1. па̄ра̄джиканиддесо

1. сам̣ нимиттам̣ павесанто, бхиккху маггаттайе чуто;

павесанат̣т̣хитуддха̄ра-павит̣т̣хе чепи са̄дийам̣.

2. адиннам̣ ма̄нусам̣ бхан̣д̣ам̣, тхеййа̄йекена а̄дийам̣;

пан̃чавӣса̄ваха̄ресу, гарукам̣ че чуто бхаве.

3. а̄дийанто харантова-харантопирийа̄патхам̣;

викопенто татха̄ т̣ха̄на̄, ча̄вентопи пара̄джико.

4. таттха на̄некабхан̣д̣а̄нам̣, пан̃чака̄нам̣ васа̄ пана;

аваха̄ра̄ дасан̃чети, вин̃н̃а̄табба̄ вибха̄вина̄.

5. са̄хаттха̄н̣аттико чева, ниссагго ча̄ттхаса̄дхако;

дхураниккхепанан̃чева, идам̣ са̄хаттхапан̃чакам̣.

6. пуббасахаппайого ча, сам̣видха̄харан̣ампи ча;

сан̇кетакаммам̣ нимиттам̣, пуббаппайогапан̃чакам̣.

7. тхеййа̄пасайхапарикаппа-ппат̣иччханнакуса̄дика̄;

аваха̄ра̄ име пан̃ча, вин̃н̃а̄табба̄ вибха̄вина̄.

8. мануссапа̄н̣ам̣ па̄н̣оти, джа̄нам̣ вадхакачетаса̄;

джӣвита̄ йо вийоджети, са̄сана̄ со пара̄джито.

9. джха̄на̄дибхедам̣ хадайе асантам̣,

ан̃н̃ападесан̃ча вина̄дхима̄нам̣;

мануссаджа̄тисса вадеййа бхиккху,

н̃а̄таккхан̣е тена пара̄джико бхавети.