4. чӯл̣апантхакаттхерага̄тха̄

557. ‘‘дандха̄ майхам̣ гатӣ а̄си, парибхӯто пуре ахам̣;

бха̄та̄ ча мам̣ пан̣а̄меси, ‘гаччха да̄ни тувам̣ гхарам̣’.

558. ‘‘сохам̣ пан̣а̄мито санто [бха̄та̄ (ат̣т̣ха.)], сан̇гха̄ра̄масса кот̣т̣хаке;

думмано таттха ат̣т̣ха̄сим̣, са̄санасмим̣ апеккхава̄.

559. ‘‘бхагава̄ таттха а̄гаччхи [а̄ган̃чхи (сӣ. пӣ.)], сӣсам̣ майхам̣ пара̄маси;

ба̄ха̄йа мам̣ гахетва̄на, сан̇гха̄ра̄мам̣ павесайи.

560. ‘‘анукампа̄йа ме саттха̄, па̄да̄си па̄дапун̃чханим̣;

‘етам̣ суддхам̣ адхит̣т̣хехи, екамантам̣ свадхит̣т̣хитам̣’.

561. ‘‘тасса̄хам̣ вачанам̣ сутва̄, виха̄сим̣ са̄сане рато;

сама̄дхим̣ пат̣ипа̄десим̣, уттаматтхасса паттийа̄.

562. ‘‘пуббенива̄сам̣ джа̄на̄ми, диббачаккху висодхитам̣;

тиссо виджджа̄ ануппатта̄, катам̣ буддхасса са̄санам̣.

563. ‘‘сахассаккхаттуматта̄нам̣, нимминитва̄на пантхако;

нисӣдамбаване рамме, йа̄ва ка̄лаппаведана̄.

564. ‘‘тато ме саттха̄ па̄хеси, дӯтам̣ ка̄лаппаведакам̣;

паведитамхи ка̄ламхи, веха̄са̄дупасан̇камим̣ [веха̄са̄нупасан̇камим̣ (сйа̄. ка.)].

565. ‘‘вандитва̄ саттхуно па̄де, екамантам̣ нисӣдахам̣;

нисиннам̣ мам̣ видитва̄на, атха саттха̄ пат̣иггахи.

566. ‘‘а̄йа̄го саббалокасса, а̄хутӣнам̣ пат̣иггахо;

пун̃н̃аккхеттам̣ манусса̄нам̣, пат̣иган̣хиттха даккхин̣а’’нти.

… чӯл̣апантхако тхеро….