7. саппа̄н̣акавагго

114. сан̃чичча па̄н̣ам̣ джӣвита̄ воропентасса па̄читтийам̣ каттха пан̃н̃аттанти? са̄ваттхийам̣ пан̃н̃аттам̣. кам̣ а̄раббха̄ти? а̄йасмантам̣ уда̄йим̣ а̄раббха. кисмим̣ ваттхусминти? а̄йасма̄ уда̄йӣ сан̃чичча па̄н̣ам̣ джӣвита̄ воропеси, тасмим̣ ваттхусмим̣. ека̄ пан̃н̃атти. чханнам̣ а̄паттисамут̣т̣ха̄на̄нам̣ тӣхи самут̣т̣ха̄нехи самут̣т̣ха̄ти…пе….

115. джа̄нам̣ саппа̄н̣акам̣ удакам̣ парибхун̃джантасса па̄читтийам̣ каттха пан̃н̃аттанти? са̄ваттхийам̣ пан̃н̃аттам̣. кам̣ а̄раббха̄ти? чхаббаггийе бхиккхӯ а̄раббха. кисмим̣ ваттхусминти? чхаббаггийа̄ бхиккхӯ джа̄нам̣ саппа̄н̣акам̣ удакам̣ парибхун̃джим̣су, тасмим̣ ваттхусмим̣. ека̄ пан̃н̃атти. чханнам̣ а̄паттисамут̣т̣ха̄на̄нам̣ тӣхи самут̣т̣ха̄нехи самут̣т̣ха̄ти…пе….

116. джа̄нам̣ йатха̄дхаммам̣ нихата̄дхикаран̣ам̣ пуна камма̄йа уккот̣ентасса па̄читтийам̣ каттха пан̃н̃аттанти? са̄ваттхийам̣ пан̃н̃аттам̣. кам̣ а̄раббха̄ти? чхаббаггийе бхиккхӯ а̄раббха. кисмим̣ ваттхусминти? чхаббаггийа̄ бхиккхӯ джа̄нам̣ йатха̄дхаммам̣ нихата̄дхикаран̣ам̣ пуна камма̄йа уккот̣есум̣, тасмим̣ ваттхусмим̣. ека̄ пан̃н̃атти. чханнам̣ а̄паттисамут̣т̣ха̄на̄нам̣ тӣхи самут̣т̣ха̄нехи самут̣т̣ха̄ти…пе….

117. бхиккхусса джа̄нам̣ дут̣т̣хуллам̣ а̄паттим̣ пат̣иччха̄дентасса па̄читтийам̣ каттха пан̃н̃аттанти? са̄ваттхийам̣ пан̃н̃аттам̣. кам̣ а̄раббха̄ти? ан̃н̃атарам̣ бхиккхум̣ а̄раббха. кисмим̣ ваттхусминти? ан̃н̃атаро бхиккху бхиккхусса джа̄нам̣ дут̣т̣хуллам̣ а̄паттим̣ пат̣иччха̄деси, тасмим̣ ваттхусмим̣. ека̄ пан̃н̃атти. чханнам̣ а̄паттисамут̣т̣ха̄на̄нам̣ екена самут̣т̣ха̄нена самут̣т̣ха̄ти – ка̄йато ча ва̄чато ча читтато ча самут̣т̣ха̄ти…пе….

118. джа̄нам̣ ӯнавӣсативассам̣ пуггалам̣ упасампа̄дентасса па̄читтийам̣ каттха пан̃н̃аттанти? ра̄джагахе пан̃н̃аттам̣. кам̣ а̄раббха̄ти? самбахуле бхиккхӯ а̄раббха. кисмим̣ ваттхусминти? самбахула̄ бхиккхӯ джа̄нам̣ ӯнавӣсативассам̣ пуггалам̣ упасампа̄десум̣, тасмим̣ ваттхусмим̣. ека̄ пан̃н̃атти. чханнам̣ а̄паттисамут̣т̣ха̄на̄нам̣ тӣхи самут̣т̣ха̄нехи самут̣т̣ха̄ти…пе….

119. джа̄нам̣ тхеййасаттхена саддхим̣ сам̣видха̄йа екаддха̄намаггам̣ пат̣ипаджджантасса па̄читтийам̣ каттха пан̃н̃аттанти? са̄ваттхийам̣ пан̃н̃аттам̣. кам̣ а̄раббха̄ти? ан̃н̃атарам̣ бхиккхум̣ а̄раббха. кисмим̣ ваттхусминти? ан̃н̃атаро бхиккху джа̄нам̣ тхеййасаттхена саддхим̣ сам̣видха̄йа екаддха̄намаггам̣ пат̣ипаджджи, тасмим̣ ваттхусмим̣. ека̄ пан̃н̃атти. чханнам̣ а̄паттисамут̣т̣ха̄на̄нам̣ двӣхи самут̣т̣ха̄нехи самут̣т̣ха̄ти – сийа̄ ка̄йато ча читтато ча самут̣т̣ха̄ти, на ва̄чато; сийа̄ ка̄йато ча ва̄чато ча читтато ча самут̣т̣ха̄ти…пе….

120. ма̄туга̄мена саддхим̣ сам̣видха̄йа екаддха̄намаггам̣ пат̣ипаджджантасса па̄читтийам̣ каттха пан̃н̃аттанти? са̄ваттхийам̣ пан̃н̃аттам̣. кам̣ а̄раббха̄ти? ан̃н̃атарам̣ бхиккхум̣ а̄раббха. кисмим̣ ваттхусминти? ан̃н̃атаро бхиккху ма̄туга̄мена саддхим̣ сам̣видха̄йа екаддха̄намаггам̣ пат̣ипаджджи, тасмим̣ ваттхусмим̣. ека̄ пан̃н̃атти. чханнам̣ а̄паттисамут̣т̣ха̄на̄нам̣ чатӯхи самут̣т̣ха̄нехи самут̣т̣ха̄ти…пе….

121. па̄пика̄йа дит̣т̣хийа̄ йа̄вататийам̣ саманубха̄сана̄йа на пат̣иниссаджджантасса па̄читтийам̣ каттха пан̃н̃аттанти? са̄ваттхийам̣ пан̃н̃аттам̣. кам̣ а̄раббха̄ти? арит̣т̣хам̣ бхиккхум̣ гаддхаба̄дхипуббам̣ а̄раббха. кисмим̣ ваттхусминти? арит̣т̣хо бхиккху гаддхаба̄дхипуббо па̄пика̄йа дит̣т̣хийа̄ йа̄вататийам̣ саманубха̄сана̄йа на пат̣иниссаджджи, тасмим̣ ваттхусмим̣. ека̄ пан̃н̃атти. чханнам̣ а̄паттисамут̣т̣ха̄на̄нам̣ екена самут̣т̣ха̄нена самут̣т̣ха̄ти. ка̄йато ча ва̄чато ча читтато ча самут̣т̣ха̄ти…пе….

122. джа̄нам̣ татха̄ва̄дина̄ бхиккхуна̄ [арит̣т̣хена бхиккхуна̄ (ка.)] акат̣а̄нудхаммена там̣ дит̣т̣хим̣ аппат̣иниссат̣т̣хена саддхим̣ самбхун̃джантасса па̄читтийам̣ каттха пан̃н̃аттанти? са̄ваттхийам̣ пан̃н̃аттам̣. кам̣ а̄раббха̄ти? чхаббаггийе бхиккхӯ а̄раббха. кисмим̣ ваттхусминти? чхаббаггийа̄ бхиккхӯ джа̄нам̣ татха̄ва̄дина̄ арит̣т̣хена бхиккхуна̄ акат̣а̄нудхаммена там̣ дит̣т̣хим̣ аппат̣иниссат̣т̣хена саддхим̣ самбхун̃джим̣су, тасмим̣ ваттхусмим̣. ека̄ пан̃н̃атти. чханнам̣ а̄паттисамут̣т̣ха̄на̄нам̣ тӣхи самут̣т̣ха̄нехи самут̣т̣ха̄ти…пе….

123. джа̄нам̣ татха̄на̄ситам̣ саман̣уддесам̣ упала̄пентасса па̄читтийам̣ каттха пан̃н̃аттанти? са̄ваттхийам̣ пан̃н̃аттам̣. кам̣ а̄раббха̄ти? чхаббаггийе бхиккхӯ а̄раббха. кисмим̣ ваттхусминти? чхаббаггийа̄ бхиккхӯ джа̄нам̣ татха̄на̄ситам̣ кан̣т̣акам̣ саман̣уддесам̣ упала̄песум̣, тасмим̣ ваттхусмим̣. ека̄ пан̃н̃атти. чханнам̣ а̄паттисамут̣т̣ха̄на̄нам̣ тӣхи самут̣т̣ха̄нехи самут̣т̣ха̄ти…пе….

саппа̄н̣акавагго саттамо.