64-67. суддхикапат̣исамбхида̄н̃а̄н̣аниддесо

110. катхам̣ аттхапат̣исамбхиде н̃а̄н̣ам̣, дхаммапат̣исамбхиде н̃а̄н̣ам̣, нируттипат̣исамбхиде н̃а̄н̣ам̣, пат̣ибха̄напат̣исамбхиде н̃а̄н̣ам̣? аттхесу н̃а̄н̣ам̣ аттхапат̣исамбхида̄, дхаммесу н̃а̄н̣ам̣ дхаммапат̣исамбхида̄, нируттӣсу н̃а̄н̣ам̣ нируттипат̣исамбхида̄, пат̣ибха̄несу н̃а̄н̣ам̣ пат̣ибха̄напат̣исамбхида̄. аттхана̄натте пан̃н̃а̄ аттхапат̣исамбхиде н̃а̄н̣ам̣, дхаммана̄натте пан̃н̃а̄ дхаммапат̣исамбхиде н̃а̄н̣ам̣, нируттина̄натте пан̃н̃а̄ нируттипат̣исамбхиде н̃а̄н̣ам̣, пат̣ибха̄нана̄натте пан̃н̃а̄ пат̣ибха̄напат̣исамбхиде н̃а̄н̣ам̣, аттхававаттха̄не пан̃н̃а̄ аттхапат̣исамбхиде н̃а̄н̣ам̣, дхаммававаттха̄не пан̃н̃а̄ дхаммапат̣исамбхиде н̃а̄н̣ам̣ нируттиваваттха̄не пан̃н̃а̄ нируттипат̣исамбхиде н̃а̄н̣ам̣, пат̣ибха̄нававаттха̄не пан̃н̃а̄ пат̣ибха̄напат̣исамбхиде н̃а̄н̣ам̣.

аттхасаллаккхан̣е пан̃н̃а̄ аттхапат̣исамбхиде н̃а̄н̣ам̣, дхаммасаллаккхан̣е пан̃н̃а̄ дхаммапат̣исамбхиде н̃а̄н̣ам̣, нируттисаллаккхан̣е пан̃н̃а̄ нируттипат̣исамбхиде н̃а̄н̣ам̣, пат̣ибха̄насаллаккхан̣е пан̃н̃а̄ пат̣ибха̄напат̣исамбхиде н̃а̄н̣ам̣. аттхӯпалаккхан̣е пан̃н̃а̄ аттхапат̣исамбхиде н̃а̄н̣ам̣, дхаммӯпалаккхан̣е пан̃н̃а̄ дхаммапат̣исамбхиде н̃а̄н̣ам̣, нируттӯпалаккхан̣е пан̃н̃а̄ нируттипат̣исамбхиде н̃а̄н̣ам̣, пат̣ибха̄нӯпалаккхан̣е пан̃н̃а̄ пат̣ибха̄напат̣исамбхиде н̃а̄н̣ам̣.

аттхаппабхеде пан̃н̃а̄ аттхапат̣исамбхиде н̃а̄н̣ам̣, дхаммаппабхеде пан̃н̃а̄ дхаммапат̣исамбхиде н̃а̄н̣ам̣, нируттиппабхеде пан̃н̃а̄ нируттипат̣исамбхиде н̃а̄н̣ам̣, пат̣ибха̄наппабхеде пан̃н̃а̄ пат̣ибха̄напат̣исамбхиде н̃а̄н̣ам̣. аттхаппабха̄ване пан̃н̃а̄ аттхапат̣исамбхиде н̃а̄н̣ам̣, дхаммаппабха̄ване пан̃н̃а̄ дхаммапат̣исамбхиде н̃а̄н̣ам̣, нируттиппабха̄ване пан̃н̃а̄ нируттипат̣исамбхиде н̃а̄н̣ам̣, пат̣ибха̄наппабха̄ване пан̃н̃а̄ пат̣ибха̄напат̣исамбхиде н̃а̄н̣ам̣.

аттхаджотане пан̃н̃а̄ аттхапат̣исамбхиде н̃а̄н̣ам̣, дхаммаджотане пан̃н̃а̄ дхаммапат̣исамбхиде н̃а̄н̣ам̣, нируттиджотане пан̃н̃а̄ нируттипат̣исамбхиде н̃а̄н̣ам̣, пат̣ибха̄наджотане пан̃н̃а̄ пат̣ибха̄напат̣исамбхиде н̃а̄н̣ам̣. аттхавирочане пан̃н̃а̄ аттхапат̣исамбхиде н̃а̄н̣ам̣, дхаммавирочане пан̃н̃а̄ дхаммапат̣исамбхиде н̃а̄н̣ам̣, нируттивирочане пан̃н̃а̄ нируттипат̣исамбхиде н̃а̄н̣ам̣, пат̣ибха̄навирочане пан̃н̃а̄ пат̣ибха̄напат̣исамбхиде н̃а̄н̣ам̣. аттхаппака̄сане пан̃н̃а̄ аттхапат̣исамбхиде н̃а̄н̣ам̣, дхаммаппака̄сане пан̃н̃а̄ дхаммапат̣исамбхиде н̃а̄н̣ам̣, нируттиппака̄сане пан̃н̃а̄ нируттипат̣исамбхиде н̃а̄н̣ам̣, пат̣ибха̄наппака̄сане пан̃н̃а̄ пат̣ибха̄напат̣исамбхиде н̃а̄н̣ам̣. там̣ н̃а̄тат̣т̣хена н̃а̄н̣ам̣, паджа̄нанат̣т̣хена пан̃н̃а̄. тена вуччати – ‘‘аттхапат̣исамбхиде н̃а̄н̣ам̣, дхаммапат̣исамбхиде н̃а̄н̣ам̣, нируттипат̣исамбхиде н̃а̄н̣ам̣, пат̣ибха̄напат̣исамбхиде н̃а̄н̣ам̣’’.

суддхикапат̣исамбхида̄н̃а̄н̣аниддесо саттасат̣т̣химо.