1-10. огха̄дисуттадасакам̣

695-704. ‘‘пан̃чима̄ни, бхиккхаве, уддхамбха̄гийа̄ни сам̣йоджана̄ни. катама̄ни пан̃ча? рӯпара̄го, арӯпара̄го, ма̄но, уддхаччам̣, авиджджа̄ – има̄ни кхо, бхиккхаве, пан̃чуддхамбха̄гийа̄ни сам̣йоджана̄ни. имесам̣ кхо, бхиккхаве, пан̃чаннам̣ уддхамбха̄гийа̄нам̣ сам̣йоджана̄нам̣ абхин̃н̃а̄йа парин̃н̃а̄йа париккхайа̄йа паха̄на̄йа чатта̄ро саммаппадха̄на̄ бха̄ветабба̄. катаме чатта̄ро? идха, бхиккхаве, бхиккху ануппанна̄нам̣…пе… уппанна̄нам̣ кусала̄нам̣ дхамма̄нам̣ т̣хитийа̄ асаммоса̄йа бхиййобха̄ва̄йа вепулла̄йа бха̄вана̄йа па̄рипӯрийа̄ чхандам̣ джанети ва̄йамати вӣрийам̣ а̄рабхати читтам̣ пагган̣ха̄ти падахати. имесам̣ кхо, бхиккхаве, пан̃чаннам̣ уддхамбха̄гийа̄нам̣ сам̣йоджана̄нам̣ абхин̃н̃а̄йа парин̃н̃а̄йа париккхайа̄йа паха̄на̄йа име чатта̄ро саммаппадха̄на̄ бха̄ветабба̄’’ти. (виттха̄ретабба̄). дасамам̣.

огхавагго пан̃чамо.

тассудда̄нам̣ –

огхо його упа̄да̄нам̣, гантха̄ анусайена ча;

ка̄магун̣а̄ нӣваран̣а̄, кхандха̄ оруддхамбха̄гийа̄ти.

саммаппадха̄насам̣йуттам̣ пан̃чамам̣.