10. суманаттхерага̄тха̄

429. ‘‘йада̄ наво паббаджито, джа̄тийа̄ саттавассико;

иддхийа̄ абхибхотва̄на, паннагиндам̣ махиддхикам̣.

430. ‘‘упаджджха̄йасса удакам̣, анотатта̄ маха̄сара̄;

а̄хара̄ми тато дисва̄, мам̣ саттха̄ етадабрави’’.

431. ‘‘са̄рипутта имам̣ пасса, а̄гаччхантам̣ кума̄ракам̣;

удакакумбхама̄да̄йа, аджджхаттам̣ сусама̄хитам̣.

432. ‘‘па̄са̄дикена ваттена, калйа̄н̣аирийа̄патхо;

са̄ман̣еронуруддхасса, иддхийа̄ ча виса̄радо.

433. ‘‘а̄джа̄нӣйена а̄джан̃н̃о, са̄дхуна̄ са̄дхука̄рито;

винӣто ануруддхена, катакиччена сиккхито.

434. ‘‘со патва̄ парамам̣ сантим̣, саччхикатва̄ акуппатам̣;

са̄ман̣еро са сумано, ма̄ мам̣ джан̃н̃а̄ти иччхатӣ’’ти.

… сумано тхеро….