2. дутийагаманавагго

1. ва̄тасуттам̣

224. са̄ваттхинида̄нам̣. ‘‘кисмим̣ ну кхо, бхиккхаве, сати, ким̣ упа̄да̄йа, ким̣ абхинивисса евам̣ дит̣т̣хи уппаджджати – ‘на ва̄та̄ ва̄йанти, на наджджо санданти, на габбхинийо виджа̄йанти, на чандимасӯрийа̄ уденти ва̄ апенти ва̄, есикат̣т̣ха̄йит̣т̣хита̄’’’ти? бхагавам̣мӯлака̄ но, бханте, дхамма̄…пе… ‘‘рӯпе кхо, бхиккхаве, сати, рӯпам̣ упа̄да̄йа, рӯпам̣ абхинивисса евам̣ дит̣т̣хи уппаджджати – ‘на ва̄та̄ ва̄йанти…пе… есикат̣т̣ха̄йит̣т̣хита̄’ти. ведана̄йа сати…пе… сан̃н̃а̄йа сати…пе… сан̇кха̄ресу сати… вин̃н̃а̄н̣е сати, вин̃н̃а̄н̣ам̣ упа̄да̄йа, вин̃н̃а̄н̣ам̣ абхинивисса евам̣ дит̣т̣хи уппаджджати – ‘на ва̄та̄ ва̄йанти…пе… есикат̣т̣ха̄йит̣т̣хита̄’’’ти.

‘‘там̣ ким̣ ман̃н̃атха, бхиккхаве, рӯпам̣ ниччам̣ ва̄ аниччам̣ ва̄’’ти? ‘‘аниччам̣, бханте’’…пе… випарин̣а̄мадхаммам̣, апи ну там̣ анупа̄да̄йа евам̣ дит̣т̣хи уппаджджеййа – на ва̄та̄ ва̄йанти…пе… есикат̣т̣ха̄йит̣т̣хита̄’’ти? ‘‘но хетам̣, бханте’’. ‘‘ити кхо, бхиккхаве, дуккхе сати, дуккхам̣ упа̄да̄йа, дуккхам̣ абхинивисса евам̣ дит̣т̣хи уппаджджати – ‘на ва̄та̄ ва̄йанти…пе… есикат̣т̣ха̄йит̣т̣хита̄’’’ти. ‘‘ведана̄… сан̃н̃а̄… сан̇кха̄ра̄… вин̃н̃а̄н̣ам̣ ниччам̣ ва̄ аниччам̣ ва̄’’ти? ‘‘аниччам̣, бханте’’…пе… випарин̣а̄мадхаммам̣, апи ну там̣ анупа̄да̄йа евам̣ дит̣т̣хи уппаджджеййа ‘на ва̄та̄ ва̄йанти…пе… есикат̣т̣ха̄йит̣т̣хита̄’’’ти? ‘‘но хетам̣, бханте’’. ‘‘ити кхо, бхиккхаве, дуккхе сати, дуккхам̣ упа̄да̄йа, дуккхам̣ абхинивисса евам̣ дит̣т̣хи уппаджджеййа – ‘на ва̄та̄ ва̄йанти, на наджджо санданти, на габбхинийо виджа̄йанти, на чандимасӯрийа̄ уденти ва̄ апенти ва̄, есикат̣т̣ха̄йит̣т̣хита̄’’’ти. пат̣хамам̣.

225-240. (пуримавагге вийа ат̣т̣ха̄раса веййа̄каран̣а̄ни виттха̄ретабба̄нӣти.) саттарасамам̣.

18. невахотинанахотисуттам̣

241. са̄ваттхинида̄нам̣. ‘‘кисмим̣ ну кхо, бхиккхаве, сати, ким̣ упа̄да̄йа, ким̣ абхинивисса евам̣ дит̣т̣хи уппаджджати – ‘нева хоти на на хоти татха̄гато парам̣ маран̣а̄’’’ти? бхагавам̣мӯлака̄ но, бханте, дхамма̄…пе… ‘‘рӯпе кхо, бхиккхаве, сати, рӯпам̣ упа̄да̄йа, рӯпам̣ абхинивисса евам̣ дит̣т̣хи уппаджджати – ‘нева хоти, на на хоти татха̄гато парам̣ маран̣а̄’ти. ведана̄йа сати… сан̃н̃а̄йа сати… сан̇кха̄ресу сати… вин̃н̃а̄н̣е сати, вин̃н̃а̄н̣ам̣ упа̄да̄йа, вин̃н̃а̄н̣ам̣ абхинивисса евам̣ дит̣т̣хи уппаджджати – ‘нева хоти, на на хоти татха̄гато парам̣ маран̣а̄’’’ти.

‘‘там̣ ким̣ ман̃н̃атха, бхиккхаве, рӯпам̣ ниччам̣ ва̄ аниччам̣ ва̄’’ти? ‘‘аниччам̣, бханте’’…пе… випарин̣а̄мадхаммам̣, апи ну там̣ анупа̄да̄йа евам̣ дит̣т̣хи уппаджджеййа – ‘нева хоти, на на хоти татха̄гато парам̣ маран̣а̄’’’ти? ‘‘но хетам̣, бханте’’. ‘‘ити кхо, бхиккхаве, дуккхе сати, дуккхам̣ упа̄да̄йа, дуккхам̣ абхинивисса евам̣ дит̣т̣хи уппаджджати – ‘нева хоти, на на хоти татха̄гато парам̣ маран̣а̄’’’ти. ‘‘ведана̄… сан̃н̃а̄ … сан̇кха̄ра̄… вин̃н̃а̄н̣ам̣ ниччам̣ ва̄ аниччам̣ ва̄’’ти? ‘‘аниччам̣, бханте’’…пе… випарин̣а̄мадхаммам̣, апи ну там̣ анупа̄да̄йа евам̣ дит̣т̣хи уппаджджеййа – ‘нева хоти, на на хоти татха̄гато парам̣ маран̣а̄’’’ти? ‘‘но хетам̣, бханте’’. ‘‘ити кхо, бхиккхаве, дуккхе сати, дуккхам̣ упа̄да̄йа дуккхам̣ абхинивисса евам̣ дит̣т̣хи уппаджджати – ‘нева хоти, на на хоти татха̄гато парам̣ маран̣а̄’’’ти. ат̣т̣ха̄расамам̣.

19. рӯпӣатта̄суттам̣

242. са̄ваттхинида̄нам̣. ‘‘кисмим̣ ну кхо, бхиккхаве, сати, ким̣ упа̄да̄йа, ким̣ абхинивисса евам̣ дит̣т̣хи уппаджджати – ‘рӯпӣ атта̄ хоти, арого парам̣ маран̣а̄’’’ти? бхагавам̣мӯлака̄ но, бханте, дхамма̄…пе… ‘‘рӯпе кхо, бхиккхаве, сати, рӯпам̣ упа̄да̄йа, рӯпам̣ абхинивисса евам̣ дит̣т̣хи уппаджджати – ‘рӯпӣ атта̄ хоти, арого парам̣ маран̣а̄’ти. ведана̄йа сати…пе… сан̃н̃а̄йа сати… сан̇кха̄ресу сати… вин̃н̃а̄н̣е сати, вин̃н̃а̄н̣ам̣ упа̄да̄йа, вин̃н̃а̄н̣ам̣ абхинивисса евам̣ дит̣т̣хи уппаджджати – ‘рӯпӣ атта̄ хоти, арого парам̣ маран̣а̄’’’ти.

‘‘там̣ ким̣ ман̃н̃атха, бхиккхаве, рӯпам̣ ниччам̣ ва̄ аниччам̣ ва̄’’ти? ‘‘аниччам̣, бханте’’…пе… випарин̣а̄мадхаммам̣, апи ну там̣ анупа̄да̄йа евам̣ дит̣т̣хи уппаджджеййа – ‘рӯпӣ атта̄ хоти, арого парам̣ маран̣а̄’’’ти? ‘‘но хетам̣, бханте’’. ‘‘ити кхо, бхиккхаве, дуккхе сати, дуккхам̣ упа̄да̄йа, дуккхам̣ абхинивисса евам̣ дит̣т̣хи уппаджджати – ‘рӯпӣ атта̄ хоти, арого парам̣ маран̣а̄’’’ти? ‘‘ведана̄…пе… ‘‘но хетам̣, бханте’’. ‘‘ити кхо, бхиккхаве, дуккхе сати, дуккхам̣ упа̄да̄йа, дуккхам̣ абхинивисса евам̣ дит̣т̣хи уппаджджати – ‘рӯпӣ атта̄ хоти, арого парам̣ маран̣а̄’’’ти. екӯнавӣсатимам̣.

20. арӯпӣатта̄суттам̣

243. са̄ваттхинида̄нам̣. ‘‘кисмим̣ ну кхо, бхиккхаве, сати, ким̣ упа̄да̄йа, ким̣ абхинивисса евам̣ дит̣т̣хи уппаджджати – ‘арӯпӣ атта̄ хоти арого парам̣ маран̣а̄’’’ти? (пеййа̄ло) вӣсатимам̣.

21. рӯпӣчаарӯпӣчаатта̄суттам̣

244. са̄ваттхинида̄нам̣. ‘‘рӯпӣ ча арӯпӣ ча атта̄ хоти арого парам̣ маран̣а̄’’ти…пе…. екавӣсатимам̣.

22. неварӯпӣна̄рӯпӣатта̄суттам̣

245. ‘‘нева рӯпӣ на̄рӯпӣ атта̄ хоти арого парам̣ маран̣а̄’’ти…пе…. ба̄вӣсатимам̣.

23. екантасукхӣсуттам̣

246. ‘‘екантасукхӣ атта̄ хоти арого парам̣ маран̣а̄’’ти…пе…. тевӣсатимам̣.

24. екантадуккхӣсуттам̣

247. ‘‘екантадуккхӣ атта̄ хоти арого парам̣ маран̣а̄’’ти…пе…. чатувӣсатимам̣.

25. сукхадуккхӣсуттам̣

248. ‘‘сукхадуккхӣ атта̄ хоти арого парам̣ маран̣а̄’’ти…пе…. пан̃чавӣсатимам̣.

26. адуккхамасукхӣсуттам̣

249. ‘‘адуккхамасукхӣ атта̄ хоти арого парам̣ маран̣а̄’’ти? бхагавам̣мӯлака̄ но, бханте, дхамма̄…пе… ‘‘рӯпе кхо, бхиккхаве, сати, рӯпам̣ упа̄да̄йа, рӯпам̣ абхинивисса евам̣ дит̣т̣хи уппаджджати – ‘адуккхамасукхӣ атта̄ хоти арого парам̣ маран̣а̄’ти. ведана̄йа сати… сан̃н̃а̄йа сати… сан̇кха̄ресу сати… вин̃н̃а̄н̣е сати, вин̃н̃а̄н̣ам̣ упа̄да̄йа, вин̃н̃а̄н̣ам̣ абхинивисса евам̣ дит̣т̣хи уппаджджати – ‘адуккхамасукхӣ атта̄ хоти арого парам̣ маран̣а̄’’’ти.

‘‘там̣ ким̣ ман̃н̃атха, бхиккхаве, рӯпам̣ ниччам̣ ва̄ аниччам̣ ва̄’’ти? ‘‘аниччам̣, бханте’’…пе… випарин̣а̄мадхаммам̣, апи ну там̣ анупа̄да̄йа евам̣ дит̣т̣хи уппаджджеййа – ‘адуккхамасукхӣ атта̄ хоти арого парам̣ маран̣а̄’’’ти? ‘‘но хетам̣, бханте’’. ‘‘ити кхо, бхиккхаве, дуккхе сати, дуккхам̣ упа̄да̄йа, дуккхам̣ абхинивисса евам̣ дит̣т̣хи уппаджджати – ‘адуккхамасукхӣ атта̄ хоти арого парам̣ маран̣а̄’’’ти. ‘‘ведана̄… сан̃н̃а̄… сан̇кха̄ра̄… вин̃н̃а̄н̣ам̣ ниччам̣ ва̄ аниччам̣ ва̄’’ти? ‘‘аниччам̣, бханте’’…пе… випарин̣а̄мадхаммам̣, апи ну там̣ анупа̄да̄йа евам̣ дит̣т̣хи уппаджджеййа – ‘адуккхамасукхӣ атта̄ хоти арого парам̣ маран̣а̄’’’ти? ‘‘но хетам̣, бханте’’. ‘‘ити кхо, бхиккхаве, дуккхе сати, дуккхам̣ упа̄да̄йа, дуккхам̣ абхинивисса евам̣ дит̣т̣хи уппаджджати – ‘адуккхамасукхӣ атта̄ хоти арого парам̣ маран̣а̄’’’ти. чхаббӣсатимам̣.

дутийапеййа̄ло.

тассудда̄нам̣ –

ва̄там̣ етам̣ мама со, атта̄ но ча ме сийа̄;

наттхи карото хету ча, маха̄дит̣т̣хена ат̣т̣хамам̣.

сассато асассато чева, анта̄нантава̄ ча вуччати;

там̣ джӣвам̣ ан̃н̃ам̣ джӣван̃ча, татха̄гатена чатта̄ро.

рӯпӣ атта̄ хоти, арӯпӣ ча атта̄ хоти;

рӯпӣ ча арӯпӣ ча атта̄ хоти;

нева рӯпӣ на̄рӯпӣ атта̄ хоти, екантасукхӣ атта̄ хоти.

екантадуккхӣ атта̄ хоти, сукхадуккхӣ атта̄ хоти;

адуккхамасукхӣ атта̄ хоти, арого парам̣ маран̣а̄ти;

име чхаббӣсати сутта̄, дутийава̄рена десита̄.