1. катхинавагго

162. атирекачӣварам̣ даса̄хам̣ атикка̄менто екам̣ а̄паттим̣ а̄паджджати. ниссаггийам̣ па̄читтийам̣.

екараттам̣ тичӣварена виппавасанто екам̣ а̄паттим̣ а̄паджджати. ниссаггийам̣ па̄читтийам̣.

ака̄лачӣварам̣ пат̣иггахетва̄ ма̄сам̣ атикка̄менто екам̣ а̄паттим̣ а̄паджджати. ниссаггийам̣ па̄читтийам̣.

ан̃н̃а̄тика̄йа бхиккхунийа̄ пура̄н̣ачӣварам̣ дхова̄пенто две а̄паттийо а̄паджджати. дхова̄пети, пайоге дуккат̣ам̣; дхова̄пите ниссаггийам̣ па̄читтийам̣.

ан̃н̃а̄тика̄йа бхиккхунийа̄ хаттхато чӣварам̣ пат̣игган̣ханто две а̄паттийо а̄паджджати. ган̣ха̄ти, пайоге дуккат̣ам̣; гахите ниссаггийам̣ па̄читтийам̣.

ан̃н̃а̄такам̣ гахапатим̣ ва̄ гахапата̄ним̣ ва̄ чӣварам̣ вин̃н̃а̄пенто две а̄паттийо а̄паджджати. вин̃н̃а̄пети, пайоге дуккат̣ам̣; вин̃н̃а̄пите ниссаггийам̣ па̄читтийам̣.

ан̃н̃а̄такам̣ гахапатим̣ ва̄ гахапата̄ним̣ ва̄ татуттари чӣварам̣ вин̃н̃а̄пенто две а̄паттийо а̄паджджати. вин̃н̃а̄пети, пайоге дуккат̣ам̣; вин̃н̃а̄пите ниссаггийам̣ па̄читтийам̣.

пуббе аппава̄рито ан̃н̃а̄такам̣ гахапатикам̣ упасан̇камитва̄ чӣваре викаппам̣ а̄паджджанто две а̄паттийо а̄паджджати. викаппам̣ а̄паджджати, пайоге дуккат̣ам̣; викаппам̣ а̄панне ниссаггийам̣ па̄читтийам̣.

пуббе аппава̄рито ан̃н̃а̄таке гахапатике упасан̇камитва̄ чӣваре викаппам̣ а̄паджджанто две а̄паттийо а̄паджджати. викаппам̣ а̄паджджати, пайоге дуккат̣ам̣; викаппам̣ а̄панне ниссаггийам̣ па̄читтийам̣.

атирекатиккхаттум̣ чодана̄йа атирекачхаккхаттум̣ т̣ха̄нена чӣварам̣ абхиниппха̄денто две а̄паттийо а̄паджджати. абхиниппха̄дети, пайоге дуккат̣ам̣; абхиниппха̄дите ниссаггийам̣ па̄читтийам̣.

катхинавагго пат̣хамо.