5. джамбукаттхерага̄тха̄

283. ‘‘пан̃чапан̃н̃а̄савасса̄ни, раджоджалламадха̄райим̣;

бхун̃джанто ма̄сикам̣ бхаттам̣, кесамассум̣ алочайим̣.

284. ‘‘екапа̄дена ат̣т̣ха̄сим̣, а̄санам̣ париваджджайим̣;

суккхагӯтха̄ни ча кха̄дим̣, уддесан̃ча на са̄дийим̣.

285. ‘‘ета̄дисам̣ каритва̄на, бахум̣ дуггатига̄минам̣;

вуйхама̄но махогхена, буддхам̣ саран̣ама̄гамам̣.

286. ‘‘саран̣агаманам̣ пасса, пасса дхаммасудхамматам̣;

тиссо виджджа̄ ануппатта̄, катам̣ буддхасса са̄сана’’нти.

… джамбуко тхеро….