17. а̄пуччхакаран̣аниддесо

а̄пуччхакаран̣анти –

161. анаджджхит̣т̣хова тхерена, па̄тимоккхам̣ на уддисе;

дхаммам̣ на катхайе пан̃хам̣, на пуччхе на ча виссадже.

162. а̄пуччхитва̄ катхентасса, пуна вуд̣д̣хатара̄гаме;

пуна а̄пуччханам̣ наттхи, бхаттагге ча̄нумодато.

163. васанто ча ана̄пуччха̄, вуд̣д̣хенекавиха̄раке;

на саджджха̄йеййа уддесам̣, парипуччхан̃ча но даде.

164. дхаммам̣ на бха̄сайе дӣпам̣, на каре на ча виджджхапе;

ва̄тапа̄нам̣ кава̄т̣ам̣ ва̄, вивареййа тхакеййа ча.

165. чан̇каме чан̇камантопи, вуд̣д̣хена париваттайе;

йена вуд̣д̣хо са сан̇гха̄т̣и-кан̣н̣ененам̣ на гхат̣т̣айети.