14. атиккантака̄лава̄ро

йасса йам̣ читтам̣ уппаджджама̄нам̣ кхан̣ам̣ кхан̣ам̣ вӣтиккантам̣ атиккантака̄лам̣, нируджджхама̄нам̣ кхан̣ам̣ кхан̣ам̣ вӣтиккантам̣ атиккантака̄лам̣ тасса там̣ читтам̣. йасса ва̄ пана йам̣ читтам̣ нируджджхама̄нам̣ кхан̣ам̣ кхан̣ам̣ вӣтиккантам̣ атиккантака̄лам̣, уппаджджама̄нам̣ кхан̣ам̣ кхан̣ам̣ вӣтиккантам̣ атиккантака̄лам̣ тасса там̣ читтам̣.

йасса йам̣ читтам̣ на уппаджджама̄нам̣ кхан̣ам̣ кхан̣ам̣ вӣтиккантам̣ атиккантака̄лам̣, на нируджджхама̄нам̣ кхан̣ам̣ кхан̣ам̣ вӣтиккантам̣ атиккантака̄лам̣ тасса там̣ читтам̣. йасса ва̄ пана йам̣ читтам̣ на нируджджхама̄нам̣ кхан̣ам̣ кхан̣ам̣ вӣтиккантам̣ атиккантака̄лам̣, на уппаджджама̄нам̣ кхан̣ам̣ кхан̣ам̣ вӣтиккантам̣ атиккантака̄лам̣ тасса там̣ читтам̣.

суттантачиттамиссакависесо

йасса сара̄гам̣ читтам̣ уппаджджати…пе… йасса вӣтара̄гам̣ читтам̣ уппаджджати. йасса садосам̣ читтам̣ уппаджджати. йасса вӣтадосам̣ читтам̣ уппаджджати. йасса самохам̣ читтам̣ уппаджджати. йасса вӣтамохам̣ читтам̣ уппаджджати. йасса сам̣кхиттам̣ читтам̣ уппаджджати. йасса виккхиттам̣ читтам̣ уппаджджати. йасса махаггатам̣ читтам̣ уппаджджати. йасса амахаггатам̣ читтам̣ уппаджджати. йасса сауттарам̣ читтам̣ уппаджджати. йасса ануттарам̣ читтам̣ уппаджджати. йасса сама̄хитам̣ читтам̣ уппаджджати. йасса асама̄хитам̣ читтам̣ уппаджджати. йасса вимуттам̣ читтам̣ уппаджджати. йасса авимуттам̣ читтам̣ уппаджджати.

абхидхаммачиттамиссакависесо

йасса кусалам̣ читтам̣ уппаджджати…пе… йасса акусалам̣ читтам̣ уппаджджати. йасса абйа̄катам̣ читтам̣ уппаджджати. йасса сукха̄йа ведана̄йа сампайуттам̣ читтам̣ уппаджджати.

(етена упа̄йена йа̄ва саран̣ааран̣а̄ уддхаритабба̄.)

йасса аран̣ам̣ читтам̣ уппаджджати на нируджджхати, тасса аран̣ам̣ читтам̣ нируджджхиссати на уппаджджиссати. йасса ва̄ пана аран̣ам̣ читтам̣ нируджджхиссати на уппаджджиссати, тасса аран̣ам̣ читтам̣ уппаджджати на нируджджхати.

читтайамакама̄тика̄ нит̣т̣хита̄.