3. випаттива̄ро

182. метхунам̣ дхаммам̣ пат̣исевантасса а̄паттийо чатуннам̣ випаттӣнам̣ кати випаттийо бхаджанти? метхунам̣ дхаммам̣ пат̣исевантасса а̄паттийо чатуннам̣ випаттӣнам̣ две випаттийо бхаджанти – сийа̄ сӣлавипаттим̣, сийа̄ а̄ча̄равипаттим̣…пе….

ана̄дарийам̣ пат̣ичча удаке учча̄рам̣ ва̄ пасса̄вам̣ ва̄ кхел̣ам̣ ва̄ каронтасса а̄патти чатуннам̣ випаттӣнам̣ кати випаттийо бхаджати? ана̄дарийам̣ пат̣ичча удаке учча̄рам̣ ва̄ пасса̄вам̣ ва̄ кхел̣ам̣ ва̄ каронтасса а̄патти чатуннам̣ випаттӣнам̣ екам̣ випаттим̣ бхаджати – а̄ча̄равипаттим̣.

випаттива̄ро нит̣т̣хито татийо.