7. па̄дукавагго

156. ана̄дарийам̣ пат̣ичча па̄дука̄рул̣хасса дхаммам̣ десентасса дуккат̣ам̣…пе… ека̄ пан̃н̃атти, ека̄ анупан̃н̃атти. чханнам̣ а̄паттисамут̣т̣ха̄на̄нам̣ екена самут̣т̣ха̄нена самут̣т̣ха̄ти – ва̄чато ча читтато ча самут̣т̣ха̄ти, на ка̄йато…пе….

ана̄дарийам̣ пат̣ичча упа̄хана̄рул̣хасса дхаммам̣ десентасса дуккат̣ам̣…пе… ека̄ пан̃н̃атти, ека̄ анупан̃н̃атти. чханнам̣ а̄паттисамут̣т̣ха̄на̄нам̣ екена самут̣т̣ха̄нена самут̣т̣ха̄ти – ва̄чато ча читтато ча самут̣т̣ха̄ти, на ка̄йато…пе….

ана̄дарийам̣ пат̣ичча йа̄нагатасса дхаммам̣ десентасса дуккат̣ам̣…пе… ека̄ пан̃н̃атти, ека̄ анупан̃н̃атти. чханнам̣ а̄паттисамут̣т̣ха̄на̄нам̣ екена самут̣т̣ха̄нена самут̣т̣ха̄ти – ва̄чато ча читтато ча самут̣т̣ха̄ти, на ка̄йато…пе….

ана̄дарийам̣ пат̣ичча сайанагатасса дхаммам̣ десентасса дуккат̣ам̣…пе… ека̄ пан̃н̃атти, ека̄ анупан̃н̃атти. чханнам̣ а̄паттисамут̣т̣ха̄на̄нам̣ екена самут̣т̣ха̄нена самут̣т̣ха̄ти – ва̄чато ча читтато ча самут̣т̣ха̄ти, на ка̄йато…пе….

ана̄дарийам̣ пат̣ичча паллаттхика̄йа нисиннасса дхаммам̣ десентасса дуккат̣ам̣…пе… ека̄ пан̃н̃атти, ека̄ анупан̃н̃атти. чханнам̣ а̄паттисамут̣т̣ха̄на̄нам̣ екена самут̣т̣ха̄не самут̣т̣ха̄ти – ва̄чато ча читтато ча самут̣т̣ха̄ти, на ка̄йато…пе….

ана̄дарийам̣ пат̣ичча вет̣хитасӣсасса дхаммам̣ десентасса дуккат̣ам̣…пе… ека̄ пан̃н̃атти, ека̄ анупан̃н̃атти. чханнам̣ а̄паттисамут̣т̣ха̄на̄нам̣ екена самут̣т̣ха̄нена самут̣т̣ха̄ти – ва̄чато ча читтато ча самут̣т̣ха̄ти, на ка̄йато…пе….

ана̄дарийам̣ пат̣ичча огун̣т̣хитасӣсасса дхаммам̣ десентасса дуккат̣ам̣…пе… ека̄ пан̃н̃атти, ека̄ анупан̃н̃атти. чханнам̣ а̄паттисамут̣т̣ха̄на̄нам̣ екена самут̣т̣ха̄нена самут̣т̣ха̄ти – ва̄чато ча читтато ча самут̣т̣ха̄ти, на ка̄йато…пе….

ана̄дарийам̣ пат̣ичча чхама̄йам̣ нисӣдитва̄ а̄сане нисиннасса дхаммам̣ десентасса дуккат̣ам̣…пе… ека̄ пан̃н̃атти, ека̄ анупан̃н̃атти. чханнам̣ а̄паттисамут̣т̣ха̄на̄нам̣ екена самут̣т̣ха̄нена самут̣т̣ха̄ти – ка̄йато ча ва̄чато ча читтато ча самут̣т̣ха̄ти…пе….

ана̄дарийам̣ пат̣ичча нӣче а̄сане нисӣдитва̄ учче а̄сане нисиннасса дхаммам̣ десентасса дуккат̣ам̣…пе… ека̄ пан̃н̃атти, ека̄ анупан̃н̃атти. чханнам̣ а̄паттисамут̣т̣ха̄на̄нам̣ екена самут̣т̣ха̄нена самут̣т̣ха̄ти – ка̄йато ча ва̄чато ча читтато ча самут̣т̣ха̄ти…пе….

ана̄дарийам̣ пат̣ичча т̣хитена нисиннасса дхаммам̣ десентасса дуккат̣ам̣…пе… ека̄ пан̃н̃атти, ека̄ анупан̃н̃атти. чханнам̣ а̄паттисамут̣т̣ха̄на̄нам̣ екена самут̣т̣ха̄нена самут̣т̣ха̄ти – ка̄йато ча ва̄чато ча читтато ча самут̣т̣ха̄ти…пе….

ана̄дарийам̣ пат̣ичча паччхато гаччхантена пурато гаччхантасса дхаммам̣ десентасса дуккат̣ам̣…пе… ека̄ пан̃н̃атти, ека̄ анупан̃н̃атти. чханнам̣ а̄паттисамут̣т̣ха̄на̄нам̣ екена самут̣т̣ха̄нена самут̣т̣ха̄ти – ка̄йато ча ва̄чато ча читтато ча самут̣т̣ха̄ти…пе….

ана̄дарийам̣ пат̣ичча уппатхена гаччхантена патхена гаччхантасса дхаммам̣ десентасса дуккат̣ам̣…пе… ека̄ пан̃н̃атти, ека̄ анупан̃н̃атти. чханнам̣ а̄паттисамут̣т̣ха̄на̄нам̣ екена самут̣т̣ха̄нена самут̣т̣ха̄ти – ка̄йато ча ва̄чато ча читтато ча самут̣т̣ха̄ти…пе….

ана̄дарийам̣ пат̣ичча т̣хитена учча̄рам̣ ва̄ пасса̄вам̣ ва̄ каронтасса дуккат̣ам̣…пе… ека̄ пан̃н̃атти, ека̄ анупан̃н̃атти. чханнам̣ а̄паттисамут̣т̣ха̄на̄нам̣ екена самут̣т̣ха̄не самут̣т̣ха̄ти – ка̄йато ча читтато ча самут̣т̣ха̄ти, на ва̄чато…пе….

ана̄дарийам̣ пат̣ичча харите учча̄рам̣ ва̄ пасса̄вам̣ ва̄ кхел̣ам̣ ва̄ каронтасса дуккат̣ам̣…пе… ека̄ пан̃н̃атти, ека̄ анупан̃н̃атти. чханнам̣ а̄паттисамут̣т̣ха̄на̄нам̣ екена самут̣т̣ха̄нена самут̣т̣ха̄ти – ка̄йато ча читтато ча самут̣т̣ха̄ти, на ва̄чато…пе….

ана̄дарийам̣ пат̣ичча удаке учча̄рам̣ ва̄ пасса̄вам̣ ва̄ кхел̣ам̣ ва̄ каронтасса дуккат̣ам̣…пе… каттха пан̃н̃аттанти? са̄ваттхийам̣ пан̃н̃аттам̣. кам̣ а̄раббха̄ти? чхаббаггийе бхиккхӯ а̄раббха. кисмим̣ ваттхусминти? чхаббаггийа̄ бхиккхӯ удаке учча̄рампи пасса̄вампи кхел̣ампи акам̣су, тасмим̣ ваттхусмим̣. ека̄ пан̃н̃атти, ека̄ анупан̃н̃атти. чханнам̣ а̄паттисамут̣т̣ха̄на̄нам̣ екена самут̣т̣ха̄нена самут̣т̣ха̄ти – ка̄йато ча читтато ча самут̣т̣ха̄ти, на ва̄чато…пе….

па̄дукавагго саттамо.

пан̃часаттати секхийа̄ нит̣т̣хита̄.

тассудда̄нам̣ –

париман̣д̣алам̣ пат̣иччханнам̣, сусам̣вутоккхиттачаккху;

уккхиттоджджаггхика̄ саддо, тайо чева пача̄лана̄.

кхамбхам̣ огун̣т̣хито чевуккут̣ипаллаттхика̄йа ча;

саккаччам̣ паттасан̃н̃ӣ ча, самасӯпам̣ саматиттикам̣ [саматиттхикам̣ (ка.)].

саккаччам̣ паттасан̃н̃ӣ ча, сапада̄нам̣ самасӯпакам̣;

тхӯпакато пат̣иччханнам̣, вин̃н̃аттуджджха̄насан̃н̃ина̄.

на махантам̣ ман̣д̣алам̣ два̄рам̣, саббам̣ хаттхам̣ на бйа̄харе;

уккхепо чхедана̄ ган̣д̣о, дхунам̣ ситтха̄вака̄ракам̣.

дживха̄ниччха̄ракан̃чева, чапучапу сурусуру;

хаттхо патто ча от̣т̣хо ча, са̄мисам̣ ситтхакена ча.

чхаттапа̄н̣исса саддхаммам̣, на десенти татха̄гата̄;

евамева дан̣д̣апа̄н̣исса, саттхаа̄вудхапа̄н̣инам̣.

па̄дука̄ упа̄хана̄ чева, йа̄насеййа̄гатасса ча;

паллаттхика̄ нисиннасса, вет̣хитогун̣т̣хитасса ча.

чхама̄ нӣча̄сане т̣ха̄не, паччхато уппатхена ча;

т̣хитакена на ка̄таббам̣, харите удакамхи ча̄ти.

тесам̣ вагга̄намудда̄нам̣ –

париман̣д̣алауджджаггхи, кхамбхам̣ пин̣д̣ам̣ татхева ча;

кабал̣а̄ сурусуру ча, па̄дукена ча саттама̄ти.

маха̄вибхан̇ге каттхапан̃н̃аттива̄ро нит̣т̣хито.