32. ниссайаниддесо

ниссайоти –

230. бйаттасса пан̃чавассасса, наттхи ниссайа ка̄рийам̣;

йа̄ваджӣвампи абйатто, нисситойева джӣвати.

231. екам̣сам̣ чӣварам̣ катва̄, пагган̣хитва̄на ан̃джалим̣;

уккут̣икам̣ нисӣдитва̄, ваде йа̄вататӣйакам̣;

‘‘а̄чарийо ме, бханте, хохи,

а̄йасмато нисса̄йа ваччха̄мӣ’’ти.

232. пакканте паккхасан̇канте, виббханте ва̄пи ниссайо;

маран̣а̄н̣аттупаджджха̄йа-самодха̄нехи саммати.

233. нисса̄йа на васеладжджим̣, апуббам̣ т̣ха̄нама̄гато;

а̄гаме чатупан̃ча̄хам̣, н̃а̄тум̣ бхиккхусабха̄гатам̣.

234. аддхикасса гила̄насса, гила̄нупат̣т̣хакасса ча;

йа̄читасса аран̃н̃е ва̄, саллаккхантена пха̄сукам̣;

сабха̄ге да̄йакесанте, васитум̣ та̄ва лаббхатӣти.