2. текиччхака̄риттхерага̄тха̄

381. ‘‘атихита̄ вӣхи, кхалагата̄ са̄лӣ;

на ча лабхе пин̣д̣ам̣, катхамахам̣ кассам̣.

382. ‘‘буддхамаппамеййам̣ ануссара пасанно;

пӣтийа̄ пхут̣асарӣро хохиси сататамудагго.

383. ‘‘дхаммамаппамеййам̣ ануссара пасанно;

пӣтийа̄ пхут̣асарӣро хохиси сататамудагго.

384. ‘‘сан̇гхамаппамеййам̣ ануссара пасанно;

пӣтийа̄ пхут̣асарӣро хохиси сататамудагго.

385. ‘‘аббхока̄се вихараси, сӣта̄ хемантика̄ има̄ ратйо;

ма̄ сӣтена парето вихан̃н̃иттхо, пависа твам̣ виха̄рам̣ пхуситаггал̣ам̣.

386. ‘‘пхусиссам̣ чатассо аппаман̃н̃а̄йо, та̄хи ча сукхито вихариссам̣;

на̄хам̣ сӣтена вихан̃н̃иссам̣, анин̃джито вихаранто’’ти.

… текиччхака̄рӣ [текиччхака̄ни (сӣ. сйа̄. пӣ.)] тхеро….