4. индрийакатха̄

1. пат̣хамасуттантаниддесо

184. евам̣ ме сутам̣ – екам̣ самайам̣ бхагава̄ са̄ваттхийам̣ вихарати джетаване ана̄тхапин̣д̣икасса а̄ра̄ме. татра кхо бхагава̄ бхиккхӯ а̄мантеси – ‘‘бхиккхаво’’ти. ‘‘бхаданте’’ти [‘‘бхадданте’’ти (ка.)] те бхиккхӯ бхагавато паччассосум̣. бхагава̄ етадавоча –

‘‘пан̃чима̄ни, бхиккхаве, индрийа̄ни. катама̄ни пан̃ча? саддхиндрийам̣, вӣрийиндрийам̣, сатиндрийам̣, сама̄дхиндрийам̣, пан̃н̃индрийам̣ – има̄ни кхо, бхиккхаве, пан̃чиндрийа̄ни’’ [сам̣. ни. 5.471].

185. има̄ни пан̃чиндрийа̄ни катиха̄ка̄рехи висуджджханти? има̄ни пан̃чиндрийа̄ни паннарасахи а̄ка̄рехи висуджджханти. ассаддхе пуггале париваджджайато, саддхе пуггале севато бхаджато пайирупа̄сато, паса̄данӣйе суттанте паччавеккхато – имехи тӣха̄ка̄рехи саддхиндрийам̣ висуджджхати. кусӣте пуггале париваджджайато, а̄раддхавӣрийе пуггале севато бхаджато пайирупа̄сато, саммаппадха̄не паччавеккхато – имехи тӣха̄ка̄рехи вӣрийиндрийам̣ висуджджхати. мут̣т̣хассатӣ пуггале париваджджайато, упат̣т̣хитассатӣ пуггале севато бхаджато пайирупа̄сато, сатипат̣т̣ха̄не паччавеккхато – имехи тӣха̄ка̄рехи сатиндрийам̣ висуджджхати. асама̄хите пуггале париваджджайато, сама̄хите пуггале севато бхаджато пайирупа̄сато, джха̄навимоккхе паччавеккхато – имехи тӣха̄ка̄рехи сама̄дхиндрийам̣ висуджджхати. дуппан̃н̃е пуггале париваджджайато, пан̃н̃аванте пуггале севато бхаджато пайирупа̄сато, гамбхӣран̃а̄н̣ачарийам̣ паччавеккхато – имехи тӣха̄ка̄рехи пан̃н̃индрийам̣ висуджджхати. ити име пан̃ча пуггале париваджджайато, пан̃ча пуггале севато бхаджато пайирупа̄сато, пан̃ча суттантаккхандхе паччавеккхато – имехи паннарасахи а̄ка̄рехи има̄ни пан̃чиндрийа̄ни висуджджханти.

катиха̄ка̄рехи пан̃чиндрийа̄ни бха̄вийанти, катиха̄ка̄рехи пан̃чаннам̣ индрийа̄нам̣ бха̄вана̄ хоти? дасаха̄ка̄рехи пан̃чиндрийа̄ни бха̄вийанти, дасаха̄ка̄рехи пан̃чаннам̣ индрийа̄нам̣ бха̄вана̄ хоти. ассаддхийам̣ паджаханто саддхиндрийам̣ бха̄вети, саддхиндрийам̣ бха̄венто ассаддхийам̣ паджахати; косаджджам̣ паджаханто вӣрийиндрийам̣ бха̄вети, вӣрийиндрийам̣ бха̄венто косаджджам̣ паджахати; пама̄дам̣ паджаханто сатиндрийам̣ бха̄вети, сатиндрийам̣ бха̄венто пама̄дам̣ паджахати; уддхаччам̣ паджаханто сама̄дхиндрийам̣ бха̄вети, сама̄дхиндрийам̣ бха̄венто уддхаччам̣ паджахати; авиджджам̣ паджаханто пан̃н̃индрийам̣ бха̄вети, пан̃н̃индрийам̣ бха̄венто авиджджам̣ паджахати. имехи дасаха̄ка̄рехи пан̃чиндрийа̄ни бха̄вийанти, имехи дасаха̄ка̄рехи пан̃чаннам̣ индрийа̄нам̣ бха̄вана̄ хоти.

катиха̄ка̄рехи пан̃чиндрийа̄ни бха̄вита̄ни хонти субха̄вита̄ни? дасаха̄ка̄рехи пан̃чиндрийа̄ни бха̄вита̄ни хонти субха̄вита̄ни. ассаддхийасса пахӣнатта̄ суппахӣнатта̄ саддхиндрийам̣ бха̄витам̣ хоти субха̄витам̣; саддхиндрийасса бха̄витатта̄ субха̄витатта̄ ассаддхийам̣ пахӣнам̣ хоти суппахӣнам̣. косаджджасса пахӣнатта̄ суппахӣнатта̄ вӣрийиндрийам̣ бха̄витам̣ хоти субха̄витам̣; вӣрийиндрийасса бха̄витатта̄ субха̄витатта̄ косаджджам̣ пахӣнам̣ хоти суппахӣнам̣. пама̄дасса пахӣнатта̄ суппахӣнатта̄ сатиндрийам̣ бха̄витам̣ хоти субха̄витам̣; сатиндрийасса бха̄витатта̄ субха̄витатта̄ пама̄до пахӣно хоти суппахӣно. уддхаччасса пахӣнатта̄ суппахӣнатта̄ сама̄дхиндрийам̣ бха̄витам̣ хоти субха̄витам̣; сама̄дхиндрийасса бха̄витатта̄ субха̄витатта̄ уддхаччам̣ пахӣнам̣ хоти суппахӣнам̣. авиджджа̄йа пахӣнатта̄ пан̃н̃индрийам̣ бха̄витам̣ хоти субха̄витам̣; пан̃н̃индрийасса бха̄витатта̄ субха̄витатта̄ авиджджа̄ пахӣна̄ хоти суппахӣна̄. имехи дасаха̄ка̄рехи пан̃чиндрийа̄ни бха̄вита̄ни хонти субха̄вита̄ни.

186. катиха̄ка̄рехи пан̃чиндрийа̄ни бха̄вийанти, катиха̄ка̄рехи пан̃чиндрийа̄ни бха̄вита̄ни чева хонти субха̄вита̄ни ча пат̣иппассаддха̄ни ча суппат̣иппассаддха̄ни ча? чатӯха̄ка̄рехи пан̃чиндрийа̄ни бха̄вийанти чатӯха̄ка̄рехи пан̃чиндрийа̄ни бха̄вита̄ни чева хонти субха̄вита̄ни ча пат̣иппассаддха̄ни ча суппат̣иппассаддха̄ни ча. сота̄паттимаггаккхан̣е пан̃чиндрийа̄ни бха̄вийанти; сота̄паттипхалаккхан̣е пан̃чиндрийа̄ни бха̄вита̄ни чева хонти субха̄вита̄ни ча пат̣иппассаддха̄ни ча суппат̣иппассаддха̄ни ча. сакада̄га̄мимаггаккхан̣е пан̃чиндрийа̄ни бха̄вийанти; сакада̄га̄мипхалаккхан̣е пан̃чиндрийа̄ни бха̄вита̄ни чева хонти субха̄вита̄ни ча пат̣иппассаддха̄ни ча суппат̣иппассаддха̄ни ча. ана̄га̄мимаггаккхан̣е пан̃чиндрийа̄ни бха̄вийанти; ана̄га̄мипхалаккхан̣е пан̃чиндрийа̄ни бха̄вита̄ни чева хонти субха̄вита̄ни ча пат̣иппассаддха̄ни ча суппат̣иппассаддха̄ни ча. арахаттамаггаккхан̣е пан̃чиндрийа̄ни бха̄вийанти; арахаттапхалаккхан̣е пан̃чиндрийа̄ни бха̄вита̄ни чева хонти субха̄вита̄ни ча пат̣иппассаддха̄ни ча суппат̣иппассаддха̄ни ча. ити чатассо маггависуддхийо, чатассо пхалависуддхийо, чатассо самуччхедависуддхийо, чатассо пат̣иппассаддхивисуддхийо. имехи чатӯха̄ка̄рехи пан̃чиндрийа̄ни бха̄вийанти; имехи чатӯха̄ка̄рехи пан̃чиндрийа̄ни бха̄вита̄ни чева хонти субха̄вита̄ни ча пат̣иппассаддха̄ни ча суппат̣иппассаддха̄ни ча.

катинам̣ пуггала̄нам̣ индрийабха̄вана̄; кати пуггала̄ бха̄витиндрийа̄? ат̣т̣ханнам̣ пуггала̄нам̣ индрийабха̄вана̄; тайо пуггала̄ бха̄витиндрийа̄. катамесам̣ ат̣т̣ханнам̣ пуггала̄нам̣ индрийабха̄вана̄? саттаннан̃ча секкха̄нам̣, путхуджджанакалйа̄н̣акасса ча – имесам̣ ат̣т̣ханнам̣ пуггала̄нам̣ индрийабха̄вана̄. катаме тайо пуггала̄ бха̄витиндрийа̄? саванена буддхо татха̄гатасса са̄вако кхӣн̣а̄саво бха̄витиндрийо, сайам̣ бхӯтат̣т̣хена паччекасамбуддхо бха̄витиндрийо, аппамеййат̣т̣хена татха̄гато арахам̣ самма̄самбуддхо бха̄витиндрийо – име тайо пуггала̄ бха̄витиндрийа̄. ити имесам̣ ат̣т̣ханнам̣ пуггала̄нам̣ индрийабха̄вана̄; име тайо пуггала̄ бха̄витиндрийа̄.

суттантаниддесо пат̣хамо.

2. дутийасуттантаниддесо

187. са̄ваттхинида̄нам̣. ‘‘пан̃чима̄ни, бхиккхаве, индрийа̄ни. катама̄ни пан̃ча? саддхиндрийам̣, вӣрийиндрийам̣, сатиндрийам̣, сама̄дхиндрийам̣, пан̃н̃индрийам̣. йе хи кечи, бхиккхаве, саман̣а̄ ва̄ бра̄хман̣а̄ ва̄ имесам̣ пан̃чаннам̣ индрийа̄нам̣ самудайан̃ча аттхан̇гаман̃ча асса̄дан̃ча а̄дӣнаван̃ча ниссаран̣ан̃ча йатха̄бхӯтам̣ наппаджа̄нанти, на ме те, бхиккхаве, саман̣а̄ ва̄ бра̄хман̣а̄ ва̄ саман̣есу [чева (ка.) сам̣. ни. 5.476] ва̄ саман̣асаммата̄, бра̄хман̣есу ва̄ бра̄хман̣асаммата̄; на ча панете а̄йасманта̄ [а̄йасманто сам̣. ни. 5.476] са̄ман̃н̃аттхам̣ ва̄ брахман̃н̃аттхам̣ ва̄ дит̣т̣хева дхамме сайам̣ абхин̃н̃а̄ саччхикатва̄ упасампаджджа вихаранти. йе ча кхо кечи [йе кечи кхо (сйа̄.), йе хи кечи кхо (ка.) сам̣. ни. 5.476 пасситабба̄] бхиккхаве саман̣а̄ ва̄ бра̄хман̣а̄ ва̄ имесам̣ пан̃чаннам̣ индрийа̄нам̣ самудайан̃ча аттхан̇гаман̃ча асса̄дан̃ча а̄дӣнаван̃ча ниссаран̣ан̃ча йатха̄бхӯтам̣ паджа̄нанти, те кхо ме, бхиккхаве, саман̣а̄ ва̄ бра̄хман̣а̄ ва̄ саман̣есу ва̄ саман̣асаммата̄, бра̄хман̣есу ва̄ бра̄хман̣асаммата̄; те ча пана̄йасманта̄ са̄ман̃н̃аттхан̃ча брахман̃н̃аттхан̃ча дит̣т̣хева дхамме сайам̣ абхин̃н̃а̄ саччхикатва̄ упасампаджджа вихарантӣ’’ти.

188. катиха̄ка̄рехи пан̃чаннам̣ индрийа̄нам̣ самудайо хоти; катиха̄ка̄рехи пан̃чаннам̣ индрийа̄нам̣ самудайам̣ паджа̄на̄ти? катиха̄ка̄рехи пан̃чаннам̣ индрийа̄нам̣ аттхан̇гамо хоти; катиха̄ка̄рехи пан̃чаннам̣ индрийа̄нам̣ аттхан̇гамам̣ паджа̄на̄ти? катиха̄ка̄рехи пан̃чаннам̣ индрийа̄нам̣ асса̄до хоти, катиха̄ка̄рехи пан̃чаннам̣ индрийа̄нам̣ асса̄дам̣ паджа̄на̄ти? катиха̄ка̄рехи пан̃чаннам̣ индрийа̄нам̣ а̄дӣнаво хоти; катиха̄ка̄рехи пан̃чаннам̣ индрийа̄нам̣ а̄дӣнавам̣ паджа̄на̄ти? катиха̄ка̄рехи пан̃чаннам̣ индрийа̄нам̣ ниссаран̣ам̣ хоти; катиха̄ка̄рехи пан̃чаннам̣ индрийа̄нам̣ ниссаран̣ам̣ паджа̄на̄ти?

чатта̄рӣса̄йа а̄ка̄рехи пан̃чаннам̣ индрийа̄нам̣ самудайо хоти; чатта̄рӣса̄йа а̄ка̄рехи пан̃чаннам̣ индрийа̄нам̣ самудайам̣ паджа̄на̄ти. чатта̄рӣса̄йа а̄ка̄рехи пан̃чаннам̣ индрийа̄нам̣ аттхан̇гамо хоти; чатта̄рӣса̄йа а̄ка̄рехи пан̃чаннам̣ индрийа̄нам̣ аттхан̇гамам̣ паджа̄на̄ти. пан̃чавӣсатийа̄ а̄ка̄рехи пан̃чаннам̣ индрийа̄нам̣ асса̄до хоти; пан̃чавӣсатийа̄ а̄ка̄рехи пан̃чаннам̣ индрийа̄нам̣ асса̄дам̣ паджа̄на̄ти. пан̃чавӣсатийа̄ а̄ка̄рехи пан̃чаннам̣ индрийа̄нам̣ а̄дӣнаво хоти; пан̃чавӣсатийа̄ а̄ка̄рехи пан̃чаннам̣ индрийа̄нам̣ а̄дӣнавам̣ паджа̄на̄ти. асӣтисатам̣ а̄ка̄рехи [асӣтисата̄ка̄рехи (сйа̄.)] пан̃чаннам̣ индрийа̄нам̣ ниссаран̣ам̣ хоти; асӣтисатам̣ а̄ка̄рехи пан̃чаннам̣ индрийа̄нам̣ ниссаран̣ам̣ паджа̄на̄ти.

катамехи чатта̄рӣса̄йа а̄ка̄рехи пан̃чаннам̣ индрийа̄нам̣ самудайо хоти; катамехи чатта̄рӣса̄йа а̄ка̄рехи пан̃чаннам̣ индрийа̄нам̣ самудайам̣ паджа̄на̄ти? адхимоккхаттха̄йа а̄ваджджана̄йа самудайо саддхиндрийасса самудайо хоти, адхимоккхавасена чхандасса самудайо саддхиндрийасса самудайо хоти, адхимоккхавасена манасика̄расса самудайо саддхиндрийасса самудайо хоти, саддхиндрийасса васена екаттупат̣т̣ха̄нам̣ саддхиндрийасса самудайо хоти; паггахаттха̄йа а̄ваджджана̄йа самудайо вӣрийиндрийасса самудайо хоти, паггахавасена чхандасса самудайо вӣрийиндрийасса самудайо хоти, паггахавасена манасика̄расса самудайо вӣрийиндрийасса самудайо хоти, вӣрийиндрийасса васена екаттупат̣т̣ха̄нам̣ вӣрийиндрийасса самудайо хоти; упат̣т̣ха̄наттха̄йа а̄ваджджана̄йа самудайо сатиндрийасса самудайо хоти, упат̣т̣ха̄навасена чхандасса самудайо сатиндрийасса самудайо хоти, упат̣т̣ха̄навасена манасика̄расса самудайо сатиндрийасса самудайо хоти, сатиндрийасса васена екаттупат̣т̣ха̄нам̣ сатиндрийасса самудайо хоти; авиккхепаттха̄йа а̄ваджджана̄йа самудайо сама̄дхиндрийасса самудайо хоти, авиккхепавасена чхандасса самудайо сама̄дхиндрийасса самудайо хоти, авиккхепавасена манасика̄расса самудайо сама̄дхиндрийасса самудайо хоти, сама̄дхиндрийасса васена екаттупат̣т̣ха̄нам̣ сама̄дхиндрийасса самудайо хоти; дассанаттха̄йа а̄ваджджана̄йа самудайо пан̃н̃индрийасса самудайо хоти, дассанавасена чхандасса самудайо пан̃н̃индрийасса самудайо хоти, дассанавасена манасика̄расса самудайо пан̃н̃индрийасса самудайо хоти, пан̃н̃индрийасса васена екаттупат̣т̣ха̄нам̣ пан̃н̃индрийасса самудайо хоти. адхимоккхаттха̄йа а̄ваджджана̄йа самудайо саддхиндрийасса самудайо хоти, паггахаттха̄йа а̄ваджджана̄йа самудайо вӣрийиндрийасса самудайо хоти, упат̣т̣ха̄наттха̄йа а̄ваджджана̄йа самудайо сатиндрийасса самудайо хоти, авиккхепаттха̄йа а̄ваджджана̄йа самудайо сама̄дхиндрийасса самудайо хоти, дассанаттха̄йа а̄ваджджана̄йа самудайо пан̃н̃индрийасса самудайо хоти. адхимоккхавасена чхандасса самудайо саддхиндрийасса самудайо хоти, паггахавасена чхандасса самудайо вӣрийиндрийасса самудайо хоти, упат̣т̣ха̄навасена чхандасса самудайо сатиндрийасса самудайо хоти, авиккхепавасена чхандасса самудайо сама̄дхиндрийасса самудайо хоти, дассанавасена чхандасса самудайо пан̃н̃индрийасса самудайо хоти. адхимоккхавасена манасика̄расса самудайо саддхиндрийасса самудайо хоти, паггахавасена манасика̄расса самудайо вӣрийиндрийасса самудайо хоти, упат̣т̣ха̄навасена манасика̄расса самудайо сатиндрийасса самудайо хоти, авиккхепавасена манасика̄расса самудайо сама̄дхиндрийасса самудайо хоти, дассанавасена манасика̄расса самудайо пан̃н̃индрийасса самудайо хоти. саддхиндрийасса васена екаттупат̣т̣ха̄нам̣ саддхиндрийасса самудайо хоти вӣрийиндрийасса васена екаттупат̣т̣ха̄нам̣ вӣрийиндрийасса самудайо хоти, сатиндрийасса васена екаттупат̣т̣ха̄нам̣ сатиндрийасса самудайо хоти, сама̄дхиндрийасса васена екаттупат̣т̣ха̄нам̣ сама̄дхиндрийасса самудайо хоти, пан̃н̃индрийасса васена екаттупат̣т̣ха̄нам̣ пан̃н̃индрийасса самудайо хоти.

имехи чатта̄рӣса̄йа а̄ка̄рехи пан̃чаннам̣ индрийа̄нам̣ самудайо хоти, имехи чатта̄рӣса̄йа а̄ка̄рехи пан̃чаннам̣ индрийа̄нам̣ самудайам̣ паджа̄на̄ти.

катамехи чатта̄рӣса̄йа а̄ка̄рехи пан̃чаннам̣ индрийа̄нам̣ аттхан̇гамо хоти; катамехи чатта̄рӣса̄йа а̄ка̄рехи пан̃чаннам̣ индрийа̄нам̣ аттхан̇гамам̣ паджа̄на̄ти? адхимоккхаттха̄йа а̄ваджджана̄йа аттхан̇гамо саддхиндрийасса аттхан̇гамо хоти, адхимоккхавасена чхандасса аттхан̇гамо саддхиндрийасса аттхан̇гамо хоти, адхимоккхавасена манасика̄расса аттхан̇гамо саддхиндрийасса аттхан̇гамо хоти, саддхиндрийасса васена екаттаанупат̣т̣ха̄нам̣ [екаттам̣ анупат̣т̣ха̄нам̣ (сйа̄.)] саддхиндрийасса васена аттхан̇гамо хоти; паггахаттха̄йа а̄ваджджана̄йа аттхан̇гамо вӣрийиндрийасса аттхан̇гамо хоти, паггахавасена чхандасса аттхан̇гамо вӣрийиндрийасса аттхан̇гамо хоти, паггахавасена манасика̄расса аттхан̇гамо вӣрийиндрийасса аттхан̇гамо хоти, вӣрийиндрийасса васена екаттаанупат̣т̣ха̄нам̣ вӣрийиндрийасса аттхан̇гамо хоти; упат̣т̣ха̄наттха̄йа а̄ваджджана̄йа аттхан̇гамо сатиндрийасса аттхан̇гамо хоти, упат̣т̣ха̄навасена чхандасса аттхан̇гамо сатиндрийасса аттхан̇гамо хоти, упат̣т̣ха̄навасена манасика̄расса аттхан̇гамо сатиндрийасса аттхан̇гамо хоти, сатиндрийасса васена екаттаанупат̣т̣ха̄нам̣ сатиндрийасса аттхан̇гамо хоти; авиккхепаттха̄йа а̄ваджджана̄йа аттхан̇гамо сама̄дхиндрийасса аттхан̇гамо хоти, авиккхепавасена чхандасса аттхан̇гамо сама̄дхиндрийасса аттхан̇гамо хоти, авиккхепавасена манасика̄расса аттхан̇гамо сама̄дхиндрийасса аттхан̇гамо хоти, сама̄дхиндрийасса васена екаттаанупат̣т̣ха̄нам̣ сама̄дхиндрийасса аттхан̇гамо хоти; дассанаттха̄йа а̄ваджджана̄йа аттхан̇гамо пан̃н̃индрийасса аттхан̇гамо хоти, дассанавасена чхандасса аттхан̇гамо пан̃н̃индрийасса аттхан̇гамо хоти, дассанавасена манасика̄расса аттхан̇гамо пан̃н̃индрийасса аттхан̇гамо хоти, пан̃н̃индрийасса васена екаттаанупат̣т̣ха̄нам̣ пан̃н̃индрийасса аттхан̇гамо хоти.

адхимоккхаттха̄йа а̄ваджджана̄йа аттхан̇гамо саддхиндрийасса аттхан̇гамо хоти, паггахаттха̄йа а̄ваджджана̄йа аттхан̇гамо вӣрийиндрийасса аттхан̇гамо хоти, упат̣т̣ха̄наттха̄йа а̄ваджджана̄йа аттхан̇гамо сатиндрийасса аттхан̇гамо хоти, авиккхепаттха̄йа а̄ваджджана̄йа аттхан̇гамо сама̄дхиндрийасса аттхан̇гамо хоти, дассанаттха̄йа а̄ваджджана̄йа аттхан̇гамо пан̃н̃индрийасса аттхан̇гамо хоти. адхимоккхавасена чхандасса аттхан̇гамо саддхиндрийасса аттхан̇гамо хоти, паггахавасена чхандасса аттхан̇гамо вӣрийиндрийасса аттхан̇гамо хоти, упат̣т̣ха̄навасена чхандасса аттхан̇гамо сатиндрийасса аттхан̇гамо хоти, авиккхепавасена чхандасса аттхан̇гамо сама̄дхиндрийасса аттхан̇гамо хоти, дассанавасена чхандасса аттхан̇гамо пан̃н̃индрийасса аттхан̇гамо хоти. адхимоккхавасена манасика̄расса аттхан̇гамо саддхиндрийасса аттхан̇гамо хоти, паггахавасена манасика̄расса аттхан̇гамо вӣрийиндрийасса аттхан̇гамо хоти, упат̣т̣ха̄навасена манасика̄расса аттхан̇гамо сатиндрийасса аттхан̇гамо хоти, авиккхепавасена манасика̄расса аттхан̇гамо сама̄дхиндрийасса аттхан̇гамо хоти, дассанавасена манасика̄расса аттхан̇гамо пан̃н̃индрийасса аттхан̇гамо хоти. саддхиндрийасса васена екаттаанупат̣т̣ха̄нам̣ саддхиндрийасса аттхан̇гамо хоти, вӣрийиндрийасса васена екаттаанупат̣т̣ха̄нам̣ вӣрийиндрийасса аттхан̇гамо хоти, сатиндрийасса васена екаттаанупат̣т̣ха̄нам̣ сатиндрийасса аттхан̇гамо хоти, сама̄дхиндрийасса васена екаттаанупат̣т̣ха̄нам̣ сама̄дхиндрийасса аттхан̇гамо хоти, пан̃н̃индрийасса васена екаттаанупат̣т̣ха̄нам̣ пан̃н̃индрийасса аттхан̇гамо хоти.

имехи чатта̄рӣса̄йа а̄ка̄рехи пан̃чаннам̣ индрийа̄нам̣ аттхан̇гамо хоти; имехи чатта̄рӣса̄йа а̄ка̄рехи пан̃чаннам̣ индрийа̄нам̣ аттхан̇гамам̣ паджа̄на̄ти.

ка. асса̄даниддесо

189. катамехи пан̃чавӣсатийа̄ а̄ка̄рехи пан̃чаннам̣ индрийа̄нам̣ асса̄до хоти; катамехи пан̃чавӣсатийа̄ а̄ка̄рехи пан̃чаннам̣ индрийа̄нам̣ асса̄дам̣ паджа̄на̄ти? ассаддхийасса анупат̣т̣ха̄нам̣ саддхиндрийасса асса̄до хоти, ассаддхийапарил̣а̄хасса анупат̣т̣ха̄нам̣ саддхиндрийасса асса̄до хоти, адхимоккхачарийа̄йа веса̄раджджам̣ саддхиндрийасса асса̄до хоти, санто ча виха̄ра̄дхигамо саддхиндрийасса асса̄до хоти, йам̣ саддхиндрийам̣ пат̣ичча уппаджджати сукхам̣ соманассам̣ айам̣ саддхиндрийасса асса̄до.

косаджджасса анупат̣т̣ха̄нам̣ вӣрийиндрийасса асса̄до хоти, косаджджапарил̣а̄хасса анупат̣т̣ха̄нам̣ вӣрийиндрийасса асса̄до хоти, паггахачарийа̄йа веса̄раджджам̣ вӣрийиндрийасса асса̄до хоти, санто ча виха̄ра̄дхигамо вӣрийиндрийасса асса̄до хоти, йам̣ вӣрийиндрийам̣ пат̣ичча уппаджджати сукхам̣ соманассам̣ айам̣ вӣрийиндрийасса асса̄до.

пама̄дасса анупат̣т̣ха̄нам̣ сатиндрийасса асса̄до хоти, пама̄дапарил̣а̄хасса анупат̣т̣ха̄нам̣ сатиндрийасса асса̄до хоти, упат̣т̣ха̄начарийа̄йа веса̄раджджам̣ сатиндрийасса асса̄до хоти, санто ча виха̄ра̄дхигамо сатиндрийасса асса̄до хоти, йам̣ сатиндрийам̣ пат̣ичча уппаджджати сукхам̣ соманассам̣ айам̣ сатиндрийасса асса̄до.

уддхаччасса анупат̣т̣ха̄нам̣ сама̄дхиндрийасса асса̄до хоти, уддхаччапарил̣а̄хасса анупат̣т̣ха̄нам̣ сама̄дхиндрийасса асса̄до хоти, авиккхепачарийа̄йа веса̄раджджам̣ сама̄дхиндрийасса асса̄до хоти, санто ча виха̄ра̄дхигамо сама̄дхиндрийасса асса̄до хоти, йам̣ сама̄дхиндрийам̣ пат̣ичча уппаджджати сукхам̣ соманассам̣ айам̣ сама̄дхиндрийасса асса̄до.

авиджджа̄йа анупат̣т̣ха̄нам̣ пан̃н̃индрийасса асса̄до хоти, авиджджа̄парил̣а̄хасса анупат̣т̣ха̄нам̣ пан̃н̃индрийасса асса̄до хоти, дассаначарийа̄йа веса̄раджджам̣ пан̃н̃индрийасса асса̄до хоти, санто ча виха̄ра̄дхигамо пан̃н̃индрийасса асса̄до хоти, йам̣ пан̃н̃индрийам̣ пат̣ичча уппаджджати сукхам̣ соманассам̣ айам̣ пан̃н̃индрийасса асса̄до.

имехи пан̃чавӣсатийа̄ а̄ка̄рехи пан̃чаннам̣ индрийа̄нам̣ асса̄до хоти; имехи пан̃чавӣсатийа̄ а̄ка̄рехи пан̃чаннам̣ индрийа̄нам̣ асса̄дам̣ паджа̄на̄ти.

кха. а̄дӣнаваниддесо

190. катамехи пан̃чавӣсатийа̄ а̄ка̄рехи пан̃чаннам̣ индрийа̄нам̣ а̄дӣнаво хоти; катамехи пан̃чавӣсатийа̄ а̄ка̄рехи пан̃чаннам̣ индрийа̄нам̣ а̄дӣнавам̣ паджа̄на̄ти? ассаддхийасса упат̣т̣ха̄нам̣ саддхиндрийасса а̄дӣнаво хоти, ассаддхийапарил̣а̄хасса упат̣т̣ха̄нам̣ саддхиндрийасса а̄дӣнаво хоти, аниччат̣т̣хена саддхиндрийасса а̄дӣнаво хоти, дуккхат̣т̣хена саддхиндрийасса а̄дӣнаво хоти, анаттат̣т̣хена саддхиндрийасса а̄дӣнаво хоти.

косаджджасса упат̣т̣ха̄нам̣ вӣрийиндрийасса а̄дӣнаво хоти, косаджджапарил̣а̄хасса упат̣т̣ха̄нам̣ вӣрийиндрийасса а̄дӣнаво хоти, аниччат̣т̣хена вӣрийиндрийасса а̄дӣнаво хоти, дуккхат̣т̣хена…пе… анаттат̣т̣хена вӣрийиндрийасса а̄дӣнаво хоти.

пама̄дасса упат̣т̣ха̄нам̣ сатиндрийасса а̄дӣнаво хоти, пама̄дапарил̣а̄хасса упат̣т̣ха̄нам̣ сатиндрийасса а̄дӣнаво хоти, аниччат̣т̣хена сатиндрийасса а̄дӣнаво хоти, дуккхат̣т̣хена…пе… анаттат̣т̣хена сатиндрийасса а̄дӣнаво хоти.

уддхаччасса упат̣т̣ха̄нам̣ сама̄дхиндрийасса а̄дӣнаво хоти, уддхаччапарил̣а̄хасса упат̣т̣ха̄нам̣ сама̄дхиндрийасса а̄дӣнаво хоти, аниччат̣т̣хена сама̄дхиндрийасса а̄дӣнаво хоти, дуккхат̣т̣хена…пе… анаттат̣т̣хена сама̄дхиндрийасса а̄дӣнаво хоти.

авиджджа̄йа упат̣т̣ха̄нам̣ пан̃н̃индрийасса а̄дӣнаво хоти, авиджджа̄парил̣а̄хасса упат̣т̣ха̄нам̣ пан̃н̃индрийасса а̄дӣнаво хоти, аниччат̣т̣хена пан̃н̃индрийасса а̄дӣнаво хоти, дуккхат̣т̣хена пан̃н̃индрийасса а̄дӣнаво хоти, анаттат̣т̣хена пан̃н̃индрийасса а̄дӣнаво хоти.

имехи пан̃чавӣсатийа̄ а̄ка̄рехи пан̃чаннам̣ индрийа̄нам̣ а̄дӣнаво хоти; имехи пан̃чавӣсатийа̄ а̄ка̄рехи пан̃чаннам̣ индрийа̄нам̣ а̄дӣнавам̣ паджа̄на̄ти.

га. ниссаран̣аниддесо

191. катамехи асӣтисатам̣ а̄ка̄рехи пан̃чаннам̣ индрийа̄нам̣ ниссаран̣ам̣ хоти; катамехи асӣтисатам̣ а̄ка̄рехи пан̃чаннам̣ индрийа̄нам̣ ниссаран̣ам̣ паджа̄на̄ти? адхимоккхат̣т̣хена саддхиндрийам̣ ассаддхийа̄ ниссат̣ам̣ хоти, ассаддхийапарил̣а̄ха̄ ниссат̣ам̣ хоти, тадануваттакакилесехи ча кхандхехи ча ниссат̣ам̣ хоти, бахиддха̄ ча саббанимиттехи ниссат̣ам̣ хоти, тато пан̣ӣтатарасаддхиндрийасса пат̣ила̄бха̄ пуриматарасаддхиндрийа̄ ниссат̣ам̣ хоти; паггахат̣т̣хена вӣрийиндрийам̣ косаджджа̄ ниссат̣ам̣ хоти, косаджджапарил̣а̄ха̄ ниссат̣ам̣ хоти, тадануваттакакилесехи ча кхандхехи ча ниссат̣ам̣ хоти, бахиддха̄ ча саббанимиттехи ниссат̣ам̣ хоти, тато пан̣ӣтатаравӣрийиндрийасса пат̣ила̄бха̄ пуриматаравӣрийиндрийа̄ ниссат̣ам̣ хоти; упат̣т̣ха̄нат̣т̣хена сатиндрийам̣ пама̄да̄ ниссат̣ам̣ хоти, пама̄дапарил̣а̄ха̄ ниссат̣ам̣ хоти, тадануваттакакилесехи ча кхандхехи ча ниссат̣ам̣ хоти, бахиддха̄ ча саббанимиттехи ниссат̣ам̣ хоти, тато пан̣ӣтатарасатиндрийасса пат̣ила̄бха̄ пуриматарасатиндрийа̄ ниссат̣ам̣ хоти; авиккхепат̣т̣хена сама̄дхиндрийам̣ уддхачча̄ ниссат̣ам̣ хоти, уддхаччапарил̣а̄ха̄ ниссат̣ам̣ хоти, тадануваттакакилесехи ча кхандхехи ча ниссат̣ам̣ хоти, бахиддха̄ ча саббанимиттехи ниссат̣ам̣ хоти, тато пан̣ӣтатарасама̄дхиндрийасса пат̣ила̄бха̄ пуриматарасама̄дхиндрийа̄ ниссат̣ам̣ хоти; дассанат̣т̣хена пан̃н̃индрийам̣ авиджджа̄йа ниссат̣ам̣ хоти, авиджджа̄парил̣а̄ха̄ ниссат̣ам̣ хоти, тадануваттакакилесехи ча кхандхехи ча ниссат̣ам̣ хоти, бахиддха̄ ча саббанимиттехи ниссат̣ам̣ хоти, тато пан̣ӣтатарапан̃н̃индрийасса пат̣ила̄бха̄ пуриматарапан̃н̃индрийа̄ ниссат̣ам̣ хоти.

192. пуббабха̄ге пан̃чахи индрийехи пат̣хамаджджха̄навасена пан̃чиндрийа̄ни ниссат̣а̄ни хонти, пат̣хаме джха̄не пан̃чахиндрийехи дутийаджджха̄навасена пан̃чиндрийа̄ни ниссат̣а̄ни хонти, дутийе джха̄не пан̃чахиндрийехи татийаджджха̄навасена пан̃чиндрийа̄ни ниссат̣а̄ни хонти, татийе джха̄не пан̃чахиндрийехи чатуттхаджджха̄навасена пан̃чиндрийа̄ни ниссат̣а̄ни хонти, чатуттхе джха̄не пан̃чахиндрийехи а̄ка̄са̄нан̃ча̄йатанасама̄паттивасена пан̃чиндрийа̄ни ниссат̣а̄ни хонти, а̄ка̄са̄нан̃ча̄йатанасама̄паттийа̄ пан̃чахиндрийехи вин̃н̃а̄н̣ан̃ча̄йатанасама̄паттивасена пан̃чиндрийа̄ни ниссат̣а̄ни хонти, вин̃н̃а̄н̣ан̃ча̄йатанасама̄паттийа̄ пан̃чахиндрийехи а̄кин̃чан̃н̃а̄йатанасама̄паттивасена пан̃чиндрийа̄ни ниссат̣а̄ни хонти, а̄кин̃чан̃н̃а̄йатанасама̄паттийа̄ пан̃чахиндрийехи невасан̃н̃а̄на̄сан̃н̃а̄йатанасама̄паттивасена пан̃чиндрийа̄ни ниссат̣а̄ни хонти, невасан̃н̃а̄на̄сан̃н̃а̄йатанасама̄паттийа̄ пан̃чахиндрийехи аничча̄нупассана̄васена пан̃чиндрийа̄ни ниссат̣а̄ни хонти.

аничча̄нупассана̄ пан̃чахиндрийехи дуккха̄нупассана̄васе пан̃чиндрийа̄ни ниссат̣а̄ни хонти, дуккха̄нупассана̄ пан̃чахиндрийехи анатта̄нупассана̄васе пан̃чиндрийа̄ни ниссат̣а̄ни хонти, анатта̄нупассана̄ пан̃чахиндрийехи ниббида̄нупассана̄васена пан̃чиндрийа̄ни ниссат̣а̄ни хонти, ниббида̄нупассана̄йа пан̃чахиндрийехи вира̄га̄нупассана̄васена пан̃чиндрийа̄ни ниссат̣а̄ни хонти, вира̄га̄нупассана̄йа пан̃чахиндрийехи ниродха̄нупассана̄васена пан̃чиндрийа̄ни ниссат̣а̄ни хонти, ниродха̄нупассана̄йа пан̃чахиндрийехи пат̣иниссагга̄нупассана̄васена пан̃чиндрийа̄ни ниссат̣а̄ни хонти, пат̣иниссагга̄нупассана̄йа пан̃чахиндрийехи кхайа̄нупассана̄васена пан̃чиндрийа̄ни ниссат̣а̄ни хонти, кхайа̄нупассана̄йа пан̃чахиндрийехи вайа̄нупассана̄васена пан̃чиндрийа̄ни ниссат̣а̄ни хонти, вайа̄нупассана̄йа пан̃чахиндрийехи випарин̣а̄ма̄нупассана̄васена пан̃чиндрийа̄ни ниссат̣а̄ни хонти, випарин̣а̄ма̄нупассана̄йа пан̃чахиндрийехи анимитта̄нупассана̄васена пан̃чиндрийа̄ни ниссат̣а̄ни хонти, анимитта̄нупассана̄йа пан̃чахиндрийехи аппан̣ихита̄нупассана̄васена пан̃чиндрийа̄ни ниссат̣а̄ни хонти, аппан̣ихита̄нупассана̄йа пан̃чахиндрийехи сун̃н̃ата̄нупассана̄васена пан̃чиндрийа̄ни ниссат̣а̄ни хонти сун̃н̃ата̄нупассана̄йа пан̃чахиндрийехи адхипан̃н̃а̄дхаммавипассана̄васена пан̃чиндрийа̄ни ниссат̣а̄ни хонти. адхипан̃н̃а̄дхаммавипассана̄йа пан̃чахиндрийехи йатха̄бхӯтан̃а̄н̣адассанавасена пан̃чиндрийа̄ни ниссат̣а̄ни хонти, йатха̄бхӯтан̃а̄н̣адассане пан̃чахиндрийехи а̄дӣнава̄нупассана̄васена пан̃чиндрийа̄ни ниссат̣а̄ни хонти, а̄дӣнава̄нупассана̄йа пан̃чахиндрийехи пат̣исан̇кха̄нупассана̄васена пан̃чиндрийа̄ни ниссат̣а̄ни хонти, пат̣исан̇кха̄нупассана̄йа пан̃чахиндрийехи виват̣т̣ана̄нупассана̄васена пан̃чиндрийа̄ни ниссат̣а̄ни хонти. виват̣т̣ана̄нупассана̄йа пан̃чахиндрийехи сота̄паттимаггавасена пан̃чиндрийа̄ни ниссат̣а̄ни хонти.

сота̄паттимагге пан̃чахиндрийехи сота̄паттипхаласама̄паттивасена пан̃чиндрийа̄ни ниссат̣а̄ни хонти, сота̄паттипхаласама̄паттийа̄ пан̃чахиндрийехи сакада̄га̄мимаггавасена пан̃чиндрийа̄ни ниссат̣а̄ни хонти, сакада̄га̄мимагге пан̃чахиндрийехи сакада̄га̄мипхаласама̄паттивасена пан̃чиндрийа̄ни ниссат̣а̄ни хонти, сакада̄га̄мипхаласама̄паттийа̄ пан̃чахиндрийехи ана̄га̄мимаггавасена пан̃чиндрийа̄ни ниссат̣а̄ни хонти, ана̄га̄мимагге пан̃чахиндрийехи ана̄га̄мипхаласама̄паттивасена пан̃чиндрийа̄ни ниссат̣а̄ни хонти, ана̄га̄мипхаласама̄паттийа̄ пан̃чахиндрийехи арахаттамаггавасена пан̃чиндрийа̄ни ниссат̣а̄ни хонти, арахаттамагге пан̃чахиндрийехи арахаттапхаласама̄паттивасена пан̃чиндрийа̄ни ниссат̣а̄ни хонти.

неккхамме пан̃чиндрийа̄ни ка̄маччхандато ниссат̣а̄ни хонти, абйа̄па̄де пан̃чиндрийа̄ни бйа̄па̄дато ниссат̣а̄ни хонти, а̄локасан̃н̃а̄йа пан̃чиндрийа̄ни тхинамиддхато ниссат̣а̄ни хонти, авиккхепе пан̃чиндрийа̄ни уддхаччато ниссат̣а̄ни хонти, дхаммававаттха̄не пан̃чиндрийа̄ни вичикиччха̄йа ниссат̣а̄ни хонти, н̃а̄н̣е пан̃чиндрийа̄ни авиджджа̄йа ниссат̣а̄ни хонти, па̄модждже пан̃чиндрийа̄ни аратийа̄ ниссат̣а̄ни хонти.

193. пат̣хаме джха̄не пан̃чиндрийа̄ни нӣваран̣ехи ниссат̣а̄ни хонти, дутийе джха̄не пан̃чиндрийа̄ни витаккавича̄рехи ниссат̣а̄ни хонти, татийе джха̄не пан̃чиндрийа̄ни пӣтийа̄ ниссат̣а̄ни хонти, чатуттхе джха̄не пан̃чиндрийа̄ни сукхадуккхехи ниссат̣а̄ни хонти, а̄ка̄са̄нан̃ча̄йатанасама̄паттийа̄ пан̃чиндрийа̄ни рӯпасан̃н̃а̄йа пат̣игхасан̃н̃а̄йа на̄наттасан̃н̃а̄йа ниссат̣а̄ни хонти, вин̃н̃а̄н̣ан̃ча̄йатанасама̄паттийа̄ пан̃чиндрийа̄ни а̄ка̄са̄нан̃ча̄йатанасан̃н̃а̄йа ниссат̣а̄ни хонти, а̄кин̃чан̃н̃а̄йатанасама̄паттийа̄ пан̃чиндрийа̄ни вин̃н̃а̄н̣ан̃ча̄йатанасан̃н̃а̄йа ниссат̣а̄ни хонти, невасан̃н̃а̄на̄сан̃н̃а̄йатанасама̄паттийа̄ пан̃чиндрийа̄ни а̄кин̃чан̃н̃а̄йатанасан̃н̃а̄йа ниссат̣а̄ни хонти.

аничча̄нупассана̄ пан̃чиндрийа̄ни ниччасан̃н̃а̄йа ниссат̣а̄ни хонти, дуккха̄нупассана̄ пан̃чиндрийа̄ни сукхасан̃н̃а̄йа ниссат̣а̄ни хонти, анатта̄нупассана̄ пан̃чиндрийа̄ни аттасан̃н̃а̄йа ниссат̣а̄ни хонти, ниббида̄нупассана̄йа пан̃чиндрийа̄ни нандийа̄ ниссат̣а̄ни хонти, вира̄га̄нупассана̄йа пан̃чиндрийа̄ни ра̄гато ниссат̣а̄ни хонти, ниродха̄нупассана̄йа пан̃чиндрийа̄ни самудайато ниссат̣а̄ни хонти, пат̣иниссагга̄нупассана̄йа пан̃чиндрийа̄ни а̄да̄нато ниссат̣а̄ни хонти, кхайа̄нупассана̄йа пан̃чиндрийа̄ни гханасан̃н̃а̄йа ниссат̣а̄ни хонти, вайа̄нупассана̄йа пан̃чиндрийа̄ни а̄йӯханато ниссат̣а̄ни хонти, випарин̣а̄ма̄нупассана̄йа пан̃чиндрийа̄ни дхувасан̃н̃а̄йа ниссат̣а̄ни хонти, анимитта̄нупассана̄йа пан̃чиндрийа̄ни нимиттато ниссат̣а̄ни хонти, аппан̣ихита̄нупассана̄йа пан̃чиндрийа̄ни пан̣идхийа̄ ниссат̣а̄ни хонти, сун̃н̃ата̄нупассана̄йа пан̃чиндрийа̄ни абхинивесато ниссат̣а̄ни хонти. адхипан̃н̃а̄дхаммавипассана̄йа пан̃чиндрийа̄ни са̄ра̄да̄на̄бхинивесато ниссат̣а̄ни хонти, йатха̄бхӯтан̃а̄н̣адассане пан̃чиндрийа̄ни саммоха̄бхинивесато ниссат̣а̄ни хонти, а̄дӣнава̄нупассана̄йа пан̃чиндрийа̄ни а̄лайа̄бхинивесато ниссат̣а̄ни хонти, пат̣исан̇кха̄нупассана̄йа пан̃чиндрийа̄ни аппат̣исан̇кха̄йа ниссат̣а̄ни хонти, виват̣т̣ана̄нупассана̄йа пан̃чиндрийа̄ни сан̃н̃ога̄бхинивесато ниссат̣а̄ни хонти.

сота̄паттимагге пан̃чиндрийа̄ни дит̣т̣хекат̣т̣хехи килесехи ниссат̣а̄ни хонти, сакада̄га̄мимагге пан̃чиндрийа̄ни ол̣а̄рикехи килесехи ниссат̣а̄ни хонти, ана̄га̄мимагге пан̃чиндрийа̄ни анусахагатехи килесехи ниссат̣а̄ни хонти, арахаттамагге пан̃чиндрийа̄ни саббакилесехи ниссат̣а̄ни хонти, саббесан̃н̃ева кхӣн̣а̄сава̄нам̣ таттха таттха пан̃чиндрийа̄ни ниссат̣а̄ни чева хонти суниссат̣а̄ни ча пат̣иппассаддха̄ни ча суппат̣иппассаддха̄ни ча.

имехи асӣтисатам̣ а̄ка̄рехи пан̃чаннам̣ индрийа̄нам̣ ниссаран̣ам̣ хоти; имехи асӣтисатам̣ а̄ка̄рехи пан̃чаннам̣ индрийа̄нам̣ ниссаран̣ам̣ паджа̄на̄ти.

суттантаниддесо дутийо.

пат̣хамабха̄н̣ава̄ро.

3. татийасуттантаниддесо

194. са̄ваттхинида̄нам̣ [сам̣. ни. 5.478-479 пасситабба̄]. ‘‘пан̃чима̄ни, бхиккхаве, индрийа̄ни. катама̄ни пан̃ча? саддхиндрийам̣, вӣрийиндрийам̣, сатиндрийам̣, сама̄дхиндрийам̣, пан̃н̃индрийам̣. каттха ча, бхиккхаве, саддхиндрийам̣ дат̣т̣хаббам̣? чатӯсу сота̄паттийан̇гесу – еттха саддхиндрийам̣ дат̣т̣хаббам̣. каттха ча, бхиккхаве, вӣрийиндрийам̣ дат̣т̣хаббам̣? чатӯсу саммаппадха̄несу – еттха вӣрийиндрийам̣ дат̣т̣хаббам̣. каттха ча, бхиккхаве, сатиндрийам̣ дат̣т̣хаббам̣? чатӯсу сатипат̣т̣ха̄несу – еттха сатиндрийам̣ дат̣т̣хаббам̣. каттха ча, бхиккхаве, сама̄дхиндрийам̣ дат̣т̣хаббам̣? чатӯсу джха̄несу – еттха сама̄дхиндрийам̣ дат̣т̣хаббам̣. каттха ча, бхиккхаве, пан̃н̃индрийам̣ дат̣т̣хаббам̣? чатӯсу арийасаччесу – еттха пан̃н̃индрийам̣ дат̣т̣хаббам̣’’.

чатӯсу сота̄паттийан̇гесу саддхиндрийасса васена катиха̄ка̄рехи пан̃чиндрийа̄ни дат̣т̣хабба̄ни? чатӯсу саммаппадха̄несу вӣрийиндрийасса васена катиха̄ка̄рехи пан̃чиндрийа̄ни дат̣т̣хабба̄ни? чатӯсу сатипат̣т̣ха̄несу сатиндрийасса васена катиха̄ка̄рехи пан̃чиндрийа̄ни дат̣т̣хабба̄ни? чатӯсу джха̄несу сама̄дхиндрийасса васена катиха̄ка̄рехи пан̃чиндрийа̄ни дат̣т̣хабба̄ни? чатӯсу арийасаччесу пан̃н̃индрийасса васена катиха̄ка̄рехи пан̃чиндрийа̄ни дат̣т̣хабба̄ни?

чатӯсу сота̄паттийан̇гесу саддхиндрийасса васена вӣсатийа̄ а̄ка̄рехи пан̃чиндрийа̄ни дат̣т̣хабба̄ни. чатӯсу саммаппадха̄несу вӣрийиндрийасса васена вӣсатийа̄ а̄ка̄рехи пан̃чиндрийа̄ни дат̣т̣хабба̄ни. чатӯсу сатипат̣т̣ха̄несу сатиндрийасса васена вӣсатийа̄ а̄ка̄рехи пан̃чиндрийа̄ни дат̣т̣хабба̄ни. чатӯсу джха̄несу сама̄дхиндрийасса васена вӣсатийа̄ а̄ка̄рехи пан̃чиндрийа̄ни дат̣т̣хабба̄ни. чатӯсу арийасаччесу пан̃н̃индрийасса васена вӣсатийа̄ а̄ка̄рехи пан̃чиндрийа̄ни дат̣т̣хабба̄ни.

ка. пабхедаган̣ананиддесо

195. чатӯсу сота̄паттийан̇гесу саддхиндрийасса васена катамехи вӣсатийа̄ а̄ка̄рехи пан̃чиндрийа̄ни дат̣т̣хабба̄ни? саппурисасам̣севе сота̄паттийан̇ге адхимоккха̄дхипатеййат̣т̣хена саддхиндрийам̣ дат̣т̣хаббам̣, саддхиндрийасса васена паггахат̣т̣хена вӣрийиндрийам̣ дат̣т̣хаббам̣, упат̣т̣ха̄нат̣т̣хена сатиндрийам̣ дат̣т̣хаббам̣, авиккхепат̣т̣хена сама̄дхиндрийам̣ дат̣т̣хаббам̣, дассанат̣т̣хена пан̃н̃индрийам̣ дат̣т̣хаббам̣; саддхаммасаване сота̄паттийан̇ге… йонисоманасика̄ре сота̄паттийан̇ге… дхамма̄нудхаммапат̣ипаттийа̄ сота̄паттийан̇ге адхимоккха̄дхипатеййат̣т̣хена саддхиндрийам̣ дат̣т̣хаббам̣, саддхиндрийасса васена паггахат̣т̣хена вӣрийиндрийам̣ дат̣т̣хаббам̣, упат̣т̣ха̄нат̣т̣хена сатиндрийам̣ дат̣т̣хаббам̣, авиккхепат̣т̣хена сама̄дхиндрийам̣ дат̣т̣хаббам̣, дассанат̣т̣хена пан̃н̃индрийам̣ дат̣т̣хаббам̣. чатӯсу сота̄паттийан̇гесу саддхиндрийасса васена имехи вӣсатийа̄ а̄ка̄рехи пан̃чиндрийа̄ни дат̣т̣хабба̄ни.

чатӯсу саммаппадха̄несу вӣрийиндрийасса васена катамехи вӣсатийа̄ а̄ка̄рехи пан̃чиндрийа̄ни дат̣т̣хабба̄ни? ануппанна̄нам̣ па̄пака̄нам̣ акусала̄нам̣ дхамма̄нам̣ ануппа̄да̄йа саммаппадха̄не паггаха̄дхипатеййат̣т̣хена вӣрийиндрийам̣ дат̣т̣хаббам̣, вӣрийиндрийасса васена упат̣т̣ха̄нат̣т̣хена сатиндрийам̣ дат̣т̣хаббам̣, авиккхепат̣т̣хена сама̄дхиндрийам̣ дат̣т̣хаббам̣, дассанат̣т̣хена пан̃н̃индрийам̣ дат̣т̣хаббам̣, адхимоккхат̣т̣хена саддхиндрийам̣ дат̣т̣хаббам̣. уппанна̄нам̣ па̄пака̄нам̣ акусала̄нам̣ дхамма̄нам̣ паха̄на̄йа саммаппадха̄не…пе… ануппанна̄нам̣ кусала̄нам̣ дхамма̄нам̣ уппа̄да̄йа саммаппадха̄не…пе… уппанна̄нам̣ кусала̄нам̣ дхамма̄нам̣ т̣хитийа̄ асаммоса̄йа бхиййобха̄ва̄йа вепулла̄йа бха̄вана̄йа па̄рипӯрийа̄ саммаппадха̄не паггаха̄дхипатеййат̣т̣хена вӣрийиндрийам̣ дат̣т̣хаббам̣, вӣрийиндрийасса васена упат̣т̣ха̄нат̣т̣хена сатиндрийам̣ дат̣т̣хаббам̣, авиккхепат̣т̣хена сама̄дхиндрийам̣ дат̣т̣хаббам̣, дассанат̣т̣хена пан̃н̃индрийам̣ дат̣т̣хаббам̣, адхимоккхат̣т̣хена саддхиндрийам̣ дат̣т̣хаббам̣. чатӯсу саммаппадха̄несу вӣрийиндрийасса васена имехи вӣсатийа̄ а̄ка̄рехи пан̃чиндрийа̄ни дат̣т̣хабба̄ни.

чатӯсу сатипат̣т̣ха̄несу сатиндрийасса васена катамехи вӣсатийа̄ а̄ка̄рехи пан̃чиндрийа̄ни дат̣т̣хабба̄ни? ка̄йе ка̄йа̄нупассана̄сатипат̣т̣ха̄не упат̣т̣ха̄на̄дхипатеййат̣т̣хена сатиндрийам̣ дат̣т̣хаббам̣, сатиндрийасса васена авиккхепат̣т̣хена сама̄дхиндрийам̣ дат̣т̣хаббам̣, дассанат̣т̣хена пан̃н̃индрийам̣ дат̣т̣хаббам̣, адхимоккхат̣т̣хена саддхиндрийам̣ дат̣т̣хаббам̣, паггахат̣т̣хена вӣрийиндрийам̣ дат̣т̣хаббам̣. ведана̄су ведана̄нупассана̄сатипат̣т̣ха̄не…пе… читте читта̄нупассана̄сатипат̣т̣ха̄не… дхаммесу дхамма̄нупассана̄сатипат̣т̣ха̄не упат̣т̣ха̄на̄дхипатеййат̣т̣хена сатиндрийам̣ дат̣т̣хаббам̣, сатиндрийасса васена авиккхепат̣т̣хена сама̄дхиндрийам̣ дат̣т̣хаббам̣, дассанат̣т̣хена пан̃н̃индрийам̣ дат̣т̣хаббам̣, адхимоккхат̣т̣хена саддхиндрийам̣ дат̣т̣хаббам̣, паггахат̣т̣хена вӣрийиндрийам̣ дат̣т̣хаббам̣. чатӯсу сатипат̣т̣ха̄несу сатиндрийасса васена имехи вӣсатийа̄ а̄ка̄рехи пан̃чиндрийа̄ни дат̣т̣хабба̄ни.

чатӯсу джха̄несу сама̄дхиндрийасса васена катамехи вӣсатийа̄ а̄ка̄рехи пан̃чиндрийа̄ни дат̣т̣хабба̄ни? пат̣хаме джха̄не авиккхепа̄дхипатеййат̣т̣хена сама̄дхиндрийам̣ дат̣т̣хаббам̣, сама̄дхиндрийасса васена дассанат̣т̣хена пан̃н̃индрийам̣ дат̣т̣хаббам̣, адхимоккхат̣т̣хена саддхиндрийам̣ дат̣т̣хаббам̣, паггахат̣т̣хена вӣрийиндрийам̣ дат̣т̣хаббам̣, упат̣т̣ха̄нат̣т̣хена сатиндрийам̣ дат̣т̣хаббам̣. дутийе джха̄не…пе… татийе джха̄не… чатуттхе джха̄не авиккхепа̄дхипатеййат̣т̣хена сама̄дхиндрийам̣ дат̣т̣хаббам̣, сама̄дхиндрийасса васена дассанат̣т̣хена пан̃н̃индрийам̣ дат̣т̣хаббам̣, адхимоккхат̣т̣хена саддхиндрийам̣ дат̣т̣хаббам̣, паггахат̣т̣хена вӣрийиндрийам̣ дат̣т̣хаббам̣, упат̣т̣ха̄нат̣т̣хена сатиндрийам̣ дат̣т̣хаббам̣. чатӯсу джха̄несу сама̄дхиндрийасса васена имехи вӣсатийа̄ а̄ка̄рехи пан̃чиндрийа̄ни дат̣т̣хабба̄ни.

чатӯсу арийасаччесу пан̃н̃индрийасса васена катамехи вӣсатийа̄ а̄ка̄рехи пан̃чиндрийа̄ни дат̣т̣хабба̄ни? дуккхе арийасачче дассана̄дхипатеййат̣т̣хена пан̃н̃индрийам̣ дат̣т̣хаббам̣, пан̃н̃индрийасса васена адхимоккхат̣т̣хена саддхиндрийам̣ дат̣т̣хаббам̣, паггахат̣т̣хена вӣрийиндрийам̣ дат̣т̣хаббам̣, упат̣т̣ха̄нат̣т̣хена сатиндрийам̣ дат̣т̣хаббам̣, авиккхепат̣т̣хена сама̄дхиндрийам̣ дат̣т̣хаббам̣. дуккхасамудайе арийасачче…пе… дуккханиродхе арийасачче… дуккханиродхага̄минийа̄ пат̣ипада̄йа арийасачче дассана̄дхипатеййат̣т̣хена пан̃н̃индрийам̣ дат̣т̣хаббам̣, пан̃н̃индрийасса васена адхимоккхат̣т̣хена саддхиндрийам̣ дат̣т̣хаббам̣, паггахат̣т̣хена вӣрийиндрийам̣ дат̣т̣хаббам̣, упат̣т̣ха̄нат̣т̣хена сатиндрийам̣ дат̣т̣хаббам̣, авиккхепат̣т̣хена сама̄дхиндрийам̣ дат̣т̣хаббам̣. чатӯсу арийасаччесу пан̃н̃индрийасса васена имехи вӣсатийа̄ а̄ка̄рехи пан̃чиндрийа̄ни дат̣т̣хабба̄ни.

кха. чарийава̄ро

196. чатӯсу сота̄паттийан̇гесу саддхиндрийасса васена катиха̄ка̄рехи пан̃чаннам̣ индрийа̄нам̣ чарийа̄ дат̣т̣хабба̄?

чатӯсу саммаппадха̄несу…пе… чатӯсу сатипат̣т̣ха̄несу… чатӯсу джха̄несу… чатӯсу арийасаччесу пан̃н̃индрийасса васена катиха̄ка̄рехи пан̃чаннам̣ индрийа̄нам̣ чарийа̄ дат̣т̣хабба̄? чатӯсу сота̄паттийан̇гесу саддхиндрийасса васена вӣсатийа̄ а̄ка̄рехи пан̃чаннам̣ индрийа̄нам̣ чарийа̄ дат̣т̣хабба̄. чатӯсу саммаппадха̄несу…пе… чатӯсу сатипат̣т̣ха̄несу… чатӯсу джха̄несу… чатӯсу арийасаччесу пан̃н̃индрийасса васена вӣсатийа̄ а̄ка̄рехи пан̃чаннам̣ индрийа̄нам̣ чарийа̄ дат̣т̣хабба̄.

чатӯсу сота̄паттийан̇гесу саддхиндрийасса васена катамехи вӣсатийа̄ а̄ка̄рехи пан̃чаннам̣ индрийа̄нам̣ чарийа̄ дат̣т̣хабба̄? саппурисасам̣севе сота̄паттийан̇ге адхимоккха̄дхипатеййат̣т̣хена саддхиндрийасса чарийа̄ дат̣т̣хабба̄, саддхиндрийасса васена паггахат̣т̣хена вӣрийиндрийасса чарийа̄ дат̣т̣хабба̄, упат̣т̣ха̄нат̣т̣хена сатиндрийасса чарийа̄ дат̣т̣хабба̄, авиккхепат̣т̣хена сама̄дхиндрийасса чарийа̄ дат̣т̣хабба̄, дассанат̣т̣хена пан̃н̃индрийасса чарийа̄ дат̣т̣хабба̄. саддхаммасаване сота̄паттийан̇ге…пе… йонисо манасика̄ре сота̄паттийан̇ге… дхамма̄нудхаммапат̣ипаттийа̄ сота̄паттийан̇ге адхимоккха̄дхипатеййат̣т̣хена саддхиндрийасса чарийа̄ дат̣т̣хабба̄, саддхиндрийасса васена паггахат̣т̣хена вӣрийиндрийасса чарийа̄ дат̣т̣хабба̄, упат̣т̣ха̄нат̣т̣хена сатиндрийасса чарийа̄ дат̣т̣хабба̄, авиккхепат̣т̣хена сама̄дхиндрийасса чарийа̄ дат̣т̣хабба̄, дассанат̣т̣хена пан̃н̃индрийасса чарийа̄ дат̣т̣хабба̄. чатӯсу сота̄паттийан̇гесу саддхиндрийасса васена имехи вӣсатийа̄ а̄ка̄рехи пан̃чаннам̣ индрийа̄нам̣ чарийа̄ дат̣т̣хабба̄.

чатӯсу саммаппадха̄несу вӣрийиндрийасса васена катамехи вӣсатийа̄ а̄ка̄рехи пан̃чаннам̣ индрийа̄нам̣ чарийа̄ дат̣т̣хабба̄? ануппанна̄нам̣ па̄пака̄нам̣ акусала̄нам̣ дхамма̄нам̣ ануппа̄да̄йа саммаппадха̄не паггаха̄дхипатеййат̣т̣хена вӣрийиндрийасса чарийа̄ дат̣т̣хабба̄, вӣрийиндрийасса васена упат̣т̣ха̄нат̣т̣хена сатиндрийасса чарийа̄ дат̣т̣хабба̄, авиккхепат̣т̣хена сама̄дхиндрийасса чарийа̄ дат̣т̣хабба̄, дассанат̣т̣хена пан̃н̃индрийасса чарийа̄ дат̣т̣хабба̄, адхимоккхат̣т̣хена саддхиндрийасса чарийа̄ дат̣т̣хабба̄. уппанна̄нам̣ па̄пака̄нам̣ акусала̄нам̣ дхамма̄нам̣ паха̄на̄йа саммаппадха̄не…пе… ануппанна̄нам̣ кусала̄нам̣ дхамма̄нам̣ уппа̄да̄йа саммаппадха̄не…пе… уппанна̄нам̣ кусала̄нам̣ дхамма̄нам̣ т̣хитийа̄ асаммоса̄йа бхиййобха̄ва̄йа вепулла̄йа бха̄вана̄йа па̄рипӯрийа̄ саммаппадха̄не паггаха̄дхипатеййат̣т̣хена вӣрийиндрийасса чарийа̄ дат̣т̣хабба̄…пе… чатӯсу саммаппадха̄несу вӣрийиндрийасса васена имехи вӣсатийа̄ а̄ка̄рехи пан̃чаннам̣ индрийа̄нам̣ чарийа̄ дат̣т̣хабба̄.

чатӯсу сатипат̣т̣ха̄несу сатиндрийасса васена катамехи вӣсатийа̄ а̄ка̄рехи пан̃чаннам̣ индрийа̄нам̣ чарийа̄ дат̣т̣хабба̄? ка̄йе ка̄йа̄нупассана̄сатипат̣т̣ха̄не упат̣т̣ха̄на̄дхипатеййат̣т̣хена сатиндрийасса чарийа̄ дат̣т̣хабба̄, сатиндрийасса васена авиккхепат̣т̣хена сама̄дхиндрийасса чарийа̄ дат̣т̣хабба̄, дассанат̣т̣хена пан̃н̃индрийасса чарийа̄ дат̣т̣хабба̄, адхимоккхат̣т̣хена саддхиндрийасса чарийа̄ дат̣т̣хабба̄, паггахат̣т̣хена вӣрийиндрийасса чарийа̄ дат̣т̣хабба̄. ведана̄су ведана̄нупассана̄сатипат̣т̣ха̄не…пе… читте читта̄нупассана̄сатипат̣т̣ха̄не…пе… дхаммесу дхамма̄нупассана̄сатипат̣т̣ха̄не упат̣т̣ха̄на̄дхипатеййат̣т̣хена сатиндрийасса чарийа̄ дат̣т̣хабба̄…пе… чатӯсу сатипат̣т̣ха̄несу сатиндрийасса васена имехи вӣсатийа̄ а̄ка̄рехи пан̃чаннам̣ индрийа̄нам̣ чарийа̄ дат̣т̣хабба̄.

чатӯсу джха̄несу сама̄дхиндрийасса васена катамехи вӣсатийа̄ а̄ка̄рехи пан̃чаннам̣ индрийа̄нам̣ чарийа̄ дат̣т̣хабба̄? пат̣хаме джха̄не авиккхепа̄дхипатеййат̣т̣хена сама̄дхиндрийасса чарийа̄ дат̣т̣хабба̄, сама̄дхиндрийасса васена дассанат̣т̣хена пан̃н̃индрийасса чарийа̄ дат̣т̣хабба̄, адхимоккхат̣т̣хена саддхиндрийасса чарийа̄ дат̣т̣хабба̄, паггахат̣т̣хена вӣрийиндрийасса чарийа̄ дат̣т̣хабба̄, упат̣т̣ха̄нат̣т̣хена сатиндрийасса чарийа̄ дат̣т̣хабба̄. дутийе джха̄не…пе… татийе джха̄не…пе… чатуттхе джха̄не авиккхепа̄дхипатеййат̣т̣хена сама̄дхиндрийасса чарийа̄ дат̣т̣хабба̄…пе… чатӯсу джха̄несу сама̄дхиндрийасса васена имехи вӣсатийа̄ а̄ка̄рехи пан̃чаннам̣ индрийа̄нам̣ чарийа̄ дат̣т̣хабба̄.

чатӯсу арийасаччесу пан̃н̃индрийасса васена катамехи вӣсатийа̄ а̄ка̄рехи пан̃чаннам̣ индрийа̄нам̣ чарийа̄ дат̣т̣хабба̄? дуккхе арийасачче дассана̄дхипатеййат̣т̣хена пан̃н̃индрийасса чарийа̄ дат̣т̣хабба̄, пан̃н̃индрийасса васена адхимоккхат̣т̣хена саддхиндрийасса чарийа̄ дат̣т̣хабба̄, паггахат̣т̣хена вӣрийиндрийасса чарийа̄ дат̣т̣хабба̄, упат̣т̣ха̄нат̣т̣хена сатиндрийасса чарийа̄ дат̣т̣хабба̄, авиккхепат̣т̣хена сама̄дхиндрийасса чарийа̄ дат̣т̣хабба̄. дуккхасамудайе арийасачче…пе… дуккханиродхе арийасачче… дуккханиродхага̄минийа̄ пат̣ипада̄йа арийасачче дассана̄дхипатеййат̣т̣хена пан̃н̃индрийасса чарийа̄ дат̣т̣хабба̄, пан̃н̃индрийасса васена адхимоккхат̣т̣хена саддхиндрийасса чарийа̄ дат̣т̣хабба̄, паггахат̣т̣хена вӣрийиндрийасса чарийа̄ дат̣т̣хабба̄, упат̣т̣ха̄нат̣т̣хена сатиндрийасса чарийа̄ дат̣т̣хабба̄, авиккхепат̣т̣хена сама̄дхиндрийасса чарийа̄ дат̣т̣хабба̄. чатӯсу арийасаччесу пан̃н̃индрийасса васена имехи вӣсатийа̄ а̄ка̄рехи пан̃чаннам̣ индрийа̄нам̣ чарийа̄ дат̣т̣хабба̄.

га. ча̄равиха̄раниддесо

197. ча̄ро ча виха̄ро ча анубуддхо хоти пат̣ивиддхо, йатха̄чарантам̣ йатха̄вихарантам̣ вин̃н̃ӯ сабрахмача̄рӣ гамбхӣресу т̣ха̄несу окаппеййум̣ – ‘‘аддха̄, айама̄йасма̄ патто ва̄ па̄пун̣иссати ва̄’’.

чарийа̄ти ат̣т̣ха чарийа̄йо – ирийа̄патхачарийа̄, а̄йатаначарийа̄, сатичарийа̄, сама̄дхичарийа̄, н̃а̄н̣ачарийа̄, маггачарийа̄, паттичарийа̄, локаттхачарийа̄ти. ирийа̄патхачарийа̄ти чатӯсу ирийа̄патхесу. а̄йатаначарийа̄ти чхасу аджджхаттикаба̄хиресу а̄йатанесу. сатичарийа̄ти чатӯсу сатипат̣т̣ха̄несу. сама̄дхичарийа̄ти чатӯсу джха̄несу. н̃а̄н̣ачарийа̄ти чатӯсу арийасаччесу. маггачарийа̄ти чатӯсу арийамаггесу. паттичарийа̄ти чатӯсу са̄ман̃н̃апхалесу. локаттхачарийа̄ти татха̄гатесу арахантесу самма̄самбуддхесу, падесе паччекабуддхесу, падесе са̄вакесу. ирийа̄патхачарийа̄ ча пан̣идхисампанна̄нам̣, а̄йатаначарийа̄ ча индрийесу гуттадва̄ра̄нам̣, сатичарийа̄ ча аппама̄давиха̄рӣнам̣, сама̄дхичарийа̄ ча адхичиттамануйутта̄нам̣, н̃а̄н̣ачарийа̄ ча буддхисампанна̄нам̣, маггачарийа̄ ча самма̄пат̣ипанна̄нам̣, паттичарийа̄ ча адхигатапхала̄нам̣, локаттхачарийа̄ ча татха̄гата̄нам̣ араханта̄нам̣ самма̄самбуддха̄нам̣, падесе паччекабуддха̄нам̣, падесе са̄вака̄нам̣. има̄ ат̣т̣ха чарийа̄йо.

апара̄пи ат̣т̣ха чарийа̄йо. адхимуччанто саддха̄йа чарати, пагган̣ханто вӣрийена чарати, упат̣т̣ха̄пенто сатийа̄ чарати, авиккхепам̣ каронто сама̄дхина̄ чарати, паджа̄нанто пан̃н̃а̄йа чарати, виджа̄нанто вин̃н̃а̄н̣ачарийа̄йа чарати, евам̣ пат̣ипаннасса кусала̄ дхамма̄ а̄йа̄пентӣти а̄йатаначарийа̄йа чарати, евам̣ пат̣ипанно висесамадхигаччхатӣти висесачарийа̄йа чарати – има̄ ат̣т̣ха чарийа̄йо.

апара̄пи ат̣т̣ха чарийа̄йо. дассаначарийа̄ ча самма̄дит̣т̣хийа̄, абхиниропаначарийа̄ ча самма̄сан̇каппасса, париггахачарийа̄ ча самма̄ва̄ча̄йа, самут̣т̣ха̄начарийа̄ ча самма̄каммантасса, вода̄начарийа̄ ча самма̄а̄джӣвасса, паггахачарийа̄ ча самма̄ва̄йа̄масса, упат̣т̣ха̄начарийа̄ ча самма̄сатийа̄, авиккхепачарийа̄ ча самма̄сама̄дхисса – има̄ ат̣т̣ха чарийа̄йо.

виха̄роти адхимуччанто саддха̄йа вихарати, пагган̣ханто вӣрийена вихарати, упат̣т̣ха̄пенто сатийа̄ вихарати, авиккхепам̣ каронто сама̄дхина̄ вихарати, паджа̄нанто пан̃н̃а̄йа вихарати.

анубуддхоти саддхиндрийасса адхимоккхат̣т̣хо анубуддхо хоти, вӣрийиндрийасса паггахат̣т̣хо анубуддхо хоти, сатиндрийасса упат̣т̣ха̄нат̣т̣хо анубуддхо хоти, сама̄дхиндрийасса авиккхепат̣т̣хо анубуддхо хоти, пан̃н̃индрийасса дассанат̣т̣хо анубуддхо хоти.

пат̣ивиддхоти саддхиндрийасса адхимоккхат̣т̣хо пат̣ивиддхо хоти, вӣрийиндрийасса паггахат̣т̣хо пат̣ивиддхо хоти, сатиндрийасса упат̣т̣ха̄нат̣т̣хо пат̣ивиддхо хоти, сама̄дхиндрийасса авиккхепат̣т̣хо пат̣ивиддхо хоти, пан̃н̃индрийасса дассанат̣т̣хо пат̣ивиддхо хоти. йатха̄чарантанти евам̣ саддха̄йа чарантам̣, евам̣ вӣрийена чарантам̣, евам̣ сатийа̄ чарантам̣, евам̣ сама̄дхина̄ чарантам̣, евам̣ пан̃н̃а̄йа чарантам̣. йатха̄вихарантанти евам̣ саддха̄йа вихарантам̣, евам̣ вӣрийена вихарантам̣, евам̣ сатийа̄ вихарантам̣, евам̣ сама̄дхина̄ вихарантам̣, евам̣ пан̃н̃а̄йа вихарантам̣. вин̃н̃ӯти вин̃н̃ӯ вибха̄вӣ медха̄вӣ пан̣д̣ита̄ буддхисампанна̄. сабрахмача̄рӣти екакаммам̣ екуддесо самасиккхата̄. гамбхӣресу т̣ха̄несӯти гамбхӣра̄ни т̣ха̄на̄ни вуччанти джха̄на̄ ча вимоккха̄ ча сама̄дхӣ ча сама̄паттийо ча магга̄ ча пхала̄ни ча абхин̃н̃а̄йо ча пат̣исамбхида̄ ча. окаппеййунти саддахеййум̣ адхимуччеййум̣. аддха̄ти екам̣савачанаметам̣ ниссам̣сайавачанаметам̣ никкан̇кхавачанаметам̣ адведжджхавачанаметам̣ адвел̣хакавачанаметам̣ нийогавачанаметам̣ апан̣н̣акавачанаметам̣ аваттха̄панавачанаметам̣ – аддха̄ти. а̄йасма̄ти пийавачанаметам̣ гарувачанаметам̣ сага̄равасаппатисса̄дхивачанаметам̣ – а̄йасма̄ти. патто ва̄ти адхигато ва̄. па̄пун̣иссати ва̄ти адхигамиссати ва̄.

суттантаниддесо татийо.

4. чатуттхасуттантаниддесо

198. пуриманида̄нам̣ [парипун̣н̣анида̄нам̣ (сйа̄. ка.)]. ‘‘пан̃чима̄ни, бхиккхаве, индрийа̄ни. катама̄ни пан̃ча? саддхиндрийам̣, вӣрийиндрийам̣, сатиндрийам̣, сама̄дхиндрийам̣, пан̃н̃индрийам̣ – има̄ни кхо, бхиккхаве, пан̃чиндрийа̄ни. има̄ни пан̃чиндрийа̄ни катиха̄ка̄рехи кенат̣т̣хена дат̣т̣хабба̄ни? има̄ни пан̃чиндрийа̄ни чхаха̄ка̄рехи тенат̣т̣хена дат̣т̣хабба̄ни – а̄дхипатеййат̣т̣хена а̄дивисодханат̣т̣хена адхиматтат̣т̣хена, адхит̣т̣ха̄нат̣т̣хена, парийа̄да̄нат̣т̣хена, патит̣т̣ха̄пакат̣т̣хена’’.

ка. а̄дхипатеййат̣т̣ханиддесо

199. катхам̣ а̄дхипатеййат̣т̣хена индрийа̄ни дат̣т̣хабба̄ни? ассаддхийам̣ паджахато адхимоккха̄дхипатеййат̣т̣хена саддхиндрийам̣ дат̣т̣хаббам̣, саддхиндрийасса васена паггахат̣т̣хена вӣрийиндрийам̣ дат̣т̣хаббам̣, упат̣т̣ха̄нат̣т̣хена сатиндрийам̣ дат̣т̣хаббам̣, авиккхепат̣т̣хена сама̄дхиндрийам̣ дат̣т̣хаббам̣, дассанат̣т̣хена пан̃н̃индрийам̣ дат̣т̣хаббам̣. косаджджам̣ паджахато паггаха̄дхипатеййат̣т̣хена вӣрийиндрийам̣ дат̣т̣хаббам̣, вӣрийиндрийасса васена упат̣т̣ха̄нат̣т̣хена сатиндрийам̣ дат̣т̣хаббам̣, авиккхепат̣т̣хена сама̄дхиндрийам̣ дат̣т̣хаббам̣, дассанат̣т̣хена пан̃н̃индрийам̣ дат̣т̣хаббам̣, адхимоккхат̣т̣хена саддхиндрийам̣ дат̣т̣хаббам̣. пама̄дам̣ паджахато упат̣т̣ха̄на̄дхипатеййат̣т̣хена сатиндрийам̣ дат̣т̣хаббам̣, сатиндрийасса васена авиккхепат̣т̣хена сама̄дхиндрийам̣ дат̣т̣хаббам̣, дассанат̣т̣хена пан̃н̃индрийам̣ дат̣т̣хаббам̣, адхимоккхат̣т̣хена саддхиндрийам̣ дат̣т̣хаббам̣, паггахат̣т̣хена вӣрийиндрийам̣ дат̣т̣хаббам̣. уддхаччам̣ паджахато авиккхепа̄дхипатеййат̣т̣хена сама̄дхиндрийам̣ дат̣т̣хаббам̣, сама̄дхиндрийасса васена дассанат̣т̣хена пан̃н̃индрийам̣ дат̣т̣хаббам̣, адхимоккхат̣т̣хена саддхиндрийам̣ дат̣т̣хаббам̣, паггахат̣т̣хена вӣрийиндрийам̣ дат̣т̣хаббам̣, упат̣т̣ха̄нат̣т̣хена сатиндрийам̣ дат̣т̣хаббам̣. авиджджам̣ паджахато дассана̄дхипатеййат̣т̣хена пан̃н̃индрийам̣ дат̣т̣хаббам̣, пан̃н̃индрийасса васена адхимоккхат̣т̣хена саддхиндрийам̣ дат̣т̣хаббам̣, паггахат̣т̣хена вӣрийиндрийам̣ дат̣т̣хаббам̣, упат̣т̣ха̄нат̣т̣хена сатиндрийам̣ дат̣т̣хаббам̣, авиккхепат̣т̣хена сама̄дхиндрийам̣ дат̣т̣хаббам̣, дассанат̣т̣хена пан̃н̃индрийам̣ дат̣т̣хаббам̣.

ка̄маччхандам̣ паджахато неккхаммавасена адхимоккха̄дхипатеййат̣т̣хена саддхиндрийам̣ дат̣т̣хаббам̣, саддхиндрийасса васена паггахат̣т̣хена вӣрийиндрийам̣ дат̣т̣хаббам̣, упат̣т̣ха̄нат̣т̣хена сатиндрийам̣ дат̣т̣хаббам̣, авиккхепат̣т̣хена сама̄дхиндрийам̣ дат̣т̣хаббам̣, дассанат̣т̣хена пан̃н̃индрийам̣ дат̣т̣хаббам̣. ка̄маччхандам̣ паджахато неккхаммавасена паггаха̄дхипатеййат̣т̣хена вӣрийиндрийам̣ дат̣т̣хаббам̣, вӣрийиндрийасса васена упат̣т̣ха̄нат̣т̣хена сатиндрийам̣ дат̣т̣хаббам̣, авиккхепат̣т̣хена сама̄дхиндрийам̣ дат̣т̣хаббам̣, дассанат̣т̣хена пан̃н̃индрийам̣ дат̣т̣хаббам̣, адхимоккхат̣т̣хена саддхиндрийам̣ дат̣т̣хаббам̣. ка̄маччхандам̣ паджахато неккхаммавасена упат̣т̣ха̄на̄дхипатеййат̣т̣хена сатиндрийам̣ дат̣т̣хаббам̣, сатиндрийасса васена авиккхепат̣т̣хена сама̄дхиндрийам̣ дат̣т̣хаббам̣, дассанат̣т̣хена пан̃н̃индрийам̣ дат̣т̣хаббам̣, адхимоккхат̣т̣хена саддхиндрийам̣ дат̣т̣хаббам̣, паггахат̣т̣хена вӣрийиндрийам̣ дат̣т̣хаббам̣. ка̄маччхандам̣ паджахато неккхаммавасена авиккхепа̄дхипатеййат̣т̣хена сама̄дхиндрийам̣ дат̣т̣хаббам̣, сама̄дхиндрийасса васена дассанат̣т̣хена пан̃н̃индрийам̣ дат̣т̣хаббам̣, адхимоккхат̣т̣хена саддхиндрийам̣ дат̣т̣хаббам̣, паггахат̣т̣хена вӣрийиндрийам̣ дат̣т̣хаббам̣, упат̣т̣ха̄нат̣т̣хена сатиндрийам̣ дат̣т̣хаббам̣. ка̄маччхандам̣ паджахато неккхаммавасена дассана̄дхипатеййат̣т̣хена пан̃н̃индрийам̣ дат̣т̣хаббам̣, пан̃н̃индрийасса васена адхимоккхат̣т̣хена саддхиндрийам̣ дат̣т̣хаббам̣, паггахат̣т̣хена вӣрийиндрийам̣ дат̣т̣хаббам̣, упат̣т̣ха̄нат̣т̣хена сатиндрийам̣ дат̣т̣хаббам̣, авиккхепат̣т̣хена сама̄дхиндрийам̣ дат̣т̣хаббам̣.

бйа̄па̄дам̣ паджахато абйа̄па̄давасена…пе… тхинамиддхам̣ паджахато а̄локасан̃н̃а̄васена…пе… саббакилесе паджахато арахаттамаггавасена адхимоккха̄дхипатеййат̣т̣хена саддхиндрийам̣ дат̣т̣хаббам̣, саддхиндрийасса васена паггахат̣т̣хена вӣрийиндрийам̣ дат̣т̣хаббам̣, упат̣т̣ха̄нат̣т̣хена сатиндрийам̣ дат̣т̣хаббам̣, авиккхепат̣т̣хена сама̄дхиндрийам̣ дат̣т̣хаббам̣, дассанат̣т̣хена пан̃н̃индрийам̣ дат̣т̣хаббам̣…пе… саббакилесе паджахато арахаттамаггавасена дассана̄дхипатеййат̣т̣хена пан̃н̃индрийам̣ дат̣т̣хаббам̣, пан̃н̃индрийасса васена адхимоккхат̣т̣хена саддхиндрийам̣ дат̣т̣хаббам̣, паггахат̣т̣хена вӣрийиндрийам̣ дат̣т̣хаббам̣, упат̣т̣ха̄нат̣т̣хена сатиндрийам̣ дат̣т̣хаббам̣, авиккхепат̣т̣хена сама̄дхиндрийам̣ дат̣т̣хаббам̣. евам̣ а̄дхипатеййат̣т̣хена индрийа̄ни дат̣т̣хабба̄ни.

кха. а̄дивисодханат̣т̣ханиддесо

200. катхам̣ а̄дивисодханат̣т̣хена индрийа̄ни дат̣т̣хабба̄ни? адхимоккхат̣т̣хена саддхиндрийам̣, ассаддхийасам̣варат̣т̣хена [ассаддхийам̣ сам̣варат̣т̣хена (сйа̄. ка.) евамӣдисесу падесупи] сӣлависуддхи – саддхиндрийасса а̄дивисодхана̄. паггахат̣т̣хена вӣрийиндрийам̣, косаджджасам̣варат̣т̣хена сӣлависуддхи – вӣрийиндрийасса а̄дивисодхана̄. упат̣т̣ха̄нат̣т̣хена сатиндрийам̣, пама̄дасам̣варат̣т̣хена сӣлависуддхи – сатиндрийасса а̄дивисодхана̄. авиккхепат̣т̣хена сама̄дхиндрийам̣, уддхаччасам̣варат̣т̣хена сӣлависуддхи – сама̄дхиндрийасса а̄дивисодхана̄. дассанат̣т̣хена пан̃н̃индрийам̣, авиджджа̄сам̣варат̣т̣хена сӣлависуддхи – пан̃н̃индрийасса а̄дивисодхана̄. неккхамме пан̃чиндрийа̄ни, ка̄маччхандасам̣варат̣т̣хена сӣлависуддхи – пан̃чаннам̣ индрийа̄нам̣ а̄дивисодхана̄. абйа̄па̄де пан̃чиндрийа̄ни, бйа̄па̄дасам̣варат̣т̣хена сӣлависуддхи – пан̃чаннам̣ индрийа̄нам̣ а̄дивисодхана̄…пе… арахаттамагге пан̃чиндрийа̄ни, саббакилесасам̣варат̣т̣хена сӣлависуддхи – пан̃чаннам̣ индрийа̄нам̣ а̄дивисодхана̄. евам̣ а̄дивисодханат̣т̣хена индрийа̄ни дат̣т̣хабба̄ни.

га. адхиматтат̣т̣ханиддесо

201. катхам̣ адхиматтат̣т̣хена индрийа̄ни дат̣т̣хабба̄ни? саддхиндрийасса бха̄вана̄йа чхандо уппаджджати – чхандавасена саддха̄васена саддхиндрийам̣ адхиматтам̣ хоти. чхандавасена па̄моджджам̣ уппаджджати – па̄моджджавасена саддха̄васена саддхиндрийам̣ адхиматтам̣ хоти. па̄моджджавасена пӣти уппаджджати – пӣтивасена саддха̄васена саддхиндрийам̣ адхиматтам̣ хоти. пӣтивасена пассаддхи уппаджджати – пассаддхивасена саддха̄васена саддхиндрийам̣ адхиматтам̣ хоти. пассаддхивасена сукхам̣ уппаджджати – сукхавасена саддха̄васена саддхиндрийам̣ адхиматтам̣ хоти. сукхавасена обха̄со уппаджджати – обха̄савасена саддха̄васена саддхиндрийам̣ адхиматтам̣ хоти. обха̄савасена сам̣вего уппаджджати – сам̣вегавасена саддха̄васена саддхиндрийам̣ адхиматтам̣ хоти. сам̣веджетва̄ читтам̣ сама̄дахати – сама̄дхивасена саддха̄васена саддхиндрийам̣ адхиматтам̣ хоти. татха̄ сама̄хитам̣ читтам̣ са̄дхукам̣ пагган̣ха̄ти – паггахавасена саддха̄васена саддхиндрийам̣ адхиматтам̣ хоти. татха̄паггахитам̣ читтам̣ са̄дхукам̣ аджджхупеккхати – упеккха̄васена саддха̄васена саддхиндрийам̣ адхиматтам̣ хоти. упеккха̄васена на̄наттакилесехи читтам̣ вимуччати – вимоккхавасена саддха̄васена саддхиндрийам̣ адхиматтам̣ хоти. вимуттатта̄ те дхамма̄ екараса̄ хонти – екарасат̣т̣хена бха̄вана̄васена саддха̄васена саддхиндрийам̣ адхиматтам̣ хоти. бха̄витатта̄ тато пан̣ӣтатаре виват̣т̣анти – виват̣т̣ана̄васена саддха̄васена саддхиндрийам̣ адхиматтам̣ хоти. виват̣т̣итатта̄ тато восаджджати [воссаджджати (сйа̄. ка.)] – восаггавасена саддха̄васена саддхиндрийам̣ адхиматтам̣ хоти. восаджджитатта̄ тато нируджджханти – ниродхавасена саддха̄васена саддхиндрийам̣ адхиматтам̣ хоти. ниродхавасена две восагга̄ – паричча̄гавосагго ча, паккханданавосагго ча. килесе ча кхандхе ча париччаджатӣти – паричча̄гавосагго. ниродханибба̄надха̄туйа̄ читтам̣ паккхандатӣти – паккханданавосагго. ниродхавасена име две восагга̄.

ассаддхийасса паха̄на̄йа чхандо уппаджджати…пе… ассаддхийапарил̣а̄хасса паха̄на̄йа чхандо уппаджджати… дит̣т̣хекат̣т̣ха̄нам̣ килеса̄нам̣ паха̄на̄йа чхандо уппаджджати… ол̣а̄рика̄нам̣ килеса̄нам̣ паха̄на̄йа чхандо уппаджджати… анусахагата̄нам̣ килеса̄нам̣ паха̄на̄йа чхандо уппаджджати… саббакилеса̄нам̣ паха̄на̄йа чхандо уппаджджати – чхандавасена саддха̄васена саддхиндрийам̣ адхиматтам̣ хоти…пе… вӣрийиндрийасса бха̄вана̄йа чхандо уппаджджати…пе… косаджджасса паха̄на̄йа чхандо уппаджджати… косаджджапарил̣а̄хасса паха̄на̄йа чхандо уппаджджати… дит̣т̣хекат̣т̣ха̄нам̣ килеса̄нам̣ паха̄на̄йа чхандо уппаджджати…пе… саббакилеса̄нам̣ паха̄на̄йа чхандо уппаджджати… сатиндрийасса бха̄вана̄йа чхандо уппаджджати…пе… пама̄дасса паха̄на̄йа чхандо уппаджджати… пама̄дапарил̣а̄хасса паха̄на̄йа чхандо уппаджджати…пе… саббакилеса̄нам̣ паха̄на̄йа чхандо уппаджджати… сама̄дхиндрийасса бха̄вана̄йа чхандо уппаджджати…пе… уддхаччасса паха̄на̄йа чхандо уппаджджати уддхаччапарил̣а̄хасса паха̄на̄йа чхандо уппаджджати…пе… саббакилеса̄нам̣ паха̄на̄йа чхандо уппаджджати… пан̃н̃индрийасса бха̄вана̄йа чхандо уппаджджати…пе… авиджджа̄йа паха̄на̄йа чхандо уппаджджати… авиджджа̄парил̣а̄хасса паха̄на̄йа чхандо уппаджджати… дит̣т̣хекат̣т̣ха̄нам̣ килеса̄нам̣ паха̄на̄йа чхандо уппаджджати… ол̣а̄рика̄нам̣ килеса̄нам̣ паха̄на̄йа чхандо уппаджджати… анусахагата̄нам̣ килеса̄нам̣ паха̄на̄йа чхандо уппаджджати… саббакилеса̄нам̣ паха̄на̄йа чхандо уппаджджати – чхандавасена пан̃н̃а̄васена пан̃н̃индрийам̣ адхиматтам̣ хоти. чхандавасена па̄моджджам̣ уппаджджати – па̄моджджавасена пан̃н̃а̄васена пан̃н̃индрийам̣ адхиматтам̣ хоти. па̄моджджавасена пӣти уппаджджати – пӣтивасена пан̃н̃а̄ васена пан̃н̃индрийам̣ адхиматтам̣ хоти. пӣтивасена пассаддхи уппаджджати – пассаддхивасена пан̃н̃а̄васена пан̃н̃индрийам̣ адхиматтам̣ хоти. пассаддхивасена сукхам̣ уппаджджати – сукхавасена пан̃н̃а̄васена пан̃н̃индрийам̣ адхиматтам̣ хоти. сукхавасена обха̄со уппаджджати – обха̄савасена пан̃н̃а̄васена пан̃н̃индрийам̣ адхиматтам̣ хоти. обха̄савасена сам̣вего уппаджджати – сам̣вегавасена пан̃н̃а̄васена пан̃н̃индрийам̣ адхиматтам̣ хоти. сам̣веджетва̄ читтам̣ сама̄дахати – сама̄дхивасена пан̃н̃а̄васена пан̃н̃индрийам̣ адхиматтам̣ хоти. татха̄сама̄хитам̣ читтам̣ са̄дхукам̣ пагган̣ха̄ти – паггахавасена пан̃н̃а̄васена пан̃н̃индрийам̣ адхиматтам̣ хоти. татха̄паггахитам̣ читтам̣ са̄дхукам̣ аджджхупеккхати – упеккха̄васена пан̃н̃а̄васена пан̃н̃индрийам̣ адхиматтам̣ хоти. упеккха̄васена на̄наттакилесехи читтам̣ вимуччати – вимоккхавасена пан̃н̃а̄васена пан̃н̃индрийам̣ адхиматтам̣ хоти. вимуттатта̄ те дхамма̄ екараса̄ хонти – бха̄вана̄васена [екарасат̣т̣хена бха̄вана̄васена (сйа̄. ка.) ат̣т̣хакатха̄ олокетаббо] пан̃н̃а̄васена пан̃н̃индрийам̣ адхиматтам̣ хоти. бха̄витатта̄ тато пан̣ӣтатаре виват̣т̣анти – виват̣т̣ана̄васена пан̃н̃а̄васена пан̃н̃индрийам̣ адхиматтам̣ хоти. виват̣т̣итатта̄ тато восаджджати – восаггавасена пан̃н̃а̄васена пан̃н̃индрийам̣ адхиматтам̣ хоти. восаджджитатта̄ тато нируджджханти – ниродхавасена пан̃н̃а̄васена пан̃н̃индрийам̣ адхиматтам̣ хоти. ниродхавасена две восагга̄ – паричча̄гавосагго ча, паккханданавосагго ча. килесе ча кхандхе ча париччаджатӣти – паричча̄гавосагго. ниродханибба̄надха̄туйа̄ читтам̣ паккхандатӣти – паккханданавосагго. ниродхавасена име две восагга̄. евам̣ адхиматтат̣т̣хена индрийа̄ни дат̣т̣хабба̄ни.

дутийабха̄н̣ава̄ро.

гха. адхит̣т̣ха̄нат̣т̣ханиддесо

202. катхам̣ адхит̣т̣ха̄нат̣т̣хена индрийа̄ни дат̣т̣хабба̄ни? саддхиндрийасса бха̄вана̄йа чхандо уппаджджати – чхандавасена саддха̄васена саддхиндрийам̣ адхит̣т̣ха̄ти. чхандавасена па̄моджджам̣ уппаджджати – па̄моджджавасена саддха̄васена саддхиндрийам̣ адхит̣т̣ха̄ти…пе… евам̣ адхит̣т̣ха̄нат̣т̣хена индрийа̄ни дат̣т̣хабба̄ни.

н̇а. парийа̄да̄нат̣т̣ханиддесо

катхам̣ парийа̄да̄нат̣т̣хена индрийа̄ни дат̣т̣хабба̄ни? адхимоккхат̣т̣хена саддхиндрийам̣ ассаддхийам̣ парийа̄дийати, ассаддхийапарил̣а̄хам̣ парийа̄дийати. паггахат̣т̣хена вӣрийиндрийам̣ косаджджам̣ парийа̄дийати, косаджджапарил̣а̄хам̣ парийа̄дийати. упат̣т̣ха̄нат̣т̣хена сатиндрийам̣ пама̄дам̣ парийа̄дийати, пама̄дапарил̣а̄хам̣ парийа̄дийати. авиккхепат̣т̣хена сама̄дхиндрийам̣ уддхаччам̣ парийа̄дийати, уддхаччапарил̣а̄хам̣ парийа̄дийати. дассанат̣т̣хена пан̃н̃индрийам̣ авиджджам̣ парийа̄дийати, авиджджа̄парил̣а̄хам̣ парийа̄дийати. неккхамме пан̃чиндрийа̄ни ка̄маччхандам̣ парийа̄дийанти. абйа̄па̄де пан̃чиндрийа̄ни бйа̄па̄дам̣ парийа̄дийанти. а̄локасан̃н̃а̄йа пан̃чиндрийа̄ни тхинамиддхам̣ парийа̄дийанти. авиккхепе пан̃чиндрийа̄ни уддхаччам̣ парийа̄дийанти…пе… арахаттамагге пан̃чиндрийа̄ни саббакилесе парийа̄дийанти. евам̣ парийа̄да̄нат̣т̣хена индрийа̄ни дат̣т̣хабба̄ни.

ча. патит̣т̣ха̄пакат̣т̣ханиддесо

203. катхам̣ патит̣т̣ха̄пакат̣т̣хена индрийа̄ни дат̣т̣хабба̄ни? саддхо саддхиндрийам̣ адхимоккхе патит̣т̣ха̄пети, саддхасса саддхиндрийам̣ адхимоккхе патит̣т̣ха̄пети. вӣрийава̄ вӣрийиндрийам̣ паггахе патит̣т̣ха̄пети, вӣрийавато вӣрийиндрийам̣ паггахе патит̣т̣ха̄пети. сатима̄ сатиндрийам̣ упат̣т̣ха̄не патит̣т̣ха̄пети, сатимато сатиндрийам̣ упат̣т̣ха̄не патит̣т̣ха̄пети. сама̄хито сама̄дхиндрийам̣ авиккхепе патит̣т̣ха̄пети, сама̄хитасса сама̄дхиндрийам̣ авиккхепе патит̣т̣ха̄пети. пан̃н̃ава̄ пан̃н̃индрийам̣ дассане патит̣т̣ха̄пети, пан̃н̃авато пан̃н̃индрийам̣ дассане патит̣т̣ха̄пети. йога̄вачаро пан̃чиндрийа̄ни неккхамме патит̣т̣ха̄пети, йога̄вачарасса пан̃чиндрийа̄ни неккхамме патит̣т̣ха̄пенти. йога̄вачаро пан̃чиндрийа̄ни абйа̄па̄де патит̣т̣ха̄пети, йога̄вачарасса пан̃чиндрийа̄ни абйа̄па̄де патит̣т̣ха̄пенти. йога̄вачаро пан̃чиндрийа̄ни а̄локасан̃н̃а̄йа патит̣т̣ха̄пети, йога̄вачарасса пан̃чиндрийа̄ни а̄локасан̃н̃а̄йа патит̣т̣ха̄пенти. йога̄вачаро пан̃чиндрийа̄ни авиккхепе патит̣т̣ха̄пети, йога̄вачарасса пан̃чиндрийа̄ни авиккхепе патит̣т̣ха̄пенти…пе… йога̄вачаро пан̃чиндрийа̄ни арахаттамагге патит̣т̣ха̄пети, йога̄вачарасса пан̃чиндрийа̄ни арахаттамагге патит̣т̣ха̄пенти. евам̣ патит̣т̣ха̄пакат̣т̣хена индрийа̄ни дат̣т̣хабба̄ни.

суттантаниддесо чатуттхо.

5. индрийасамодха̄нам̣

204. путхуджджано сама̄дхим̣ бха̄венто катиха̄ка̄рехи упат̣т̣ха̄накусало хоти? секкхо сама̄дхим̣ бха̄венто катиха̄ка̄рехи упат̣т̣ха̄накусало хоти? вӣтара̄го сама̄дхим̣ бха̄венто катиха̄ка̄рехи упат̣т̣ха̄накусало хоти? путхуджджано сама̄дхим̣ бха̄венто саттахи а̄ка̄рехи упат̣т̣ха̄накусало хоти. секкхо сама̄дхим̣ бха̄венто ат̣т̣хахи а̄ка̄рехи упат̣т̣ха̄накусало хоти. вӣтара̄го сама̄дхим̣ бха̄венто дасахи а̄ка̄рехи упат̣т̣ха̄накусало хоти.

путхуджджано сама̄дхим̣ бха̄венто катамехи саттаха̄ка̄рехи упат̣т̣ха̄накусало хоти? а̄ваджджитатта̄ а̄рамман̣ӯпат̣т̣ха̄накусало хоти, саматханимиттӯпат̣т̣ха̄накусало хоти, паггаханимиттӯпат̣т̣ха̄накусало хоти, авиккхепӯпат̣т̣ха̄накусало хоти, обха̄сӯпат̣т̣ха̄накусало хоти, сампахам̣санӯпат̣т̣ха̄накусало хоти, упеккхӯпат̣т̣ха̄накусало хоти – путхуджджано сама̄дхим̣ бха̄венто имехи саттахи а̄ка̄рехи упат̣т̣ха̄накусало хоти.

секкхо сама̄дхим̣ бха̄венто катамехи ат̣т̣хахи а̄ка̄рехи упат̣т̣ха̄накусало хоти? а̄ваджджитатта̄ а̄рамман̣ӯпат̣т̣ха̄накусало хоти, саматханимиттӯпат̣т̣ха̄накусало хоти, паггаханимиттӯпат̣т̣ха̄накусало хоти, авиккхепӯпат̣т̣ха̄накусало хоти, обха̄сӯпат̣т̣ха̄накусало хоти, сампахам̣санӯпат̣т̣ха̄накусало хоти, упеккхӯпат̣т̣ха̄накусало хоти, екаттӯпат̣т̣ха̄накусало хоти – секкхо сама̄дхим̣ бха̄венто имехи ат̣т̣хахи а̄ка̄рехи упат̣т̣ха̄накусало хоти.

вӣтара̄го сама̄дхим̣ бха̄венто катамехи дасахи а̄ка̄рехи упат̣т̣ха̄накусало хоти? а̄ваджджитатта̄ а̄рамман̣ӯпат̣т̣ха̄накусало хоти…пе… екаттӯпат̣т̣ха̄накусало хоти, н̃а̄н̣ӯпат̣т̣ха̄накусало хоти, вимуттӯпат̣т̣ха̄накусало хоти – вӣтара̄го сама̄дхим̣ бха̄венто имехи дасахи а̄ка̄рехи упат̣т̣ха̄накусало хоти.

205. путхуджджано випассанам̣ бха̄венто катиха̄ка̄рехи упат̣т̣ха̄накусало хоти, катиха̄ка̄рехи анупат̣т̣ха̄накусало хоти? секкхо випассанам̣ бха̄венто катиха̄ка̄рехи упат̣т̣ха̄накусало хоти, катиха̄ка̄рехи анупат̣т̣ха̄накусало хоти? вӣтара̄го випассанам̣ бха̄венто катиха̄ка̄рехи упат̣т̣ха̄накусало хоти, катиха̄ка̄рехи анупат̣т̣ха̄накусало хоти?

путхуджджано випассанам̣ бха̄венто навахи а̄ка̄рехи упат̣т̣ха̄накусало хоти, навахи а̄ка̄рехи анупат̣т̣ха̄накусало хоти. секкхо випассанам̣ бха̄венто дасахи а̄ка̄рехи упат̣т̣ха̄накусало хоти, дасахи а̄ка̄рехи анупат̣т̣ха̄накусало хоти. вӣтара̄го випассанам̣ бха̄венто два̄дасахи а̄ка̄рехи упат̣т̣ха̄накусало хоти, два̄дасахи а̄ка̄рехи анупат̣т̣ха̄накусало хоти.

путхуджджано випассанам̣ бха̄венто катамехи навахи а̄ка̄рехи упат̣т̣ха̄накусало хоти, катамехи навахи а̄ка̄рехи анупат̣т̣ха̄накусало хоти? аниччато упат̣т̣ха̄накусало хоти, ниччато анупат̣т̣ха̄накусало хоти. дуккхато упат̣т̣ха̄накусало хоти, сукхато анупат̣т̣ха̄накусало хоти. анаттато упат̣т̣ха̄накусало хоти, аттато анупат̣т̣ха̄накусало хоти. кхайато упат̣т̣ха̄накусало хоти, гханато анупат̣т̣ха̄накусало хоти. вайато упат̣т̣ха̄накусало хоти, а̄йӯхана̄нупат̣т̣ха̄накусало хоти. випарин̣а̄мӯпат̣т̣ха̄накусало хоти, дхувато анупат̣т̣ха̄накусало хоти. анимиттӯпат̣т̣ха̄накусало хоти, нимитта̄нупат̣т̣ха̄накусало хоти. аппан̣ихитӯпат̣т̣ха̄накусало хоти, пан̣идхианупат̣т̣ха̄накусало [пан̣идха̄нупат̣т̣ха̄накусало (сйа̄.)] хоти. сун̃н̃атӯпат̣т̣ха̄накусало хоти, абхинивеса̄нупат̣т̣ха̄накусало хоти – путхуджджано випассанам̣ бха̄венто имехи навахи а̄ка̄рехи упат̣т̣ха̄накусало хоти, имехи навахи а̄ка̄рехи анупат̣т̣ха̄накусало хоти.

206. секкхо випассанам̣ бха̄венто катамехи дасахи а̄ка̄рехи упат̣т̣ха̄накусало хоти, катамехи дасахи а̄ка̄рехи анупат̣т̣ха̄накусало хоти? аниччато упат̣т̣ха̄накусало хоти, ниччато анупат̣т̣ха̄накусало хоти…пе… сун̃н̃атӯпат̣т̣ха̄накусало хоти, абхинивеса̄нӯпат̣т̣ха̄накусало хоти. н̃а̄н̣ӯпат̣т̣ха̄накусало хоти, ан̃а̄н̣аанупат̣т̣ха̄накусало хоти – секкхо випассанам̣ бха̄венто имехи дасахи а̄ка̄рехи упат̣т̣ха̄накусало хоти, имехи дасахи а̄ка̄рехи анупат̣т̣ха̄накусало хоти.

вӣтара̄го випассанам̣ бха̄венто катамехи два̄дасахи а̄ка̄рехи упат̣т̣ха̄накусало хоти, катамехи два̄дасахи а̄ка̄рехи анупат̣т̣ха̄накусало хоти? аниччато упат̣т̣ха̄накусало хоти, ниччато анупат̣т̣ха̄накусало хоти…пе… н̃а̄н̣ӯпат̣т̣ха̄накусало хоти, ан̃а̄н̣а̄нупат̣т̣ха̄накусало хоти. висан̃н̃огӯпат̣т̣ха̄накусало хоти, сан̃н̃ога̄нупат̣т̣ха̄накусало хоти. ниродхӯпат̣т̣ха̄накусало хоти, сан̇кха̄ра̄нупат̣т̣ха̄накусало хоти – вӣтара̄го випассанам̣ бха̄венто имехи два̄дасахи а̄ка̄рехи упат̣т̣ха̄накусало хоти, имехи два̄дасахи а̄ка̄рехи анупат̣т̣ха̄накусало хоти.

а̄ваджджитатта̄ а̄рамман̣ӯпат̣т̣ха̄накусалавасена индрийа̄ни самодха̄нети, гочаран̃ча паджа̄на̄ти, саматтхан̃ча пат̣ивиджджхати…пе… дхамме самодха̄нети, гочаран̃ча паджа̄на̄ти, саматтхан̃ча пат̣ивиджджхати. индрийа̄ни самодха̄нетӣти катхам̣ индрийа̄ни самодха̄нети? адхимоккхат̣т̣хена саддхиндрийам̣ самодха̄нети…пе… саматханимиттӯпат̣т̣ха̄накусалавасена, паггаханимиттӯпат̣т̣ха̄накусалавасена, авиккхепӯпат̣т̣ха̄накусалавасена, обха̄сӯпат̣т̣ха̄накусалавасена, сампахам̣санӯпат̣т̣ха̄накусалавасена, упеккхӯпат̣т̣ха̄накусалавасена, екаттӯпат̣т̣ха̄накусалавасена, н̃а̄н̣ӯпат̣т̣ха̄накусалавасена, вимуттӯпат̣т̣ха̄накусалавасена.

аниччато упат̣т̣ха̄накусалавасена, ниччато анупат̣т̣ха̄накусалавасена, дуккхато упат̣т̣ха̄накусалавасена, сукхато анупат̣т̣ха̄накусалавасена, анаттато упат̣т̣ха̄накусалавасена, аттато анупат̣т̣ха̄накусалавасена, кхайато упат̣т̣ха̄накусалавасена, гханато анупат̣т̣ха̄накусалавасена, вайато упат̣т̣ха̄накусалавасена, а̄йӯхана̄нупат̣т̣ха̄накусалавасена, випарин̣а̄мӯпат̣т̣ха̄накусалавасена, дхувато анупат̣т̣ха̄накусалавасена, анимиттӯпат̣т̣ха̄накусалавасена, нимитта̄нупат̣т̣ха̄накусалавасена, аппан̣ихитӯпат̣т̣ха̄накусалавасена, пан̣идхианупат̣т̣ха̄накусалавасена, сун̃н̃атӯпат̣т̣ха̄накусалавасена, абхинивеса̄нупат̣т̣ха̄накусалавасена, н̃а̄н̣ӯпат̣т̣ха̄накусалавасена, ан̃а̄н̣а̄нупат̣т̣ха̄накусалавасена, висан̃н̃огӯпат̣т̣ха̄накусалавасена, сан̃н̃ога̄нупат̣т̣ха̄накусалавасена, ниродхӯпат̣т̣ха̄накусалавасена, сан̇кха̄ра̄нупат̣т̣ха̄накусалавасена индрийа̄ни самодха̄нети, гочаран̃ча паджа̄на̄ти, саматтхан̃ча пат̣ивиджджхати.

207. чатусат̣т̣хийа̄ а̄ка̄рехи тин̣н̣аннам̣ индрийа̄нам̣ васӣбха̄вата̄пан̃н̃а̄ а̄сава̄нам̣ кхайе н̃а̄н̣ам̣. катамесам̣ тин̣н̣аннам̣ индрийа̄нам̣? анан̃н̃а̄тан̃н̃асса̄мӣтиндрийасса, ан̃н̃индрийасса, ан̃н̃а̄та̄виндрийасса.

анан̃н̃а̄тан̃н̃асса̄мӣтиндрийам̣ кати т̣ха̄на̄ни гаччхати? ан̃н̃индрийам̣ кати т̣ха̄на̄ни гаччхати? ан̃н̃а̄та̄виндрийам̣ кати т̣ха̄на̄ни гаччхати? анан̃н̃а̄тан̃н̃асса̄мӣтиндрийам̣ екам̣ т̣ха̄нам̣ гаччхати – сота̄паттимаггам̣. ан̃н̃индрийам̣ чха т̣ха̄на̄ни гаччхати – сота̄паттипхалам̣, сакада̄га̄мимаггам̣, сакада̄га̄мипхалам̣, ана̄га̄мимаггам̣, ана̄га̄мипхалам̣, арахаттамаггам̣. ан̃н̃а̄та̄виндрийам̣ екам̣ т̣ха̄нам̣ гаччхати – арахаттапхалам̣.

сота̄паттимаггаккхан̣е анан̃н̃а̄тан̃н̃асса̄мӣтиндрийасса саддхиндрийам̣ адхимоккхапарива̄рам̣ хоти, вӣрийиндрийам̣ паггахапарива̄рам̣ хоти, сатиндрийам̣ упат̣т̣ха̄напарива̄рам̣ хоти, сама̄дхиндрийам̣ авиккхепапарива̄рам̣ хоти, пан̃н̃индрийам̣ дассанапарива̄рам̣ хоти, маниндрийам̣ виджа̄нанапарива̄рам̣ хоти, соманассиндрийам̣ абхисанданапарива̄рам̣ хоти, джӣвитиндрийам̣ паваттасантата̄дхипатеййапарива̄рам̣ хоти. сота̄паттимаггаккхан̣е джа̄та̄ дхамма̄, т̣хапетва̄ читтасамут̣т̣ха̄нам̣ рӯпам̣, саббева кусала̄ хонти, саббева ана̄сава̄ хонти, саббева ниййа̄ника̄ хонти, саббева апачайага̄мино хонти, саббева локуттара̄ хонти, саббева нибба̄на̄рамман̣а̄ хонти. сота̄паттимаггаккхан̣е анан̃н̃а̄тан̃н̃асса̄мӣтиндрийасса има̄ни ат̣т̣хиндрийа̄ни сахаджа̄тапарива̄ра̄ хонти, ан̃н̃аман̃н̃апарива̄ра̄ хонти, ниссайапарива̄ра̄ хонти, сампайуттапарива̄ра̄ хонти, сахагата̄ хонти, сахаджа̄та̄ хонти, сам̣сат̣т̣ха̄ хонти, сампайутта̄ хонти. тева тасса а̄ка̄ра̄ чева хонти парива̄ра̄ ча.

сота̄паттипхалаккхан̣е…пе… арахаттапхалаккхан̣е ан̃н̃а̄та̄виндрийасса саддхиндрийам̣ адхимоккхапарива̄рам̣ хоти…пе… джӣвитиндрийам̣ паваттасантата̄дхипатеййапарива̄рам̣ хоти. арахаттапхалаккхан̣е джа̄та̄ дхамма̄ саббева абйа̄ката̄ хонти, т̣хапетва̄ читтасамут̣т̣ха̄нам̣ рӯпам̣ саббева ана̄сава̄ хонти, саббева локуттара̄ хонти, саббева нибба̄на̄рамман̣а̄ хонти. арахаттапхалаккхан̣е ан̃н̃а̄та̄виндрийасса има̄ни ат̣т̣хиндрийа̄ни сахаджа̄тапарива̄ра̄ хонти. тева тасса а̄ка̄ра̄ чева хонти парива̄ра̄ ча. ити има̄ни ат̣т̣ха ат̣т̣хака̄ни чатусат̣т̣хи хонти.

а̄сава̄ти катаме те а̄сава̄? ка̄ма̄саво, бхава̄саво, дит̣т̣ха̄саво, авиджджа̄саво. каттхете а̄сава̄ кхӣйанти [кхиййанти (ка.)]? сота̄паттимаггена анавасесо дит̣т̣ха̄саво кхӣйати. апа̄йагаманӣйо ка̄ма̄саво кхӣйати, апа̄йагаманӣйо бхава̄саво кхӣйати, апа̄йагаманӣйо авиджджа̄саво кхӣйати. еттхете а̄сава̄ кхӣйанти. сакада̄га̄мимаггена ол̣а̄рико ка̄ма̄саво кхӣйати, тадекат̣т̣хо бхава̄саво кхӣйати, тадекат̣т̣хо авиджджа̄саво кхӣйати. еттхете а̄сава̄ кхӣйанти. ана̄га̄мимаггена анавасесо ка̄ма̄саво кхӣйати, тадекат̣т̣хо бхава̄саво кхӣйати, тадекат̣т̣хо авиджджа̄саво кхӣйати. еттхете а̄сава̄ кхӣйанти. арахаттамаггена анавасесо бхава̄саво кхӣйати, анавасесо авиджджа̄саво кхӣйати. еттхете а̄сава̄ кхӣйанти.

208. на тасса аддит̣т̣хамидхаттхи кин̃чи, атхо авин̃н̃а̄тамаджа̄нитаббам̣;

саббам̣ абхин̃н̃а̄си йадаттхи неййам̣, татха̄гато тена самантачаккхӯти.

самантачаккхӯти кенат̣т̣хена самантачаккху? чуддаса буддхан̃а̄н̣а̄ни – дуккхе н̃а̄н̣ам̣ буддхан̃а̄н̣ам̣, дуккхасамудайе н̃а̄н̣ам̣ буддхан̃а̄н̣ам̣…пе… саббан̃н̃утан̃а̄н̣ам̣ буддхан̃а̄н̣ам̣, ана̄варан̣ан̃а̄н̣ам̣ буддхан̃а̄н̣ам̣. има̄ни чуддаса буддхан̃а̄н̣а̄ни. имесам̣ чуддасаннам̣ буддхан̃а̄н̣а̄нам̣ ат̣т̣ха н̃а̄н̣а̄ни са̄вакаса̄дха̄ран̣а̄ни, чха н̃а̄н̣а̄ни аса̄дха̄ран̣а̄ни са̄вакехи.

йа̄вата̄ дуккхасса дуккхат̣т̣хо н̃а̄то, ан̃н̃а̄то дуккхат̣т̣хо наттхӣти – самантачаккху. йам̣ самантачаккху там̣ пан̃н̃индрийам̣. пан̃н̃индрийасса васена адхимоккхат̣т̣хена саддхиндрийам̣, паггахат̣т̣хена вӣрийиндрийам̣, упат̣т̣ха̄нат̣т̣хена сатиндрийам̣, авиккхепат̣т̣хена сама̄дхиндрийам̣. йа̄вата̄ дуккхасса дуккхат̣т̣хо дит̣т̣хо видито саччхикато пхассито пан̃н̃а̄йа; апхассито пан̃н̃а̄йа дуккхат̣т̣хо наттхӣти – самантачаккху. йам̣ самантачаккху там̣ пан̃н̃индрийам̣. пан̃н̃индрийасса васена адхимоккхат̣т̣хена саддхиндрийам̣, паггахат̣т̣хена вӣрийиндрийам̣, упат̣т̣ха̄нат̣т̣хена сатиндрийам̣, авиккхепат̣т̣хена сама̄дхиндрийам̣. йа̄вата̄ самудайасса самудайат̣т̣хо…пе… йа̄вата̄ ниродхасса ниродхат̣т̣хо… йа̄вата̄ маггасса маггат̣т̣хо… йа̄вата̄ аттхапат̣исамбхида̄йа аттхапат̣исамбхидат̣т̣хо… йа̄вата̄ дхаммапат̣исамбхида̄йа дхаммапат̣исамбхидат̣т̣хо… йа̄вата̄ нируттипат̣исамбхида̄йа нируттипат̣исамбхидат̣т̣хо… йа̄вата̄ пат̣ибха̄напат̣исамбхида̄йа пат̣ибха̄напат̣исамбхидат̣т̣хо… йа̄вата̄ индрийапаропарийатте н̃а̄н̣ам̣… йа̄вата̄ сатта̄нам̣ а̄сайа̄нусайе н̃а̄н̣ам̣… йа̄вата̄ йамакапа̄т̣ихӣре н̃а̄н̣ам̣… йа̄вата̄ маха̄карун̣а̄сама̄паттийа̄ н̃а̄н̣ам̣… йа̄вата̄ садевакасса локасса сама̄ракасса сабрахмакасса сассаман̣абра̄хман̣ийа̄ паджа̄йа садеваманусса̄йа дит̣т̣хам̣ сутам̣ мутам̣ вин̃н̃а̄там̣ паттам̣ парийеситам̣ анувичаритам̣ манаса̄, там̣ н̃а̄там̣ дит̣т̣хам̣ видитам̣ саччхикатам̣ пхасситам̣ пан̃н̃а̄йа. апхасситам̣ пан̃н̃а̄йа наттхӣти – самантачаккху. йам̣ самантачаккху там̣ пан̃н̃индрийам̣. пан̃н̃индрийасса васена адхимоккхат̣т̣хена саддхиндрийам̣, паггахат̣т̣хена вӣрийиндрийам̣, упат̣т̣ха̄нат̣т̣хена сатиндрийам̣, авиккхепат̣т̣хена сама̄дхиндрийам̣.

саддаханто пагган̣ха̄ти, пагган̣ханто саддахати. саддаханто упат̣т̣ха̄пети, упат̣т̣ха̄пенто саддахати. саддаханто сама̄дахати, сама̄даханто саддахати. саддаханто паджа̄на̄ти, паджа̄нанто саддахати. пагган̣ханто упат̣т̣ха̄пети, упат̣т̣ха̄пенто пагган̣ха̄ти. пагган̣ханто сама̄дахати, сама̄даханто пагган̣ха̄ти. пагган̣ханто паджа̄на̄ти, паджа̄нанто пагган̣ха̄ти. пагган̣ханто саддахати, саддаханто пагган̣ха̄ти. упат̣т̣ха̄пенто сама̄дахати, сама̄даханто упат̣т̣ха̄пети. упат̣т̣ха̄пенто паджа̄на̄ти, паджа̄нанто упат̣т̣ха̄пети. упат̣т̣ха̄пенто саддахати, саддаханто упат̣т̣ха̄пети. упат̣т̣ха̄пенто пагган̣ха̄ти, пагган̣ханто упат̣т̣ха̄пети. сама̄даханто паджа̄на̄ти, паджа̄нанто сама̄дахати. сама̄даханто саддахати, саддаханто сама̄дахати. сама̄даханто пагган̣ха̄ти, пагган̣ханто сама̄дахати. сама̄даханто упат̣т̣ха̄пети, упат̣т̣ха̄пенто сама̄дахати. паджа̄нанто саддахати, саддаханто паджа̄на̄ти. паджа̄нанто пагган̣ха̄ти, пагган̣ханто паджа̄на̄ти. паджа̄нанто упат̣т̣ха̄пети, упат̣т̣ха̄пенто паджа̄на̄ти. паджа̄нанто сама̄дахати, сама̄даханто паджа̄на̄ти.

саддахитатта̄ паггахитам̣, паггахитатта̄ саддахитам̣. саддахитатта̄ упат̣т̣ха̄питам̣, упат̣т̣ха̄питатта̄ саддахитам̣. саддахитатта̄ сама̄дахитам̣, сама̄дахитатта̄ саддахитам̣. саддахитатта̄ паджа̄нитам̣, паджа̄нитатта̄ саддахитам̣. паггахитатта̄ упат̣т̣ха̄питам̣, упат̣т̣ха̄питатта̄ паггахитам̣. паггахитатта̄ сама̄дахитам̣, сама̄дахитатта̄ паггахитам̣. паггахитатта̄ паджа̄нитам̣ паджа̄нитатта̄ паггахитам̣. паггахитатта̄ саддахитам̣, саддахитатта̄ паггахитам̣. упат̣т̣ха̄питатта̄ сама̄дахитам̣, сама̄дахитатта̄ упат̣т̣ха̄питам̣. упат̣т̣ха̄питатта̄ паджа̄нитам̣, паджа̄нитатта̄ упат̣т̣ха̄питам̣. упат̣т̣ха̄питатта̄ саддахитам̣, саддахитатта̄ упат̣т̣ха̄питам̣. упат̣т̣ха̄питатта̄ паггахитам̣, паггахитатта̄ упат̣т̣ха̄питам̣. сама̄дахитатта̄ паджа̄нитам̣, паджа̄нитатта̄ сама̄дахитам̣. сама̄дахитатта̄ саддахитам̣, саддахитатта̄ сама̄дахитам̣. сама̄дахитатта̄ паггахитам̣, паггахитатта̄ сама̄дахитам̣. сама̄дахитатта̄ упат̣т̣ха̄питам̣, упат̣т̣ха̄питатта̄ сама̄дахитам̣. паджа̄нитатта̄ саддахитам̣, саддахитатта̄ паджа̄нитам̣. паджа̄нитатта̄ паггахитам̣, паггахитатта̄ паджа̄нитам̣. паджа̄нитатта̄ упат̣т̣ха̄питам̣, упат̣т̣ха̄питатта̄ паджа̄нитам̣. паджа̄нитатта̄ сама̄дахитам̣, сама̄дахитатта̄ паджа̄нитам̣.

йам̣ буддхачаккху там̣ буддхан̃а̄н̣ам̣, йам̣ буддхан̃а̄н̣ам̣ там̣ буддхачаккху, йена чаккхуна̄ татха̄гато сатте пассати аппараджаккхе маха̄раджаккхе тиккхиндрийе мудиндрийе сва̄ка̄ре два̄ка̄ре сувин̃н̃а̄пайе дувин̃н̃а̄пайе аппекачче паралокаваджджабхайадасса̄вино [паралокаваджджабхайадасса̄вине (сйа̄. ка.)], аппекачче напаралокаваджджабхайадасса̄вино.

аппараджаккхе маха̄раджаккхети саддхо пуггало аппараджаккхо, ассаддхо пуггало маха̄раджаккхо. а̄раддхавӣрийо пуггало аппараджаккхо, кусӣто пуггало маха̄раджаккхо. упат̣т̣хитассати пуггало аппараджаккхо, мут̣т̣хассати пуггало маха̄раджаккхо. сама̄хито пуггало аппараджаккхо, асама̄хито пуггало маха̄раджаккхо. пан̃н̃ава̄ пуггало аппараджаккхо, дуппан̃н̃о пуггало маха̄раджаккхо.

тиккхиндрийе мудиндрийети саддхо пуггало тиккхиндрийо, ассаддхо пуггало мудиндрийо…пе… пан̃н̃ава̄ пуггало тиккхиндрийо, дуппан̃н̃о пуггало мудиндрийо. сва̄ка̄ре два̄ка̄рети саддхо пуггало сва̄ка̄ро, ассаддхо пуггало два̄ка̄ро…пе… пан̃н̃ава̄ пуггало сва̄ка̄ро, дуппан̃н̃о пуггало два̄ка̄ро. сувин̃н̃а̄пайе дувин̃н̃а̄пайети саддхо пуггало сувин̃н̃а̄пайо, ассаддхо пуггало дувин̃н̃а̄пайо…пе… пан̃н̃ава̄ пуггало сувин̃н̃а̄пайо, дуппан̃н̃о пуггало дувин̃н̃а̄пайо.

аппекачче паралокаваджджабхайадасса̄вино, аппекачче напаралокаваджджабхайадасса̄виноти саддхо пуггало паралокаваджджабхайадасса̄вӣ, ассаддхо пуггало напаралокаваджджабхайадасса̄вӣ. а̄раддхавӣрийо пуггало паралокаваджджабхайадасса̄вӣ, кусӣто пуггало напаралокаваджджабхайадасса̄вӣ…пе… пан̃н̃ава̄ пуггало паралокаваджджабхайадасса̄вӣ, дуппан̃н̃о пуггало напаралокаваджджабхайадасса̄вӣ.

локоти кхандхалоко дха̄тулоко а̄йатаналоко випаттибхавалоко випаттисамбхавалоко сампаттибхавалоко сампаттисамбхавалоко.

еко локо – саббе сатта̄ а̄ха̄рат̣т̣хитика̄. две лока̄ – на̄ман̃ча рӯпан̃ча. тайо лока̄ – тиссо ведана̄. чатта̄ро лока̄ – чатта̄ро а̄ха̄ра̄. пан̃ча лока̄ – пан̃чупа̄да̄наккхандха̄. чха лока̄ – чха аджджхаттика̄ни а̄йатана̄ни. сатта лока̄ – сатта вин̃н̃а̄н̣ат̣т̣хитийо. ат̣т̣ха лока̄ – ат̣т̣ха локадхамма̄. нава лока̄ – нава сатта̄ва̄са̄. даса лока̄ – даса̄йатана̄ни. два̄даса лока̄ – два̄даса̄йатана̄ни. ат̣т̣ха̄раса лока̄ – ат̣т̣ха̄раса дха̄туйо.

ваджджанти саббе килеса̄ ваджджа̄, саббе дуччарита̄ ваджджа̄, саббе абхисан̇кха̄ра̄ ваджджа̄, саббе бхавага̄микамма̄ ваджджа̄. ити имасмин̃ча локе имасмин̃ча вадждже тибба̄ бхайасан̃н̃а̄ паччупат̣т̣хита̄ хонти, сеййатха̄пи уккхитта̄сике вадхаке. имехи пан̃н̃а̄са̄йа а̄ка̄рехи има̄ни пан̃чиндрийа̄ни джа̄на̄ти пассати ан̃н̃а̄ти пат̣ивиджджхатӣти.

индрийасамодха̄но пан̃чамо.

татийабха̄н̣ава̄ро.

индрийакатха̄ нит̣т̣хита̄.