13. джха̄насам̣йуттам̣

1. сама̄дхимӯлакасама̄паттисуттам̣

662. са̄ваттхинида̄нам̣. ‘‘чатта̄роме, бхиккхаве, джха̄йӣ. катаме чатта̄ро? идха, бхиккхаве, екаччо джха̄йӣ сама̄дхисмим̣ сама̄дхикусало хоти, на сама̄дхисмим̣ сама̄паттикусало. идха пана, бхиккхаве, екаччо джха̄йӣ сама̄дхисмим̣ сама̄паттикусало хоти, на сама̄дхисмим̣ сама̄дхикусало. идха пана, бхиккхаве, екаччо джха̄йӣ нева сама̄дхисмим̣ сама̄дхикусало хоти, на ча сама̄дхисмим̣ сама̄паттикусало. идха пана, бхиккхаве, екаччо джха̄йӣ сама̄дхисмим̣ сама̄дхикусало ча хоти, сама̄дхисмим̣ сама̄паттикусало ча. татра, бхиккхаве, йва̄йам̣ джха̄йӣ сама̄дхисмим̣ сама̄дхикусало ча хоти сама̄дхисмим̣ сама̄паттикусало ча айам̣ имесам̣ чатуннам̣ джха̄йӣнам̣ агго ча сет̣т̣хо ча моккхо [па̄моккхо (сйа̄. кам̣.) евамупарипи] ча уттамо ча паваро ча. сеййатха̄пи, бхиккхаве, гава̄ кхӣрам̣, кхӣрамха̄ дадхи, дадхимха̄ наванӣтам̣, наванӣтамха̄ саппи, саппимха̄ саппиман̣д̣о татра аггамаккха̄йати; евамева кхо, бхиккхаве, йва̄йам̣ джха̄йӣ сама̄дхисмим̣ сама̄дхикусало ча хоти сама̄дхисмим̣ сама̄паттикусало ча айам̣ имесам̣ чатуннам̣ джха̄йӣнам̣ агго ча сет̣т̣хо ча моккхо ча уттамо ча паваро ча̄’’ти. пат̣хамам̣.

2. сама̄дхимӯлакат̣хитисуттам̣

663. са̄ваттхинида̄нам̣. ‘‘чатта̄роме, бхиккхаве, джха̄йӣ. катаме чатта̄ро? идха, бхиккхаве, екаччо джха̄йӣ сама̄дхисмим̣ сама̄дхикусало хоти, на сама̄дхисмим̣ т̣хитикусало. идха пана, бхиккхаве, екаччо джха̄йӣ сама̄дхисмим̣ т̣хитикусало хоти, на сама̄дхисмим̣ сама̄дхикусало. идха пана, бхиккхаве, екаччо джха̄йӣ нева сама̄дхисмим̣ сама̄дхикусало хоти, на ча сама̄дхисмим̣ т̣хитикусало. идха пана, бхиккхаве, екаччо джха̄йӣ сама̄дхисмим̣ сама̄дхикусало ча хоти, сама̄дхисмим̣ т̣хитикусало ча. татра, бхиккхаве, йва̄йам̣ джха̄йӣ сама̄дхисмим̣ сама̄дхикусало ча хоти сама̄дхисмим̣ т̣хитикусало ча айам̣ имесам̣ чатуннам̣ джха̄йӣнам̣ агго ча сет̣т̣хо ча моккхо ча уттамо ча паваро ча. сеййатха̄пи, бхиккхаве, гава̄ кхӣрам̣, кхӣрамха̄ дадхи, дадхимха̄ наванӣтам̣, наванӣтамха̄ саппи, саппимха̄ саппиман̣д̣о татра аггамаккха̄йати; евамева кхо, бхиккхаве, йва̄йам̣ джха̄йӣ сама̄дхисмим̣ сама̄дхикусало ча хоти сама̄дхисмим̣ т̣хитикусало ча айам̣ имесам̣ чатуннам̣ джха̄йӣнам̣ агго ча сет̣т̣хо ча моккхо ча уттамо ча паваро ча̄’’ти. дутийам̣.

3. сама̄дхимӯлакавут̣т̣ха̄насуттам̣

664. са̄ваттхинида̄нам̣. ‘‘чатта̄роме, бхиккхаве, джха̄йӣ. катаме чатта̄ро? идха, бхиккхаве, екаччо джха̄йӣ сама̄дхисмим̣ сама̄дхикусало хоти, на сама̄дхисмим̣ вут̣т̣ха̄накусало. идха пана, бхиккхаве, екаччо джха̄йӣ сама̄дхисмим̣ вут̣т̣ха̄накусало хоти, на сама̄дхисмим̣ сама̄дхикусало. идха пана, бхиккхаве, екаччо джха̄йӣ нева сама̄дхисмим̣ сама̄дхикусало хоти, на ча сама̄дхисмим̣ вут̣т̣ха̄накусало. идха пана, бхиккхаве, екаччо джха̄йӣ сама̄дхисмим̣ сама̄дхикусало ча хоти, сама̄дхисмим̣ вут̣т̣ха̄накусало ча. татра, бхиккхаве, йва̄йам̣ джха̄йӣ сама̄дхисмим̣ сама̄дхикусало ча хоти сама̄дхисмим̣ вут̣т̣ха̄накусало ча айам̣ имесам̣ чатуннам̣ джха̄йӣнам̣ агго ча сет̣т̣хо ча моккхо ча уттамо ча паваро ча. сеййатха̄пи, бхиккхаве, гава̄ кхӣрам̣…пе… паваро ча̄’’ти. татийам̣.

4. сама̄дхимӯлакакаллитасуттам̣

665. са̄ваттхинида̄нам̣. ‘‘чатта̄роме, бхиккхаве, джха̄йӣ. катаме чатта̄ро? идха, бхиккхаве, екаччо джха̄йӣ сама̄дхисмим̣ сама̄дхикусало хоти, на сама̄дхисмим̣ каллитакусало. идха пана, бхиккхаве, екаччо джха̄йӣ сама̄дхисмим̣ каллитакусало хоти, на сама̄дхисмим̣ сама̄дхикусало. идха пана, бхиккхаве, екаччо джха̄йӣ нева сама̄дхисмим̣ сама̄дхикусало хоти, на ча сама̄дхисмим̣ каллитакусало. идха пана, бхиккхаве, екаччо джха̄йӣ сама̄дхисмим̣ сама̄дхикусало ча хоти, сама̄дхисмим̣ каллитакусало ча. татра, бхиккхаве, йва̄йам̣ джха̄йӣ сама̄дхисмим̣ сама̄дхикусало ча хоти сама̄дхисмим̣ каллитакусало ча айам̣ имесам̣ чатуннам̣ джха̄йӣнам̣ агго ча сет̣т̣хо ча моккхо ча уттамо ча паваро ча. сеййатха̄пи, бхиккхаве, гава̄ кхӣрам̣…пе… паваро ча̄’’ти. чатуттхам̣.

5. сама̄дхимӯлакаа̄рамман̣асуттам̣

666. са̄ваттхинида̄нам̣. ‘‘чатта̄роме, бхиккхаве, джха̄йӣ. катаме чатта̄ро? идха, бхиккхаве, екаччо джха̄йӣ сама̄дхисмим̣ сама̄дхикусало хоти, на сама̄дхисмим̣ а̄рамман̣акусало. идха пана, бхиккхаве, екаччо джха̄йӣ сама̄дхисмим̣ а̄рамман̣акусало хоти, на сама̄дхисмим̣ сама̄дхикусало. идха пана, бхиккхаве, екаччо джха̄йӣ нева сама̄дхисмим̣ сама̄дхикусало хоти, на ча сама̄дхисмим̣ а̄рамман̣акусало. идха пана, бхиккхаве, екаччо джха̄йӣ сама̄дхисмим̣ сама̄дхикусало ча хоти, сама̄дхисмим̣ а̄рамман̣акусало ча. татра, бхиккхаве, йва̄йам̣ джха̄йӣ сама̄дхисмим̣ сама̄дхикусало ча хоти сама̄дхисмим̣ а̄рамман̣акусало ча айам̣ имесам̣ чатуннам̣ джха̄йӣнам̣ агго ча сет̣т̣хо ча моккхо ча уттамо ча паваро ча. сеййатха̄пи, бхиккхаве, гава̄ кхӣрам̣…пе… паваро ча̄’’ти. пан̃чамам̣.

6. сама̄дхимӯлакагочарасуттам̣

667. са̄ваттхинида̄нам̣. ‘‘чатта̄роме, бхиккхаве, джха̄йӣ. катаме чатта̄ро? идха, бхиккхаве, екаччо джха̄йӣ сама̄дхисмим̣ сама̄дхикусало хоти, на сама̄дхисмим̣ гочаракусало. идха пана, бхиккхаве, екаччо джха̄йӣ сама̄дхисмим̣ гочаракусало хоти, на сама̄дхисмим̣ сама̄дхикусало. идха пана, бхиккхаве, екаччо джха̄йӣ нева сама̄дхисмим̣ сама̄дхикусало хоти, на ча сама̄дхисмим̣ гочаракусало. идха пана, бхиккхаве, екаччо джха̄йӣ сама̄дхисмим̣ сама̄дхикусало ча хоти, сама̄дхисмим̣ гочаракусало ча. татра, бхиккхаве, йва̄йам̣ джха̄йӣ сама̄дхисмим̣ сама̄дхикусало ча хоти сама̄дхисмим̣ гочаракусало ча айам̣ имесам̣ чатуннам̣ джха̄йӣнам̣ агго ча сет̣т̣хо ча моккхо ча уттамо ча паваро ча. сеййатха̄пи, бхиккхаве, гава̄ кхӣрам̣…пе… паваро ча̄’’ти. чхат̣т̣хам̣.

7. сама̄дхимӯлакаабхинӣха̄расуттам̣

668. са̄ваттхинида̄нам̣. ‘‘чатта̄роме, бхиккхаве, джха̄йӣ. катаме чатта̄ро? идха, бхиккхаве, екаччо джха̄йӣ сама̄дхисмим̣ сама̄дхикусало хоти, на сама̄дхисмим̣ абхинӣха̄ракусало. идха пана, бхиккхаве, екаччо джха̄йӣ сама̄дхисмим̣ абхинӣха̄ракусало хоти, на сама̄дхисмим̣ сама̄дхикусало. идха пана, бхиккхаве, екаччо джха̄йӣ нева сама̄дхисмим̣ сама̄дхикусало хоти, на ча сама̄дхисмим̣ абхинӣха̄ракусало. идха пана, бхиккхаве, екаччо джха̄йӣ сама̄дхисмим̣ сама̄дхикусало ча хоти, сама̄дхисмим̣ абхинӣха̄ракусало ча. татра, бхиккхаве, йва̄йам̣ джха̄йӣ сама̄дхисмим̣ сама̄дхикусало ча хоти сама̄дхисмим̣ абхинӣха̄ракусало ча айам̣ имесам̣ чатуннам̣ джха̄йӣнам̣ агго ча сет̣т̣хо ча моккхо ча уттамо ча паваро ча. сеййатха̄пи, бхиккхаве, гава̄ кхӣрам̣…пе… паваро ча̄’’ти. саттамам̣.

8. сама̄дхимӯлакасаккаччака̄рӣсуттам̣

669. са̄ваттхинида̄нам̣. ‘‘чатта̄роме, бхиккхаве, джха̄йӣ. катаме чатта̄ро? идха, бхиккхаве, екаччо джха̄йӣ сама̄дхисмим̣ сама̄дхикусало хоти, на сама̄дхисмим̣ саккаччака̄рӣ. идха пана, бхиккхаве, екаччо джха̄йӣ сама̄дхисмим̣ саккаччака̄рӣ хоти, на сама̄дхисмим̣ сама̄дхикусало. идха пана, бхиккхаве, екаччо джха̄йӣ нева сама̄дхисмим̣ сама̄дхикусало хоти, на ча сама̄дхисмим̣ саккаччака̄рӣ. идха пана, бхиккхаве, екаччо джха̄йӣ сама̄дхисмим̣ сама̄дхикусало ча хоти, сама̄дхисмим̣ саккаччака̄рӣ ча. татра, бхиккхаве, йва̄йам̣ джха̄йӣ сама̄дхисмим̣ сама̄дхикусало ча хоти сама̄дхисмим̣ саккаччака̄рӣ ча айам̣ имесам̣ чатуннам̣ джха̄йӣнам̣ агго ча сет̣т̣хо ча моккхо ча уттамо ча паваро ча. сеййатха̄пи, бхиккхаве, гава̄ кхӣрам̣…пе… паваро ча̄’’ти. ат̣т̣хамам̣.

9. сама̄дхимӯлакаса̄таччака̄рӣсуттам̣

670. са̄ваттхинида̄нам̣. ‘‘чатта̄роме, бхиккхаве, джха̄йӣ. катаме чатта̄ро? идха, бхиккхаве, екаччо джха̄йӣ сама̄дхисмим̣ сама̄дхикусало хоти, на сама̄дхисмим̣ са̄таччака̄рӣ. идха пана, бхиккхаве, екаччо джха̄йӣ сама̄дхисмим̣ са̄таччака̄рӣ хоти, на сама̄дхисмим̣ сама̄дхикусало. идха пана, бхиккхаве, екаччо джха̄йӣ нева сама̄дхисмим̣ сама̄дхикусало хоти, на ча сама̄дхисмим̣ са̄таччака̄рӣ. идха пана, бхиккхаве, екаччо джха̄йӣ сама̄дхисмим̣ сама̄дхикусало ча хоти, сама̄дхисмим̣ са̄таччака̄рӣ ча. татра, бхиккхаве, йва̄йам̣ джха̄йӣ сама̄дхисмим̣ сама̄дхикусало ча хоти, сама̄дхисмим̣ са̄таччака̄рӣ ча айам̣ имесам̣ чатуннам̣ джха̄йӣнам̣ агго ча сет̣т̣хо ча моккхо ча уттамо ча паваро ча. сеййатха̄пи, бхиккхаве, гава̄ кхӣрам̣…пе… паваро ча̄’’ти. навамам̣.

10. сама̄дхимӯлакасаппа̄йака̄рӣсуттам̣

671. са̄ваттхинида̄нам̣. ‘‘чатта̄роме, бхиккхаве, джха̄йӣ. катаме чатта̄ро? идха, бхиккхаве, екаччо джха̄йӣ сама̄дхисмим̣ сама̄дхикусало хоти, на сама̄дхисмим̣ саппа̄йака̄рӣ. идха пана, бхиккхаве, екаччо джха̄йӣ сама̄дхисмим̣ саппа̄йака̄рӣ хоти, на сама̄дхисмим̣ сама̄дхикусало. идха пана, бхиккхаве, екаччо джха̄йӣ нева сама̄дхисмим̣ сама̄дхикусало хоти, на ча сама̄дхисмим̣ саппа̄йака̄рӣ. идха пана, бхиккхаве, екаччо джха̄йӣ сама̄дхисмим̣ сама̄дхикусало ча хоти, сама̄дхисмим̣ саппа̄йака̄рӣ ча. татра, бхиккхаве, йва̄йам̣ джха̄йӣ сама̄дхисмим̣ сама̄дхикусало ча хоти сама̄дхисмим̣ саппа̄йака̄рӣ ча айам̣ имесам̣ чатуннам̣ джха̄йӣнам̣ агго ча сет̣т̣хо ча моккхо ча уттамо ча паваро ча. сеййатха̄пи, бхиккхаве, гава̄ кхӣрам̣…пе… паваро ча̄’’ти. дасамам̣. (сама̄дхимӯлакам̣.)

11. сама̄паттимӯлакат̣хитисуттам̣

672. са̄ваттхинида̄нам̣. ‘‘чатта̄роме, бхиккхаве, джха̄йӣ. катаме чатта̄ро? идха, бхиккхаве, екаччо джха̄йӣ сама̄дхисмим̣ сама̄паттикусало хоти, на сама̄дхисмим̣ т̣хитикусало. идха пана, бхиккхаве, екаччо джха̄йӣ сама̄дхисмим̣ т̣хитикусало хоти, на сама̄дхисмим̣ сама̄паттикусало. идха пана, бхиккхаве, екаччо джха̄йӣ нева сама̄дхисмим̣ сама̄паттикусало хоти, на ча сама̄дхисмим̣ т̣хитикусало. идха пана, бхиккхаве, екаччо джха̄йӣ сама̄дхисмим̣ сама̄паттикусало ча хоти, сама̄дхисмим̣ т̣хитикусало ча. татра, бхиккхаве, йва̄йам̣ джха̄йӣ сама̄дхисмим̣ сама̄паттикусало ча хоти, сама̄дхисмим̣ т̣хитикусало ча айам̣ имесам̣ чатуннам̣ джха̄йӣнам̣ агго ча сет̣т̣хо ча моккхо ча уттамо ча паваро ча. сеййатха̄пи, бхиккхаве, гава̄ кхӣрам̣…пе… паваро ча̄’’ти. ека̄дасамам̣.

12. сама̄паттимӯлакавут̣т̣ха̄насуттам̣

673. са̄ваттхинида̄нам̣. ‘‘чатта̄роме, бхиккхаве, джха̄йӣ. катаме чатта̄ро? идха, бхиккхаве, екаччо джха̄йӣ сама̄дхисмим̣ сама̄паттикусало хоти, на сама̄дхисмим̣ вут̣т̣ха̄накусало. идха пана, бхиккхаве, екаччо джха̄йӣ сама̄дхисмим̣ вут̣т̣ха̄накусало хоти, на сама̄дхисмим̣ сама̄паттикусало. идха пана, бхиккхаве, екаччо джха̄йӣ нева сама̄дхисмим̣ сама̄паттикусало хоти, на ча сама̄дхисмим̣ вут̣т̣ха̄накусало. идха пана, бхиккхаве, екаччо джха̄йӣ сама̄дхисмим̣ сама̄паттикусало ча хоти, сама̄дхисмим̣ вут̣т̣ха̄накусало ча. татра, бхиккхаве, йва̄йам̣ джха̄йӣ …пе… паваро ча̄’’ти. два̄дасамам̣.

13. сама̄паттимӯлакакаллитасуттам̣

674. са̄ваттхинида̄нам̣. ‘‘чатта̄роме, бхиккхаве, джха̄йӣ. катаме чатта̄ро? идха, бхиккхаве, екаччо джха̄йӣ сама̄дхисмим̣ сама̄паттикусало хоти, на сама̄дхисмим̣ каллитакусало. идха пана, бхиккхаве, екаччо джха̄йӣ сама̄дхисмим̣ каллитакусало хоти, на сама̄дхисмим̣ сама̄паттикусало. идха пана, бхиккхаве, екаччо джха̄йӣ нева сама̄дхисмим̣ сама̄паттикусало хоти, на ча сама̄дхисмим̣ каллитакусало. идха пана, бхиккхаве, екаччо джха̄йӣ сама̄дхисмим̣ сама̄паттикусало ча хоти, сама̄дхисмим̣ каллитакусало ча. татра…пе… паваро ча̄’’ти. терасамам̣.

14. сама̄паттимӯлакаа̄рамман̣асуттам̣

675. са̄ваттхинида̄нам̣. ‘‘чатта̄роме, бхиккхаве, джха̄йӣ. катаме чатта̄ро? идха, бхиккхаве, екаччо джха̄йӣ сама̄дхисмим̣ сама̄паттикусало хоти, на сама̄дхисмим̣ а̄рамман̣акусало. идха пана, бхиккхаве, екаччо джха̄йӣ сама̄дхисмим̣ а̄рамман̣акусало хоти, на сама̄дхисмим̣ сама̄паттикусало. идха пана, бхиккхаве, екаччо джха̄йӣ нева сама̄дхисмим̣ сама̄паттикусало хоти, на ча сама̄дхисмим̣ а̄рамман̣акусало. идха пана, бхиккхаве, екаччо джха̄йӣ сама̄дхисмим̣ сама̄паттикусало ча хоти, сама̄дхисмим̣ а̄рамман̣акусало ча. татра…пе… паваро ча̄’’ти. чуддасамам̣.

15. сама̄паттимӯлакагочарасуттам̣

676. са̄ваттхинида̄нам̣. ‘‘чатта̄роме, бхиккхаве, джха̄йӣ. катаме чатта̄ро? идха, бхиккхаве, екаччо джха̄йӣ сама̄дхисмим̣ сама̄паттикусало хоти, на сама̄дхисмим̣ гочаракусало. идха пана, бхиккхаве, екаччо джха̄йӣ сама̄дхисмим̣ гочаракусало хоти, на сама̄дхисмим̣ сама̄паттикусало. идха пана, бхиккхаве, екаччо джха̄йӣ нева сама̄дхисмим̣ сама̄паттикусало хоти, на ча сама̄дхисмим̣ гочаракусало. идха пана, бхиккхаве, екаччо джха̄йӣ сама̄дхисмим̣ сама̄паттикусало ча хоти, сама̄дхисмим̣ гочаракусало ча. татра…пе… паваро ча̄’’ти. паннарасамам̣.

16. сама̄паттимӯлакаабхинӣха̄расуттам̣

677. са̄ваттхинида̄нам̣. ‘‘чатта̄роме, бхиккхаве, джха̄йӣ. катаме чатта̄ро? идха, бхиккхаве, екаччо джха̄йӣ сама̄дхисмим̣ сама̄паттикусало хоти, на сама̄дхисмим̣ абхинӣха̄ракусало. идха пана, бхиккхаве, екаччо джха̄йӣ сама̄дхисмим̣ абхинӣха̄ракусало хоти, на сама̄дхисмим̣ сама̄паттикусало. идха пана, бхиккхаве, екаччо джха̄йӣ нева сама̄дхисмим̣ сама̄паттикусало хоти, на ча сама̄дхисмим̣ абхинӣха̄ракусало. идха пана, бхиккхаве, екаччо джха̄йӣ сама̄дхисмим̣ сама̄паттикусало ча хоти, сама̄дхисмим̣ абхинӣха̄ракусало ча. татра…пе… паваро ча̄’’ти. сол̣асамам̣.

17. сама̄паттимӯлакасаккаччасуттам̣

678. са̄ваттхинида̄нам̣. ‘‘чатта̄роме, бхиккхаве, джха̄йӣ. катаме чатта̄ро? идха, бхиккхаве, екаччо джха̄йӣ сама̄дхисмим̣ сама̄паттикусало хоти, на сама̄дхисмим̣ саккаччака̄рӣ. идха пана, бхиккхаве, екаччо джха̄йӣ сама̄дхисмим̣ саккаччака̄рӣ хоти, на сама̄дхисмим̣ сама̄паттикусало. идха пана, бхиккхаве, екаччо джха̄йӣ нева сама̄дхисмим̣ сама̄паттикусало хоти, на ча сама̄дхисмим̣ саккаччака̄рӣ. идха пана, бхиккхаве, екаччо джха̄йӣ сама̄дхисмим̣ сама̄паттикусало ча хоти, сама̄дхисмим̣ саккаччака̄рӣ ча. татра…пе… паваро ча̄’’ти. саттарасамам̣.

18. сама̄паттимӯлакаса̄таччасуттам̣

679. са̄ваттхинида̄нам̣. ‘‘чатта̄роме, бхиккхаве, джха̄йӣ. катаме чатта̄ро? идха, бхиккхаве, екаччо джха̄йӣ сама̄дхисмим̣ сама̄паттикусало хоти, на сама̄дхисмим̣ са̄таччака̄рӣ. идха пана, бхиккхаве, екаччо джха̄йӣ сама̄дхисмим̣ са̄таччака̄рӣ хоти, на сама̄дхисмим̣ сама̄паттикусало. идха пана, бхиккхаве, екаччо джха̄йӣ нева сама̄дхисмим̣ сама̄паттикусало хоти, на ча сама̄дхисмим̣ са̄таччака̄рӣ. идха пана, бхиккхаве, екаччо джха̄йӣ сама̄дхисмим̣ сама̄паттикусало ча хоти, сама̄дхисмим̣ са̄таччака̄рӣ ча. татра…пе… паваро ча̄’’ти. ат̣т̣ха̄расамам̣.

19. сама̄паттимӯлакасаппа̄йака̄рӣсуттам̣

680. са̄ваттхинида̄нам̣. ‘‘чатта̄роме, бхиккхаве, джха̄йӣ. катаме чатта̄ро? идха, бхиккхаве, екаччо джха̄йӣ сама̄дхисмим̣ сама̄паттикусало хоти, на сама̄дхисмим̣ саппа̄йака̄рӣ. идха пана, бхиккхаве, екаччо джха̄йӣ сама̄дхисмим̣ саппа̄йака̄рӣ хоти, на сама̄дхисмим̣ сама̄паттикусало. идха пана, бхиккхаве, екаччо джха̄йӣ нева сама̄дхисмим̣ сама̄паттикусало хоти, на ча сама̄дхисмим̣ саппа̄йака̄рӣ. идха пана, бхиккхаве, екаччо джха̄йӣ сама̄дхисмим̣ сама̄паттикусало ча хоти, сама̄дхисмим̣ саппа̄йака̄рӣ ча. татра, бхиккхаве, йва̄йам̣ джха̄йӣ сама̄дхисмим̣ сама̄паттикусало ча хоти сама̄дхисмим̣ саппа̄йака̄рӣ ча айам̣ имесам̣ чатуннам̣ джха̄йӣнам̣ агго ча сет̣т̣хо ча моккхо ча уттамо ча паваро ча. сеййатха̄пи, бхиккхаве, гава̄ кхӣрам̣, кхӣрамха̄ дадхи, дадхимха̄ наванӣтам̣, наванӣтамха̄ саппи, саппимха̄ саппиман̣д̣о татра аггамаккха̄йати; евамева кхо, бхиккхаве, йва̄йам̣ джха̄йӣ сама̄дхисмим̣ сама̄паттикусало ча хоти сама̄дхисмим̣ саппа̄йака̄рӣ ча айам̣ имесам̣ чатуннам̣ джха̄йӣнам̣ агго ча сет̣т̣хо ча моккхо ча уттамо ча паваро ча̄’’ти. екӯнавӣсатимам̣. (сама̄паттимӯлакам̣.)

20-27. т̣хитимӯлакавут̣т̣ха̄насутта̄диат̣т̣хакам̣

681-688. са̄ваттхинида̄нам̣. ‘‘чатта̄роме, бхиккхаве, джха̄йӣ. катаме чатта̄ро? идха, бхиккхаве, екаччо джха̄йӣ сама̄дхисмим̣ т̣хитикусало хоти, на сама̄дхисмим̣ вут̣т̣ха̄накусало. идха пана, бхиккхаве, екаччо джха̄йӣ сама̄дхисмим̣ вут̣т̣ха̄накусало хоти, на сама̄дхисмим̣ т̣хитикусало. идха пана, бхиккхаве, екаччо джха̄йӣ нева сама̄дхисмим̣ т̣хитикусало хоти, на ча сама̄дхисмим̣ вут̣т̣ха̄накусало. идха пана, бхиккхаве, екаччо джха̄йӣ сама̄дхисмим̣ т̣хитикусало ча хоти, сама̄дхисмим̣ вут̣т̣ха̄накусало ча. татра, бхиккхаве, йва̄йам̣ джха̄йӣ…пе… уттамо ча паваро ча̄’’ти. вӣсатимам̣. (пуримамӯлака̄ни вийа йа̄ва саттавӣсатима̄ т̣хитимӯлакасаппа̄йака̄рӣсутта̄ ат̣т̣ха сутта̄ни пӯретабба̄ни. т̣хитимӯлакам̣.)

28-34. вут̣т̣ха̄намӯлакакаллитасутта̄дисаттакам̣

689-695. са̄ваттхинида̄нам̣. ‘‘чатта̄роме, бхиккхаве, джха̄йӣ. катаме чатта̄ро? идха, бхиккхаве, екаччо джха̄йӣ сама̄дхисмим̣ вут̣т̣ха̄накусало хоти, на сама̄дхисмим̣ каллитакусало… сама̄дхисмим̣ каллитакусало хоти, на сама̄дхисмим̣ вут̣т̣ха̄накусало… нева сама̄дхисмим̣ вут̣т̣ха̄накусало хоти, на ча сама̄дхисмим̣ каллитакусало… сама̄дхисмим̣ вут̣т̣ха̄накусало ча хоти сама̄дхисмим̣ каллитакусало ча. татра, бхиккхаве, йва̄йам̣ джха̄йӣ…пе… уттамо ча паваро ча̄’’ти. ат̣т̣хавӣсатимам̣. (пуримамӯлака̄ни вийа йа̄ва чатуттим̣сатима̄ вут̣т̣ха̄намӯлакасаппа̄йака̄рӣсутта̄ сатта сутта̄ни пӯретабба̄ни. вут̣т̣ха̄намӯлакам̣.)

35-40. каллитамӯлакаа̄рамман̣асутта̄дичхаккам̣

696-701. са̄ваттхинида̄нам̣ … ‘‘сама̄дхисмим̣ каллитакусало хоти, на сама̄дхисмим̣ а̄рамман̣акусало… сама̄дхисмим̣ а̄рамман̣акусало хоти, на сама̄дхисмим̣ каллитакусало… нева сама̄дхисмим̣ каллитакусало хоти, на ча сама̄дхисмим̣ а̄рамман̣акусало… сама̄дхисмим̣ каллитакусало ча хоти, сама̄дхисмим̣ а̄рамман̣акусало ча. татра, бхиккхаве, йва̄йам̣ джха̄йӣ…пе… уттамо ча паваро ча̄’’ти. пан̃чатим̣сатимам̣. (пуримамӯлака̄ни вийа йа̄ва чатта̄лӣсама̄ каллитамӯлакасаппа̄йака̄рӣсутта̄ чха сутта̄ни пӯретабба̄ни. каллитамӯлакам̣.)

41-45. а̄рамман̣амӯлакагочарасутта̄дипан̃чакам̣

702-706. са̄ваттхинида̄нам̣ … ‘‘сама̄дхисмим̣ а̄рамман̣акусало хоти, на сама̄дхисмим̣ гочаракусало… сама̄дхисмим̣ гочаракусало хоти, на сама̄дхисмим̣ а̄рамман̣акусало… нева сама̄дхисмим̣ а̄рамман̣акусало хоти, на ча сама̄дхисмим̣ гочаракусало… сама̄дхисмим̣ а̄рамман̣акусало ча хоти, сама̄дхисмим̣ гочаракусало ча. татра, бхиккхаве, йва̄йам̣ джха̄йӣ…пе… уттамо ча паваро ча̄’’ти. екачатта̄лӣсамам̣. (пуримамӯлака̄ни вийа йа̄ва пан̃чачатта̄лӣсама̄ а̄рамман̣амӯлакасаппа̄йака̄рӣсутта̄ пан̃ча сутта̄ни пӯретабба̄ни. а̄рамман̣амӯлакам̣.)

46-49. гочарамӯлакаабхинӣха̄расутта̄дичатуккам̣

707. са̄ваттхинида̄нам̣… ‘‘сама̄дхисмим̣ гочаракусало хоти, на сама̄дхисмим̣ абхинӣха̄ракусало… сама̄дхисмим̣ абхинӣха̄ракусало хоти, на сама̄дхисмим̣ гочаракусало… нева сама̄дхисмим̣ гочаракусало хоти, на ча сама̄дхисмим̣ абхинӣха̄ракусало… сама̄дхисмим̣ гочаракусало ча хоти, сама̄дхисмим̣ абхинӣха̄ракусало ча… сеййатха̄пи, бхиккхаве, гава̄ кхӣрам̣, кхӣрамха̄ дадхи, дадхимха̄ наванӣтам̣, наванӣтамха̄ саппи, саппимха̄ саппиман̣д̣о татра аггамаккха̄йати; евамева кхо, бхиккхаве, йва̄йам̣ джха̄йӣ сама̄дхисмим̣ гочаракусало ча хоти сама̄дхисмим̣ абхинӣха̄ракусало ча айам̣ имесам̣ чатуннам̣ джха̄йӣнам̣…пе… уттамо ча паваро ча̄’’ти. чхачатта̄лӣсамам̣.

708. сама̄дхисмим̣ гочаракусало хоти, на сама̄дхисмим̣ саккаччака̄рӣ…пе…. виттха̄ретаббам̣. саттачатта̄лӣсамам̣.

709. сама̄дхисмим̣ гочаракусало хоти, на сама̄дхисмим̣ са̄таччака̄рӣ…пе…. ат̣т̣хачатта̄лӣсамам̣.

710. сама̄дхисмим̣ гочаракусало хоти, на сама̄дхисмим̣ саппа̄йака̄рӣ…пе…. екӯнапан̃н̃а̄самам̣. (гочарамӯлакам̣.)

50-52. абхинӣха̄рамӯлакасаккаччасутта̄дитикам̣

711. са̄ваттхинида̄нам̣ … ‘‘сама̄дхисмим̣ абхинӣха̄ракусало хоти, на сама̄дхисмим̣ саккаччака̄рӣ… сама̄дхисмим̣ саккаччака̄рӣ хоти, на сама̄дхисмим̣ абхинӣха̄ракусало… нева сама̄дхисмим̣ абхинӣха̄ракусало хоти, на ча сама̄дхисмим̣ саккаччака̄рӣ… сама̄дхисмим̣ абхинӣха̄ракусало ча хоти, сама̄дхисмим̣ саккаччака̄рӣ ча. татра, бхиккхаве, йва̄йам̣ джха̄йӣ…пе… уттамо ча паваро ча̄’’ти. пан̃н̃а̄самам̣.

712. сама̄дхисмим̣ абхинӣха̄ракусало хоти, на сама̄дхисмим̣ са̄таччака̄рӣ…пе…. екапан̃н̃а̄самам̣.

713. сама̄дхисмим̣ абхинӣха̄ракусало хоти, на сама̄дхисмим̣ саппа̄йака̄рӣ…пе…. двепан̃н̃а̄самам̣. (абхинӣха̄рамӯлакам̣.)

53-54. саккаччамӯлакаса̄таччака̄рӣсутта̄дидукам̣

714. са̄ваттхинида̄нам̣ … ‘‘сама̄дхисмим̣ саккаччака̄рӣ хоти, на сама̄дхисмим̣ са̄таччака̄рӣ… сама̄дхисмим̣ са̄таччака̄рӣ хоти, на сама̄дхисмим̣ саккаччака̄рӣ … нева сама̄дхисмим̣ саккаччака̄рӣ хоти, на ча сама̄дхисмим̣ са̄таччака̄рӣ… сама̄дхисмим̣ саккаччака̄рӣ ча хоти, сама̄дхисмим̣ са̄таччака̄рӣ ча. татра, бхиккхаве, йва̄йам̣…пе… уттамо ча паваро ча̄’’ти. тепан̃н̃а̄самам̣.

715. сама̄дхисмим̣ саккаччака̄рӣ хоти, на сама̄дхисмим̣ саппа̄йака̄рӣ…пе…. чатупан̃н̃а̄самам̣.

55. са̄таччамӯлакасаппа̄йака̄рӣсуттам̣

716. са̄ваттхинида̄нам̣. ‘‘чата̄роме, бхиккхаве, джха̄йӣ. катаме чатта̄ро? идха, бхиккхаве, екаччо джха̄йӣ сама̄дхисмим̣ са̄таччака̄рӣ хоти, на сама̄дхисмим̣ саппа̄йака̄рӣ. идха пана, бхиккхаве, екаччо джха̄йӣ сама̄дхисмим̣ саппа̄йака̄рӣ хоти, на сама̄дхисмим̣ са̄таччака̄рӣ. идха пана, бхиккхаве, екаччо джха̄йӣ нева сама̄дхисмим̣ са̄таччака̄рӣ хоти, на ча сама̄дхисмим̣ саппа̄йака̄рӣ. идха пана, бхиккхаве, екаччо джха̄йӣ сама̄дхисмим̣ са̄таччака̄рӣ ча хоти, сама̄дхисмим̣ саппа̄йака̄рӣ ча. татра, бхиккхаве, йва̄йам̣ джха̄йӣ сама̄дхисмим̣ са̄таччака̄рӣ ча хоти сама̄дхисмим̣ саппа̄йака̄рӣ ча айам̣ имесам̣ чатуннам̣ джха̄йӣнам̣ агго ча сет̣т̣хо ча моккхо ча уттамо ча паваро ча. сеййатха̄пи, бхиккхаве, гава̄ кхӣрам̣, кхӣрамха̄ дадхи, дадхимха̄ наванӣтам̣, наванӣтамха̄ саппи, саппимха̄ саппиман̣д̣о татра аггамаккха̄йати; евамева кхо, бхиккхаве, йва̄йам̣ джха̄йӣ сама̄дхисмим̣ са̄таччака̄рӣ ча хоти, сама̄дхисмим̣ саппа̄йака̄рӣ айам̣ имесам̣ чатуннам̣ джха̄йӣнам̣ агго ча сет̣т̣хо ча моккхо ча уттамо ча паваро ча̄’’ти. идамавоча бхагава̄. аттамана̄ те бхиккхӯ бхагавато бха̄ситам̣ абхинандунти. пан̃чапан̃н̃а̄самам̣. (йатха̄ пан̃чапан̃н̃а̄сам̣ веййа̄каран̣а̄ни хонти татха̄ виттха̄ретабба̄ни.)

джха̄насам̣йуттам̣ [сама̄дхисам̣йуттам̣ (сйа̄. кам̣.)] саматтам̣.