36. бхесаджджаниддесо

бхесаджджанти –

274. джанасса ка̄тум̣ бхесаджджам̣, да̄тум̣ ваттум̣ на лаббхати;

бхиккха̄чарийавин̃н̃атти, сакехи сахадхамминам̣.

275. питӯнам̣ тадупат̣т̣ха̄кабхиккхунисситабхан̣д̣унам̣;

лаббхам̣ бхесаджджакаран̣ам̣, веййа̄ваччакарасса ча.

276. маха̄чӯл̣апита̄ма̄та̄бха̄та̄бхагиниа̄динам̣;

тесам̣ сакенаттанийе, да̄таббам̣ та̄вака̄ликам̣.

277. куладӯсанавин̃н̃атти, бхесаджджакаран̣а̄ди хи;

ма̄та̄питӯхи самбандхан̃а̄такесу на рӯхати.

278. пин̣д̣апа̄то ана̄мат̣т̣хо, ма̄та̄дӣнамава̄рито;

чханнам̣ да̄марикачорасса, да̄тумиссарийасса ча.

279. тесам̣ суттодакехева, париттам̣ кайира̄ наттано;

бхан̣итаббам̣ бхан̣а̄пенте, париттам̣ са̄саногадхам̣.

280. сӣлам̣ дхаммам̣ париттам̣ ва̄, а̄гантва̄ дету бха̄сату;

да̄тум̣ ваттун̃ча лаббхати, гантва̄ кеначи песитоти.