3. модакада̄йика̄тхерӣапада̄нам̣

30. ‘‘нагаре бандхуматийа̄, кумбхада̄сӣ ахосахам̣;

мама бха̄гам̣ гахетва̄на, гаччхам̣ удакаха̄рика̄ [удакаха̄рикам̣ (сӣ.), удакаха̄рике (сйа̄.)].

31. ‘‘пантхамхи саман̣ам̣ дисва̄, сантачиттам̣ сама̄хатам̣;

пасанначитта̄ сумана̄, модаке тӣн̣ида̄сахам̣.

32. ‘‘тена каммена сукатена, четана̄пан̣идхӣхи ча;

еканавутикаппа̄ни [екӯнатим̣сакаппа̄ни (сйа̄.)], винипа̄там̣ нагаччхахам̣.

33. ‘‘сампатти там̣ [сампаттин̃ча (сйа̄.), сампаттикам̣ (ка.)] каритва̄на, саббам̣ анубхавим̣ ахам̣;

модаке тӣн̣и датва̄на, патта̄хам̣ ачалам̣ падам̣.

34. ‘‘килеса̄ джха̄пита̄ майхам̣…пе… вихара̄ми ана̄сава̄.

35. ‘‘сва̄гатам̣ вата ме а̄си…пе… катам̣ буддхасса са̄санам̣.

36. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ модакада̄йика̄ бхиккхунӣ има̄ га̄тха̄йо абха̄ситтха̄ти.

модакада̄йика̄тхерийа̄пада̄нам̣ татийам̣.