3. кхамбхакатавагго

596. тена самайена буддхо бхагава̄ са̄ваттхийам̣ вихарати джетаване ана̄тхапин̣д̣икасса а̄ра̄ме. тена кхо пана самайена чхаббаггийа̄ бхиккхӯ кхамбхаката̄ антарагхаре гаччханти…пе….

‘‘на кхамбхакато антарагхаре гамисса̄мӣти сиккха̄ каран̣ӣйа̄’’ти.

на кхамбхакатена антарагхаре гантаббам̣. йо ана̄дарийам̣ пат̣ичча екато ва̄ убхато ва̄ кхамбхам̣ катва̄ антарагхаре гаччхати, а̄патти дуккат̣асса.

ана̄патти асан̃чичча…пе… а̄дикаммикасса̄ти.

пат̣хамасиккха̄падам̣ нит̣т̣хитам̣.

597. тена самайена буддхо бхагава̄ са̄ваттхийам̣ вихарати джетаване ана̄тхапин̣д̣икасса а̄ра̄ме. тена кхо пана самайена чхаббаггийа̄ бхиккхӯ кхамбхаката̄ антарагхаре нисӣданти…пе….

‘‘на кхамбхакато антарагхаре нисӣдисса̄мӣти сиккха̄ каран̣ӣйа̄’’ти.

на кхамбхакатена антарагхаре нисӣдитаббам̣. йо ана̄дарийам̣ пат̣ичча екато ва̄ убхато ва̄ кхамбхам̣ катва̄ антарагхаре нисӣдати, а̄патти дуккат̣асса.

ана̄патти асан̃чичча, ассатийа̄, аджа̄нантасса, гила̄насса, ва̄сӯпагатасса, а̄пада̄су, умматтакасса, а̄дикаммикасса̄ти.

дутийасиккха̄падам̣ нит̣т̣хитам̣.

598. тена самайена буддхо бхагава̄ са̄ваттхийам̣ вихарати джетаване ана̄тхапин̣д̣икасса а̄ра̄ме. тена кхо пана самайена чхаббаггийа̄ бхиккхӯ сасӣсам̣ па̄рупитва̄ антарагхаре гаччханти…пе….

‘‘на огун̣т̣хито антарагхаре гамисса̄мӣти сиккха̄ каран̣ӣйа̄’’ти.

на огун̣т̣хитена антарагхаре гантаббам̣. йо ана̄дарийам̣ пат̣ичча сасӣсам̣ па̄рупитва̄ антарагхаре гаччхати, а̄патти дуккат̣асса.

ана̄патти асан̃чичча…пе… а̄дикаммикасса̄ти.

татийасиккха̄падам̣ нит̣т̣хитам̣.

599. тена самайена буддхо бхагава̄ са̄ваттхийам̣ вихарати джетаване ана̄тхапин̣д̣икасса а̄ра̄ме. тена кхо пана самайена чхаббаггийа̄ бхиккхӯ сасӣсам̣ па̄рупитва̄ антарагхаре нисӣданти…пе….

‘‘на огун̣т̣хито антарагхаре нисӣдисса̄мӣти сиккха̄ каран̣ӣйа̄’’ти.

на огун̣т̣хитена антарагхаре нисӣдитаббам̣. йо ана̄дарийам̣ пат̣ичча сасӣсам̣ па̄рупитва̄ антарагхаре нисӣдати, а̄патти дуккат̣асса.

ана̄патти асан̃чичча, ассатийа̄, аджа̄нантасса, гила̄насса, ва̄сӯпагатасса, а̄пада̄су, умматтакасса, а̄дикаммикасса̄ти.

чатуттхасиккха̄падам̣ нит̣т̣хитам̣.

600. тена самайена буддхо бхагава̄ са̄ваттхийам̣ вихарати джетаване ана̄тхапин̣д̣икасса а̄ра̄ме. тена кхо пана самайена чхаббаггийа̄ бхиккхӯ уккут̣ика̄йа антарагхаре гаччханти…пе….

‘‘на уккут̣ика̄йа антарагхаре гамисса̄мӣти сиккха̄ каран̣ӣйа̄’’ти.

на уккут̣ика̄йа антарагхаре гантаббам̣. йо ана̄дарийам̣ пат̣ичча уккут̣ика̄йа антарагхаре гаччхати, а̄патти дуккат̣асса.

ана̄патти асан̃чичча…пе… а̄дикаммикасса̄ти.

пан̃чамасиккха̄падам̣ нит̣т̣хитам̣.

601. тена самайена буддхо бхагава̄ са̄ваттхийам̣ вихарати джетаване ана̄тхапин̣д̣икасса а̄ра̄ме. тена кхо пана самайена чхаббаггийа̄ бхиккхӯ паллаттхика̄йа [паллаттика̄йа (ка.)] антарагхаре нисӣданти…пе….

‘‘на паллаттхика̄йа антарагхаре нисӣдисса̄мӣти сиккха̄ каран̣ӣйа̄’’ти.

на паллаттхика̄йа антарагхаре нисӣдитаббам̣. йо ана̄дарийам̣ пат̣ичча хаттхапаллаттхика̄йа ва̄ дуссапаллаттхика̄йа ва̄ антарагхаре нисӣдати, а̄патти дуккат̣асса.

ана̄патти асан̃чичча, ассатийа̄, аджа̄нантасса, гила̄насса, ва̄сӯпагатасса, а̄пада̄су,

умматтакасса, а̄дикаммикасса̄ти.

чхат̣т̣хасиккха̄падам̣ нит̣т̣хитам̣.

602. тена самайена буддхо бхагава̄ са̄ваттхийам̣ вихарати джетаване ана̄тхапин̣д̣икасса а̄ра̄ме. тена кхо пана самайена чхаббаггийа̄ бхиккхӯ асаккаччам̣ пин̣д̣апа̄там̣ пат̣игган̣ханти чхад̣д̣етука̄ма̄ вийа…пе….

‘‘саккаччам̣ пин̣д̣апа̄там̣ пат̣иггахесса̄мӣти сиккха̄ каран̣ӣйа̄’’ти.

саккаччам̣ пин̣д̣апа̄то пат̣иггахетаббо. йо ана̄дарийам̣ пат̣ичча асаккаччам̣ пин̣д̣апа̄там̣ пат̣игган̣ха̄ти чхад̣д̣етука̄мо вийа, а̄патти дуккат̣асса.

ана̄патти асан̃чичча…пе… а̄дикаммикасса̄ти.

саттамасиккха̄падам̣ нит̣т̣хитам̣.

603. тена самайена буддхо бхагава̄ са̄ваттхийам̣ вихарати джетаване ана̄тхапин̣д̣икасса а̄ра̄ме. тена кхо пана самайена чхаббаггийа̄ бхиккхӯ тахам̣ тахам̣ олокента̄ пин̣д̣апа̄там̣ пат̣игган̣ханти, а̄кирантепи атиккантепи [атиккамантепи (сӣ.)] на джа̄нанти…пе….

‘‘паттасан̃н̃ӣ пин̣д̣апа̄там̣ пат̣иггахесса̄мӣти сиккха̄ каран̣ӣйа̄’’ти.

паттасан̃н̃ина̄ пин̣д̣апа̄то пат̣иггахетаббо. йо ана̄дарийам̣ пат̣ичча тахам̣ тахам̣ олокенто пин̣д̣апа̄там̣ пат̣игган̣ха̄ти, а̄патти дуккат̣асса.

ана̄патти асан̃чичча…пе… а̄дикаммикасса̄ти.

ат̣т̣хамасиккха̄падам̣ нит̣т̣хитам̣.

604. тена самайена буддхо бхагава̄ са̄ваттхийам̣ вихарати джетаване ана̄тхапин̣д̣икасса а̄ра̄ме. тена кхо пана самайена чхаббаггийа̄ бхиккхӯ пин̣д̣апа̄там̣ пат̣игган̣ханта̄ сӯпан̃н̃ева бахум̣ пат̣игган̣ханти…пе….

‘‘самасӯпакам̣ пин̣д̣апа̄там̣ пат̣иггахесса̄мӣти сиккха̄ каран̣ӣйа̄’’ти.

сӯпо на̄ма две сӯпа̄ – муггасӯпо, ма̄сасӯпо. хаттхаха̄рийо самасӯпако пин̣д̣апа̄то пат̣иггахетаббо. йо ана̄дарийам̣ пат̣ичча сӯпан̃н̃ева бахум̣ пат̣игган̣ха̄ти, а̄патти дуккат̣асса.

ана̄патти асан̃чичча, ассатийа̄, аджа̄нантасса, гила̄насса, расарасе, н̃а̄така̄нам̣ пава̄рита̄нам̣, ан̃н̃ассаттха̄йа, аттано дханена, а̄пада̄су, умматтакасса, а̄дикаммикасса̄ти.

навамасиккха̄падам̣ нит̣т̣хитам̣.

605. тена самайена буддхо бхагава̄ са̄ваттхийам̣ вихарати джетаване ана̄тхапин̣д̣икасса а̄ра̄ме. тена кхо пана самайена чхаббаггийа̄ бхиккхӯ тхӯпӣкатам̣ пин̣д̣апа̄там̣ пат̣игган̣ханти…пе….

‘‘саматиттикам̣ [саматиттхикам̣ (ка.)] пин̣д̣апа̄там̣ пат̣иггахесса̄мӣти сиккха̄ каран̣ӣйа̄’’ти.

саматиттико [саматиттхикам̣ (ка.)] пин̣д̣апа̄то пат̣иггахетаббо. йо ана̄дарийам̣ пат̣ичча тхӯпӣкатам̣ пин̣д̣апа̄там̣ пат̣игган̣ха̄ти, а̄патти дуккат̣асса.

ана̄патти асан̃чичча, ассатийа̄, аджа̄нантасса, а̄пада̄су, умматтакасса, а̄дикаммикасса̄ти.

дасамасиккха̄падам̣ нит̣т̣хитам̣.

кхамбхакатавагго татийо.