̃чева а̄патти ча.

куладӯсакасса бхиккхуно йа̄вататийам̣ саманубха̄сана̄йа на пат̣иниссаджджананти ваттху чева готтан̃ча – сан̇гха̄дисесоти на̄ман̃чева а̄патти ча…пе….

ана̄дарийам̣ пат̣ичча удаке учча̄рам̣ ва̄ пасса̄вам̣ ва̄ кхел̣ам̣ ва̄ каран̣анти ваттху чева готтан̃ча – дуккат̣анти на̄ман̃чева а̄патти ча̄ти.

навасан̇гахавагго нит̣т̣хито пан̃чамо.