1. каппасахассасуттам̣

909. екам̣ самайам̣ а̄йасма̄ ануруддхо са̄ваттхийам̣ вихарати джетаване ана̄тхапин̣д̣икасса а̄ра̄ме. атха кхо самбахула̄ бхиккхӯ йена̄йасма̄ ануруддхо тенупасан̇камим̣су; упасан̇камитва̄ а̄йасмата̄ ануруддхена саддхим̣…пе… екамантам̣ нисинна̄ кхо те бхиккхӯ а̄йасмантам̣ ануруддхам̣ етадавочум̣ –

‘‘катамесам̣ а̄йасма̄ ануруддхо дхамма̄нам̣ бха̄витатта̄ бахулӣкататта̄ маха̄бхин̃н̃атам̣ патто’’ти? ‘‘чатуннам̣ кхва̄хам̣, а̄вусо, сатипат̣т̣ха̄на̄нам̣ бха̄витатта̄ бахулӣкататта̄ маха̄бхин̃н̃атам̣ патто. катамесам̣ чатуннам̣? идха̄хам̣, а̄вусо, ка̄йе ка̄йа̄нупассӣ вихара̄ми…пе… ведана̄су…пе… читте…пе… дхаммесу дхамма̄нупассӣ вихара̄ми а̄та̄пӣ сампаджа̄но сатима̄, винеййа локе абхиджджха̄доманассам̣ – имесам̣ кхва̄хам̣, а̄вусо, чатуннам̣ сатипат̣т̣ха̄на̄нам̣ бха̄витатта̄ бахулӣкататта̄ маха̄бхин̃н̃атам̣ патто. имесан̃ча пана̄хам̣, а̄вусо, чатуннам̣ сатипат̣т̣ха̄на̄нам̣ бха̄витатта̄ бахулӣкататта̄ каппасахассам̣ ануссара̄мӣ’’ти. пат̣хамам̣.