12. мудитаттхерага̄тха̄

311. ‘‘паббаджим̣ джӣвикаттхохам̣, ладдха̄на упасампадам̣;

тато саддхам̣ пат̣илабхим̣, дал̣хавӣрийо параккамим̣.

312. ‘‘ка̄мам̣ бхиджджатуйам̣ ка̄йо, мам̣сапесӣ висӣйарум̣ [висийанту (ка.)];

убхо джан̣н̣укасандхӣхи, джан̇гха̄йо папатанту ме.

313. ‘‘на̄сиссам̣ на пивисса̄ми, виха̄ра̄ ча на никкхаме;

напи пассам̣ нипа̄тессам̣, тан̣ха̄салле анӯхате.

314. ‘‘тасса мевам̣ вихарато, пасса вӣрийапараккамам̣;

тиссо виджджа̄ ануппатта̄, катам̣ буддхасса са̄сана’’нти.

… мудито тхеро….

чатукканипа̄то нит̣т̣хито.