2. уджджаггхикавагго

151. ана̄дарийам̣ пат̣ичча уджджаггхика̄йа антарагхаре гаччхантасса дуккат̣ам̣ каттха пан̃н̃аттанти? са̄ваттхийам̣ пан̃н̃аттам̣. кам̣ а̄раббха̄ти? чхаббаггийе бхиккхӯ а̄раббха. кисмим̣ ваттхусминти? чхаббаггийа̄ бхиккхӯ маха̄хаситам̣ хасанта̄ антарагхаре гаччхим̣су, тасмим̣ ваттхусмим̣. ека̄ пан̃н̃атти. чханнам̣ а̄паттисамут̣т̣ха̄на̄нам̣ екена самут̣т̣ха̄нена самут̣т̣ха̄ти – ка̄йато ча ва̄чато ча читтато ча самут̣т̣ха̄ти…пе….

ана̄дарийам̣ пат̣ичча уджджаггхика̄йа антарагхаре нисӣдантасса дуккат̣ам̣ каттха пан̃н̃аттанти? са̄ваттхийам̣ пан̃н̃аттам̣. кам̣ а̄раббха̄ти? чхаббаггийе бхиккхӯ а̄раббха. кисмим̣ ваттхусминти? чхаббаггийа̄ бхиккхӯ маха̄хаситам̣ хасанта̄ антарагхаре нисӣдим̣су, тасмим̣ ваттхусмим̣. ека̄ пан̃н̃атти. чханнам̣ а̄паттисамут̣т̣ха̄на̄нам̣ екена самут̣т̣ха̄нена самут̣т̣ха̄ти – ка̄йато ча ва̄чато ча читтато ча самут̣т̣ха̄ти…пе….

ана̄дарийам̣ пат̣ичча учча̄саддам̣ маха̄саддам̣ каронтена антарагхаре гаччхантасса дуккат̣ам̣ каттха пан̃н̃аттанти? са̄ваттхийам̣ пан̃н̃аттам̣. кам̣ а̄раббха̄ти? чхаббаггийе бхиккхӯ а̄раббха. кисмим̣ ваттхусминти? чхаббаггийа̄ бхиккхӯ учча̄саддам̣ маха̄саддам̣ каронта̄ антарагхаре гаччхим̣су, тасмим̣ ваттхусмим̣. ека̄ пан̃н̃атти. чханнам̣ а̄паттисамут̣т̣ха̄на̄нам̣ екена самут̣т̣ха̄нена самут̣т̣ха̄ти – ка̄йато ча ва̄чато ча читтато ча самут̣т̣ха̄ти…пе….

ана̄дарийам̣ пат̣ичча учча̄саддам̣ маха̄саддам̣ каронтена антарагхаре нисӣдантасса дуккат̣ам̣ каттха пан̃н̃аттанти? са̄ваттхийам̣ пан̃н̃аттам̣. кам̣ а̄раббха̄ти? чхаббаггийе бхиккхӯ а̄раббха. кисмим̣ ваттхусминти? чхаббаггийа̄ бхиккхӯ учча̄саддам̣ маха̄саддам̣ каронта̄ антарагхаре нисӣдим̣су, тасмим̣ ваттхусмим̣. ека̄ пан̃н̃атти. чханнам̣ а̄паттисамут̣т̣ха̄на̄нам̣ екена самут̣т̣ха̄нена самут̣т̣ха̄ти – ка̄йато ча ва̄чато ча читтато ча самут̣т̣ха̄ти…пе….

ана̄дарийам̣ пат̣ичча ка̄йаппача̄лакам̣ антарагхаре гаччхантасса дуккат̣ам̣…пе… ека̄ пан̃н̃атти. екена самут̣т̣ха̄нена самут̣т̣ха̄ти – ка̄йато ча читтато ча самут̣т̣ха̄ти, на ва̄чато…пе….

ана̄дарийам̣ пат̣ичча ка̄йаппача̄лакам̣ антарагхаре нисӣдантасса дуккат̣ам̣…пе… ека̄ пан̃н̃атти. екена самут̣т̣ха̄нена самут̣т̣ха̄ти – ка̄йато ча читтато ча самут̣т̣ха̄ти, на ва̄чато…пе….

ана̄дарийам̣ пат̣ичча ба̄хуппача̄лакам̣ антарагхаре гаччхантасса дуккат̣ам̣…пе… ека̄ пан̃н̃атти. екена самут̣т̣ха̄нена самут̣т̣ха̄ти – ка̄йато ча читтато ча самут̣т̣ха̄ти, на ва̄чато…пе….

ана̄дарийам̣ пат̣ичча ба̄хуппача̄лакам̣ антарагхаре нисӣдантасса дуккат̣ам̣…пе… ека̄ пан̃н̃атти. екена самут̣т̣ха̄нена самут̣т̣ха̄ти – ка̄йато ча читтато ча самут̣т̣ха̄ти, на ва̄чато…пе….

ана̄дарийам̣ пат̣ичча сӣсаппача̄лакам̣ антарагхаре гаччхантасса дуккат̣ам̣…пе… ека̄ пан̃н̃атти. екена самут̣т̣ха̄нена самут̣т̣ха̄ти – ка̄йато ча читтато ча самут̣т̣ха̄ти, на ва̄чато…пе….

ана̄дарийам̣ пат̣ичча сӣсаппача̄лакам̣ антарагхаре нисӣдантасса дуккат̣ам̣…пе… ека̄ пан̃н̃атти. екена самут̣т̣ха̄нена самут̣т̣ха̄ти – ка̄йато ча читтато ча самут̣т̣ха̄ти, на ва̄чато…пе….

уджджаггхикавагго дутийо.