1. урагасуттам̣

1. йо [йо ве (сйа̄.)] уппатитам̣ винети кодхам̣, висат̣ам̣ саппависам̣ва осадхехи [осадхебхи (ка.)];

со бхиккху джаха̄ти орапа̄рам̣, ураго джин̣н̣амиваттачам̣ [джин̣н̣амива тачам̣ (сӣ. сйа̄. кам̣. пӣ.), джин̣н̣амива̄ тачам̣ (?)] пура̄н̣ам̣.

2. йо ра̄гамудаччхида̄ асесам̣, бхисапуппхам̣ва сарорухам̣ [сарерухам̣ (ка.)] вигайха;

со бхиккху джаха̄ти орапа̄рам̣, ураго джин̣н̣амиваттачам̣, пура̄н̣ам̣.

3. йо тан̣хамудаччхида̄ асесам̣, саритам̣ сӣгхасарам̣ висосайитва̄;

со бхиккху джаха̄ти орапа̄рам̣, ураго джин̣н̣амиваттачам̣ пура̄н̣ам̣.

4. йо ма̄намудаббадхӣ асесам̣, нал̣асетум̣ва судуббалам̣ махогхо;

со бхиккху джаха̄ти орапа̄рам̣, ураго джин̣н̣амиваттачам̣ пура̄н̣ам̣.

5. йо на̄джджхагама̄ бхавесу са̄рам̣, вичинам̣ пуппхамива [пуппхамива (бахӯсу)] удумбаресу;

со бхиккху джаха̄ти орапа̄рам̣, ураго джин̣н̣амиваттачам̣ пура̄н̣ам̣.

6. йассантарато на санти копа̄, итибхава̄бхаватан̃ча [итиббхава̄бхаватан̃ча (ка.)] вӣтиватто;

со бхиккху джаха̄ти орапа̄рам̣, ураго джин̣н̣амиваттачам̣ пура̄н̣ам̣.

7. йасса витакка̄ видхӯпита̄, аджджхаттам̣ сувикаппита̄ асеса̄;

со бхиккху джаха̄ти орапа̄рам̣, ураго джин̣н̣амиваттачам̣ пура̄н̣ам̣.

8. йо на̄ччаса̄рӣ на паччаса̄рӣ, саббам̣ аччагама̄ имам̣ папан̃чам̣;

со бхиккху джаха̄ти орапа̄рам̣, ураго джин̣н̣амиваттачам̣ пура̄н̣ам̣.

9. йо на̄ччаса̄рӣ на паччаса̄рӣ, саббам̣ витатхамиданти н̃атва̄ [утва̄ (сйа̄. пӣ. ка.)] локе;

со бхиккху джаха̄ти орапа̄рам̣, ураго джин̣н̣амиваттачам̣ пура̄н̣ам̣.

10. йо на̄ччаса̄рӣ на паччаса̄рӣ, саббам̣ витатхамиданти вӣталобхо;

со бхиккху джаха̄ти орапа̄рам̣, ураго джин̣н̣амиваттачам̣ пура̄н̣ам̣.

11. йо на̄ччаса̄рӣ на паччаса̄рӣ, саббам̣ витатхамиданти вӣтара̄го;

со бхиккху джаха̄ти орапа̄рам̣, ураго джин̣н̣амиваттачам̣ пура̄н̣ам̣.

12. йо на̄ччаса̄рӣ на паччаса̄рӣ, саббам̣ витатхамиданти вӣтадосо;

со бхиккху джаха̄ти орапа̄рам̣, ураго джин̣н̣амиваттачам̣ пура̄н̣ам̣.

13. йо на̄ччаса̄рӣ на паччаса̄рӣ, саббам̣ витатхамиданти вӣтамохо;

со бхиккху джаха̄ти орапа̄рам̣, ураго джин̣н̣амиваттачам̣ пура̄н̣ам̣.

14. йасса̄нусайа̄ на санти кечи, мӯла̄ ча акусала̄ самӯхата̄се;

со бхиккху джаха̄ти орапа̄рам̣, ураго джин̣н̣амиваттачам̣ пура̄н̣ам̣.

15. йасса даратхаджа̄ на санти кечи, орам̣ а̄гамана̄йа паччайа̄се;

со бхиккху джаха̄ти орапа̄рам̣, ураго джин̣н̣амиваттачам̣ пура̄н̣ам̣.

16. йасса ванатхаджа̄ на санти кечи, винибандха̄йа бхава̄йа хетукаппа̄;

со бхиккху джаха̄ти орапа̄рам̣, ураго джин̣н̣амиваттачам̣ пура̄н̣ам̣.

17. йо нӣваран̣е паха̄йа пан̃ча, анигхо тин̣н̣акатхам̣катхо висалло;

со бхиккху джаха̄ти орапа̄рам̣, ураго джин̣н̣амиваттачам̣ пура̄н̣ам̣.

урагасуттам̣ пат̣хамам̣ нит̣т̣хитам̣.