15. ха̄ритаттхерага̄тха̄

261. ‘‘йо пуббе каран̣ӣйа̄ни, паччха̄ со ка̄тумиччхати;

сукха̄ со дхам̣сате т̣ха̄на̄, паччха̄ ча манутаппати.

262. ‘‘йан̃хи кайира̄ тан̃хи ваде, йам̣ на кайира̄ на там̣ ваде;

акаронтам̣ бха̄сама̄нам̣, париджа̄нанти пан̣д̣ита̄.

263. ‘‘сусукхам̣ вата нибба̄нам̣, самма̄самбуддхадеситам̣;

асокам̣ вираджам̣ кхемам̣, йаттха дуккхам̣ нируджджхатӣ’’ти.

… ха̄рито тхеро….