3. ман̣д̣апада̄йика̄тхерӣапада̄нам̣

26. ‘‘кон̣а̄гаманабуддхасса, ман̣д̣апо ка̄рито майа̄;

дхувам̣ тичӣварам̣да̄сим̣ [тхӯпан̃ча паварамадам̣ (сйа̄.), дхуван̃ча чӣварам̣ адам̣ (пӣ.)], буддхасса локабандхуно.

27. ‘‘йам̣ йам̣ джанападам̣ йа̄ми, нигаме ра̄джадха̄нийо;

саббаттха пӯджито хоми, пун̃н̃акаммассидам̣ пхалам̣.

28. ‘‘килеса̄ джха̄пита̄ майхам̣…пе… вихара̄ми ана̄сава̄.

29. ‘‘сва̄гатам̣ вата ме а̄си…пе… катам̣ буддхасса са̄санам̣.

30. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ ман̣д̣апада̄йика̄ бхиккхунӣ има̄ га̄тха̄йо абха̄ситтха̄ти.

ман̣д̣апада̄йика̄тхерийа̄пада̄нам̣ татийам̣.