9. супан̣н̣асам̣йуттаван̣н̣ана̄

392-437. патта̄нанти убхосу паккхесу патта̄нам̣. ван̣н̣авантата̄йа̄ти атисайена вичиттаван̣н̣ата̄йа. атисайаттхо хи айам̣ ванта-саддо. пуриманайена̄ти на̄гасам̣йутте пат̣хамасутте вуттанайена. уддхарантӣти самуддато уддхаранти, патхавантарапаббатантарато пана тесам̣ уддхаран̣ам̣ дуккарамева. пан̣ӣтатарети балена пан̣ӣтатаре, балавантети аттхо. ануддхаран̣ӣйана̄га̄ти а̄нубха̄вамахантата̄йа ча васанат̣т̣ха̄навидуггата̄йа ча уддхаритум̣ асаккун̣еййа̄ на̄га̄. те ‘‘саттавидха̄’’ти ватва̄ сарӯпато васанат̣т̣ха̄нато ча дассенто ‘‘камбалассатара̄’’тиа̄дима̄ха. таттха камбалассатара̄ дхатарат̣т̣ха̄ти име джа̄тивасена вутта̄. саттасӣдантарава̄синоти саттавидхасӣдасамуддава̄сино. патхавит̣т̣хака̄ти патхавантарава̄сино, татха̄ паббатат̣т̣хака̄. те ча вима̄нава̄сино. те на̄ге кочи супан̣н̣о уддхаритум̣ на саккотӣти самбандхо. сесанти ‘‘ка̄йена двайака̄рино’’тиа̄дӣсу йам̣ ваттаббам̣, там̣ саббам̣ на̄гасам̣йутте вуттанайамева, таттха ча вуттанайенева аттхо ведитабботи адхиппа̄йо.

супан̣н̣асам̣йуттаван̣н̣ана̄ нит̣т̣хита̄.