5. пан̃чамо париччхедо

бхӯмипуггалачиттуппаттиниддесо

182. ито парам̣ паваккха̄ми, буддхивуддхикарам̣ найам̣;

читта̄нам̣ бхӯмӣсуппаттим̣, пуггала̄нам̣ васена ча.

183. дева̄чева манусса̄ ча, тиссо ва̄па̄йабхӯмийо;

гатийо пан̃ча ниддит̣т̣ха̄, саттхуна̄ ту тайо бхава̄.

184. бхӯмийо таттха тим̣сева, та̄су тим̣сева пуггала̄;

бхӯмӣсвета̄су уппанна̄, саббе ча пана пуггала̄.

185. пат̣исандхикачитта̄нам̣, васенекӯнавӣсати;

пат̣исандхи ча на̄меса̄, дувидха̄ самудӣрита̄.

186. ачиттака̄ сачитта̄ ча, асан̃н̃ӣнамачиттака̄;

сеса̄ сачиттака̄ н̃еййа̄, са̄ панекӯнавӣсати.

187. пат̣исандхивасенева, хонти вӣсати пуггала̄;

идха читта̄дхика̄ратта̄, ачитта̄ на ча уддхат̣а̄.

188. ахетудвитихетӯти, пуггала̄ тивидха̄ сийум̣;

арийа̄ пана ат̣т̣ха̄ти, саббе ека̄дасерита̄.

189. етесам̣ пана саббесам̣, пуггала̄нам̣ пабхедато;

читта̄нам̣ бхӯмӣсуппаттим̣, бхан̣ато ме нибодхатха.

190. тим̣сабхӯмӣсу читта̄ни, кати джа̄йанти ме вада;

чуддасева ту читта̄ни, хонти сабба̄су бхӯмису.

191. сада̄ вӣсати читта̄ни, ка̄мейева бхаве сийум̣;

пан̃ча рӯпабхавейева, чатта̄рева арӯпису.

192. ка̄марӯпабхавесвева, ат̣т̣ха̄раса бхаванти хи;

двечатта̄лӣса читта̄ни, хонти тӣсу бхавесупи.

193. т̣хапетва̄ пана сабба̄сам̣, чатассопа̄йабхӯмийо;

терасева ча читта̄ни, хонти чхаббӣсабхӯмису.

194. апара̄ни чатассопи, т̣хапетва̄руппабхӯмийо;

читта̄ни пана джа̄йанти, чха ча чхаббӣсабхӯмису.

195. суддха̄ва̄сикадева̄нам̣, т̣хапетва̄ пан̃ча бхӯмийо;

пан̃ча читта̄ни джа̄йанте, пан̃чавӣсатибхӯмису.

196. апара̄ни дуве хонти, пан̃чавӣсатибхӯмису;

т̣хапетва̄ невасан̃н̃ан̃ча, чатассопа̄йабхӯмийо.

197. двепи читта̄ни джа̄йанти, чатувӣсатибхӯмису;

а̄кин̃чан̃н̃ам̣ невасан̃н̃ан̃ча, т̣хапетва̄па̄йабхӯмийо.

198. апа̄йабхӯмийо хитва̄, тиссо а̄руппабхӯмийо;

двейева пана читта̄ни, хонти тевӣсабхӯмису.

199. арӯпе ча апа̄йе ча, т̣хапетва̄ ат̣т̣ха бхӯмийо;

ека̄дасавидхам̣ читтам̣, хонти два̄вӣсабхӯмису.

200. суддха̄ва̄се апа̄йе ча, т̣хапетва̄ нава бхӯмийо;

екавӣса̄су ниччампи, чатта̄рова бхаванти хи.

201. екам̣ саттарасасвева, читтам̣ джа̄йати бхӯмису;

суддха̄ва̄се т̣хапетва̄ ту, апа̄йа̄руппабхӯмийо.

202. два̄дасева ту джа̄йанте, ека̄дасасу бхӯмису;

т̣хапетва̄ пана сабба̄пи, бхӯмийо хи махаггата̄.

203. ка̄ма̄вачарадева̄нам̣, манусса̄нам̣ васена ту;

ат̣т̣ха читта̄ни джа̄йанте, сада̄ саттасу бхӯмису.

204. пан̃чамаджджха̄напа̄кеко, джа̄йате чхасу бхӯмису;

чатта̄ри пана читта̄ни, тӣсу тӣсвева бхӯмису.

205. чатта̄ри пана читта̄ни, хонти екекабхӯмису;

арӯпа̄вачарапа̄ка̄нам̣, васена паридӣпайе.

206. кусала̄кусала̄ ка̄ме,

тесам̣ па̄ка̄ ахетука̄;

а̄ваджджанадвайан̃ча̄ти,

саттатим̣сева ма̄наса̄.

207. нарака̄дӣсвапа̄йесу, чатӯсупи ча джа̄йаре;

двепан̃н̃а̄са̄васеса̄ни, нуппаджджанти када̄чипи.

208. ка̄ме деваманусса̄нам̣, нава па̄ка̄ махаггата̄;

нева джа̄йанти джа̄йанти, асӣти хадайа̄ сада̄.

209. ка̄ме ат̣т̣ха маха̄па̄ка̄, доманассадвайампи ча;

татха̄ гха̄на̄дивин̃н̃а̄н̣а-ттайам̣ па̄ка̄ апун̃н̃аджа̄.

210. наттхи а̄руппапа̄ка̄ ча, рӯпа̄вачарабхӯмийам̣;

имехи саха читтехи, тайо магга̄ пхаладвайам̣.

211. чатта̄ро дит̣т̣хисам̣йутта̄, вичикиччха̄йутампи ча;

чатта̄ро хет̣т̣хима̄ па̄ка̄, суддха̄ва̄се на лаббхаре.

212. сеса̄ни екапан̃н̃а̄са, читта̄ни пана лаббхаре;

рӯпа̄вачарика̄ саббе, випа̄ка̄ ка̄мадха̄туйа̄.

213. доманасса̄димагго ча, крийа̄ ча две ахетука̄;

течатта̄лӣса читта̄ни, наттхи а̄руппабхӯмийам̣.

214. евам̣ бхӯмивасенева, читтуппаттим̣ вибха̄вайе;

татха̄ ека̄дасаннампи, пуггала̄нам̣ васена ча.

215. кусала̄кусала̄ ка̄ме,

тесам̣ па̄ка̄ ахетука̄;

а̄ваджджанадвайан̃ча̄ти,

саттатим̣сева ма̄наса̄.

216. ахетукасса саттасса, джа̄йанте пан̃чабхӯмису;

двепан̃н̃а̄са̄васеса̄ни, на джа̄йанти када̄чипи.

217. ахетукасса вуттехи, ка̄мапа̄ка̄ духетука̄;

духетукасса джа̄йанте, чатта̄лӣсам̣ татхекакам̣.

218. саббе махаггата̄ чева, саббепи ча ана̄сава̄;

тихетука̄ випа̄ка̄ ча, ка̄ме нава крийа̄пи ча.

219. духетуно на джа̄йанти, чатта̄лӣсам̣ татха̄т̣т̣ха ча;

ка̄ма̄вачарасаттасса, тихетупат̣исандхино.

220. путхуджджанасса джа̄йанте, чатупан̃н̃а̄са ма̄наса̄;

двихетукасса вутта̄ни, чатта̄лӣсам̣ татхекакам̣.

221. чатта̄ро н̃а̄н̣асам̣йутта̄, випа̄ка̄ ка̄мадха̄туйа̄;

рӯпа̄рӯпесу пун̃н̃а̄ни, чатупан̃н̃а̄са ма̄наса̄.

222. путхуджджанасса джа̄йанте, пан̃чатим̣са на джа̄йаре;

чхадевесу мануссесу, сота̄паннасса дехино.

223. пан̃н̃а̄севасса читта̄ни, джа̄йантӣти виниддисе;

наватим̣сева читта̄ни, нуппаджджантӣти дӣпайе.

224. сота̄паннасса вутта̄ни, т̣хапетва̄ пат̣хамам̣ пхалам̣;

аттанова пхаленасса, сакада̄га̄мино сийум̣.

225. сота̄паннасса вутта̄ни, т̣хапетва̄ пат̣игхадвайам̣;

дутийам̣ ча пхалам̣ хитва̄, йа̄ни читта̄ни та̄нити;

ана̄га̄мисса саттасса, джа̄йантӣти виниддисе.

226. кати читта̄ни джа̄йанте, ка̄ме арахато пана;

чатта̄рӣсан̃ча чатта̄ри, ка̄ме арахато сийум̣.

227. маггат̣т̣ха̄нам̣ чатуннампи, пуггала̄нам̣ сакам̣ сакам̣;

маггачиттам̣ сийа̄ тесам̣, екачиттаккхан̣а̄ хи те.

228. путхуджджанасса тӣсвева, пат̣хамаджджха̄набхӯмису;

пан̃чатим̣сева читта̄ни, джа̄йантети виниддисе.

229. гха̄на̄дӣсу ча вин̃н̃а̄н̣а-ттайам̣ сатта апун̃н̃аджа̄;

маха̄па̄ка̄ татха̄ па̄ка̄, упариджджха̄набхӯмика̄.

230. випа̄ка̄пи ча а̄руппа̄, доманассадвайампи ча;

ат̣т̣ха̄раса крийа̄ чева, ат̣т̣ха локуттара̄ни ча.

231. пат̣хамаджджха̄наниббатта-путхуджджанасарӣрино;

ета̄ни чатупан̃н̃а̄са, читта̄ни на ча лаббхаре.

232. сота̄паннасса читта̄ни, таттхекатим̣са джа̄йаре;

путхуджджанасса вуттесу, хитва̄ ча̄пун̃н̃апан̃чакам̣.

233. сакада̄га̄мино таттха, т̣хапетва̄ пат̣хамам̣ пхалам̣;

екатим̣сева джа̄йанте, паккхипитва̄ сакам̣ пхалам̣.

234. ана̄га̄мисса таттхева, т̣хапетва̄ дутийам̣ пхалам̣;

екатим̣сева джа̄йанте, пхалачиттена аттано.

235. вин̃н̃а̄н̣ам̣ чаккхусота̄нам̣, пун̃н̃аджам̣ сампат̣иччханам̣;

сантӣран̣адвайан̃чева, крийачитта̄ни вӣсати.

236. арахаттапхалам̣ па̄ко, пат̣хамаджджха̄насамбхаво;

саттавӣсати читта̄ни, арахантасса джа̄йаре.

237. путхуджджанасса тӣсвева, дутийаджджха̄набхӯмису;

чхаттим̣са дутийаджджха̄на-татийаджджха̄напа̄като.

238. путхуджджанасса вуттесу, хитва̄ ва̄пун̃н̃апан̃чакам̣;

сота̄паннасса ба̄ттим̣са, пхалена саха аттано.

239. сота̄паннасса вуттесу, т̣хапетва̄ пат̣хамам̣ пхалам̣;

ба̄ттим̣са пхалачиттена, сакада̄га̄мисса аттано.

240. сакада̄га̄мӣсу вуттесу, т̣хапетва̄ дутийам̣ пхалам̣;

ана̄га̄мипхаленасса, ба̄ттим̣сева бхаванти хи.

241. арахантасса тӣсвева, ат̣т̣хавӣсати аттано;

пхалена дутийаджджха̄на-татийаджджха̄напа̄като.

242. париттакасубха̄дӣнам̣, дева̄нам̣ тӣсу бхӯмису;

пан̃чатим̣сева джа̄йанте, чатуттхаджджха̄напа̄като.

243. сота̄паннасса таттхека-тим̣са читта̄ни джа̄йаре;

сакада̄га̄мино евам̣, татха̄на̄га̄минопи ча.

244. кхӣн̣а̄савасса таттхева, саттавӣсати ма̄наса̄;

татха̄ вехаппхале ча̄пи, саббесам̣ хонти ма̄наса̄.

245. екатим̣сева читта̄ни, суддха̄ва̄сикабхӯмису;

ана̄га̄микасаттасса, хонтӣти паридӣпайе.

246. арахато пана таттхева, ма̄наса̄ саттавӣсати;

евам̣ рӯпӣсу читта̄ни, вин̃н̃еййа̄ни вибха̄вина̄.

247. чатувӣсати читта̄ни, пат̣хама̄руппабхӯмийам̣;

путхуджджанасса саттасса, джа̄йантӣти виниддисе.

248. сота̄паннасса таттхева, т̣хапетва̄пун̃н̃апан̃чакам̣;

самавӣсати читта̄ни, пхалена саха аттано.

249. сакада̄га̄мино таттха, татха̄на̄га̄минопи ча;

джа̄йанти вӣса читта̄ни, пуббапуббапхалам̣ вина̄.

250. кхӣн̣а̄савасса таттхева, дасапан̃ча ча ма̄наса̄;

путхуджджанасса саттасса, дутийа̄руппабхӯмийам̣.

251. хонти тевӣса читта̄ни, ити ватва̄ вибха̄вайе;

тин̣н̣аннампеттха секха̄нам̣, читта̄некӯнавӣсати.

252. чуддасева ту читта̄ни, дутийа̄руппабхӯмийам̣;

крийа̄два̄даса па̄кеко, пхалам̣ кхӣн̣а̄савасса ту.

253. путхуджджанасса саттасса, татийа̄руппабхӯмийам̣;