1. чаккхусуттам̣

322. са̄ваттхинида̄нам̣. ‘‘йо, бхиккхаве, чаккхусмим̣ чхандара̄го, читтассесо упаккилесо. йо сотасмим̣ чхандара̄го, читтассесо упаккилесо. йо гха̄насмим̣ чхандара̄го, читтассесо упаккилесо. йо дживха̄йа чхандара̄го, читтассесо упаккилесо. йо ка̄йасмим̣ чхандара̄го, читтассесо упаккилесо. йо манасмим̣ чхандара̄го, читтассесо упаккилесо. йато кхо, бхиккхаве, бхиккхуно имесу чхасу т̣ха̄несу четасо упаккилесо пахӣно хоти, неккхамманиннан̃часса читтам̣ хоти. неккхаммапарибха̄витам̣ читтам̣ камманийам̣ кха̄йати, абхин̃н̃а̄ саччхикаран̣ӣйесу дхаммесӯ’’ти. пат̣хамам̣.