10. сӯчимукхӣсуттаван̣н̣ана̄

341. тасмим̣ вачане пат̣иккхиттети – ‘‘адхомукхо бхун̃джасӣ’’ти парибба̄джика̄йа вуттавачане – ‘‘на кхва̄хам̣ бхагинӣ’’ти пат̣иккхитте. ва̄данти досам̣. уббхамукхоти упаримукхо. пураттхима̄дика̄ чатассо диса̄. даккхин̣апураттхима̄дика̄ чатассо видиса̄.

а̄ра̄маа̄ра̄маваттхуа̄дӣсу бхӯмипарикаммабӣджа̄бхисан̇кхаран̣а̄дипат̣исам̣йутта̄ виджджа̄ ваттхувиджджа̄, тасса̄ пана миччха̄джӣвабха̄вам̣ дассетум̣ ‘‘теса’’нтиа̄ди вуттам̣. тесам̣ тесам̣ аттано паччайада̄йака̄нам̣. таттха таттха гамананти тесам̣ са̄санахаран̣авасена там̣ там̣ га̄мантарадесантарам̣. евама̄рочесӣти аттуккам̣санапаравамбханарахитам̣ кан̣н̣асукхам̣ пеманӣйам̣ хадайан̇гамам̣ тхерасса дхаммакатхам̣ сутва̄ пасаннама̄наса̄ евам̣ ‘‘дхаммикам̣ саман̣а̄ сакйапуттийа̄’’тиа̄дина̄ са̄санасса гун̣асам̣киттанава̄чам̣ кула̄нам̣ а̄рочеси.

сӯчимукхӣсуттаван̣н̣ана̄ нит̣т̣хита̄.

са̄рипуттасам̣йуттаван̣н̣ана̄ нит̣т̣хита̄.