1-12. балакаран̣ӣйа̄дисуттадва̄дасакам̣

673-684. ‘‘сеййатха̄пи, бхиккхаве, йе кечи балакаран̣ӣйа̄ камманта̄ кайиранти, саббе те патхавим̣ нисса̄йа патхавийам̣ патит̣т̣ха̄йа евамете балакаран̣ӣйа̄ камманта̄ кайиранти; евамева кхо, бхиккхаве, бхиккху сӣлам̣ нисса̄йа сӣле патит̣т̣ха̄йа чатта̄ро саммаппадха̄не бха̄вети, чатта̄ро саммаппадха̄не бахулӣкароти. катхан̃ча, бхиккхаве, бхиккху сӣлам̣ нисса̄йа сӣле патит̣т̣ха̄йа чатта̄ро саммаппадха̄не бха̄вети, чатта̄ро саммаппадха̄не бахулӣкароти? идха, бхиккхаве, бхиккху ануппанна̄нам̣ па̄пака̄нам̣ акусала̄нам̣ дхамма̄нам̣ ануппа̄да̄йа чхандам̣ джанети ва̄йамати вӣрийам̣ а̄рабхати читтам̣ пагган̣ха̄ти падахати…пе… уппанна̄нам̣ кусала̄нам̣ дхамма̄нам̣ т̣хитийа̄ асаммоса̄йа бхиййобха̄ва̄йа вепулла̄йа бха̄вана̄йа па̄рипӯрийа̄ чхандам̣ джанети ва̄йамати вӣрийам̣ а̄рабхати читтам̣ пагган̣ха̄ти падахати. евам̣ кхо, бхиккхаве, бхиккху сӣлам̣ нисса̄йа сӣле патит̣т̣ха̄йа чатта̄ро саммаппадха̄не бха̄вети, чатта̄ро саммаппадха̄не бахулӣкаротӣ’’ти. (евам̣ балакаран̣ӣйавагго саммаппадха̄навасена виттха̄ретаббо). два̄дасамам̣.

балакаран̣ӣйавагго татийо.

тассудда̄нам̣ –

балам̣ бӣджан̃ча на̄го ча, руккхо кумбхена сӯкийа̄;

а̄ка̄сена ча две мегха̄, на̄ва̄ а̄гантука̄ надӣти.