9. пат̣игга̄ханиддесо

пат̣игга̄хоти –

106. да̄тука̄ма̄бхиха̄ро ча, хаттхапа̄серан̣аккхамам̣;

тидха̄ денте двидха̄ га̄хо, пан̃чан̇гевам̣ пат̣иггахо.

107. асам̣ха̄рийе таттхаджа̄те, сукхуме чин̃чаа̄динам̣;

пан̣н̣е ва̄сайхабха̄ре ча, пат̣игга̄хо на рӯхати.

108. сиккха̄маран̣алин̇гехи, анапеккхависаггато;

аччхеда̄нупасампанна-да̄на̄ га̄хопасаммати.

109. аппат̣иггахитам̣ саббам̣, па̄читти парибхун̃джато;

суддхан̃ча на̄тибахалам̣, каппате удакам̣ татха̄.

110. ан̇галаггамавиччхиннам̣, дантаккхикан̣н̣агӯтхакам̣;

лон̣ассукхел̣асин̇гха̄н̣и-семхамуттакарӣсакам̣.

111. гӯтхаматтикамутта̄ни, чха̄рикан̃ча татха̄видхе;

са̄мам̣ гахетва̄ севеййа, асанте каппака̄раке.

112. дурӯпачин̣н̣е раджокин̣н̣е, атхуггахаппат̣иггахе;

антовуттхе сайам̣пакке, антопакке ча дуккат̣анти.